ଯାଜପୁରରେ ନାବାଳିକା ଦୁଷ୍କର୍ମ ମାମଲାରେ ରାୟ ପ୍ରକାଶ ପାଇଛି। ସ୍ୱତନ୍ତ୍ର ପୋକ୍ସୋ କୋର୍ଟ ଅଭିଯୁକ୍ତ ସଞ୍ଜୟ ମହାରଣାଙ୍କୁ ୨୦ ବର୍ଷର କଠୋର କାରାଦଣ୍ଡ ଶୁଣାଇଛନ୍ତି।
ଘଟଣା ମୁତାବିକ, ୨୦୨୫ରେ ଜେନାପୁର ଥାନା ଅଞ୍ଚଳରେ ଜଣେ ୧୪ ବର୍ଷ ୧୧ ମାସର ଜଣେ ନିର୍ଦୋଷ ନାବାଳିକାକୁ ଅପହରଣ କରି ଅଭିଯୁକ୍ତ ନିଜ ସମ୍ପର୍କୀୟ ଘରେ ନେଇ ଦୁଷ୍କର୍ମ କରିଥିଲା। ପରିବାର ପକ୍ଷରୁ ଏନେଇ ଅଭିଯୋଗ ହେବା ପରେ ପୋଲିସ ତତ୍କ୍ଷଣାତ୍ କାର୍ଯ୍ୟନୁଷ୍ଠାନ ନେଇ ସଞ୍ଜୟକୁ ଗିରଫ କରିଥିଲା।
ମାମଲାର ଶୁଣାଣି ସମୟରେ ୧୩ ଜଣଙ୍କ ସାକ୍ଷ୍ୟ ଓ ପ୍ରମାଣକୁ ଆଧାର କରି କୋର୍ଟ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଛି। ବିଚାରପତି ଅଭିଳାଷ ସେନାପତି ଦୋଷୀକୁ ୨୦ ବର୍ଷ ଜେଲ ସହ ୫୦ ହଜାର ଟଙ୍କା ଜରିମାନା ଲାଗୁ କରିଛନ୍ତି। ଜରିମାନା ଅନାଦୟ କଲେ ଅଧିକ ୧୨ ମାସ ଜେଲ ଭୋଗିବାକୁ ପଡିବ ବୋଲି କୋର୍ଟ ଆଦେଶ ଦେଇଛନ୍ତି। ଏଥିସହିତ ପୀଡିତାଙ୍କୁ ୮ ଲକ୍ଷ ଟଙ୍କା କ୍ଷତିପୂରଣ ଦେବାକୁ ଆଇନ ସେବା ପ୍ରାଧିକରଣକୁ ନିର୍ଦ୍ଦେଶ ମଧ୍ୟ ଦିଆଯାଇଛି।