ନୟାଗଡ: ପାରିବାରିକ କଳହର କରୁଣ କାହାଣୀ। ସାମାନ୍ୟ ବଚସାକୁ ନେଇ ଫୁଟିଲା ବୋମା। ବୋମାମାଡ଼ରେ ଜଣେ ମହିଳା ଗୁରୁତର, ୩ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ତେବେ ଏଭଳି ଅଭାବନୀୟ ଘଟଣା ନୟାଗଡ଼ ଜିଲ୍ଲା ଇଟାମାଟି ଥାନା ସଜନାପଡ଼ା ଗାଁରେ ଦେଖିବାକୁ ମିଳିଛି। 

ସୂଚନା ଅନୁସାରେ, ସଜନାପଡ଼ା ଗାଁରେ ଗତକାଲି ସନ୍ଧ୍ୟା ସମୟରେ ଗାଁର ମାନସ ମାନସିଂ ଓ ତାଙ୍କ ସାନଭାଇ ମଧ୍ୟରେ ପାରିବାରିକ ବିବାଦକୁ ନେଇ ଝଗଡା ହୋଇଥିଲା। ତେବେ ଏହି ଝଗଡ଼ାକୁ କେନ୍ଦ୍ର କରି ମାନସ ମାନସିଂ ଗୋପୀନାଥ ମନ୍ଦିର ନିକଟରେ ରହି ସାନ ଭାଇ ଉପରକୁ ବୋମାମାଡ କରିଥିଲେ। ଯାହାଫଳରେ ଜଣେ ମହିଳା ଗୁରୁତର, ୩ ଜଣ ଆହତ ହୋଇଥିଲେ । ତେଣୁ ସେମାନଙ୍କୁ ଉଦ୍ଧାର କରି ନୟାଗଡ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଖବରପାଇ ଇଟାମାଟି ଥାନା ପୋଲିସ ପଂହଁଚି ଘଟଣାର ତଦନ୍ତ ଜାରି ରଖିଛି।