ବଢିଛି ଓଡ଼ିଶାକୁ ଆସୁଥିବା ବିଦେଶୀ ପକ୍ଷୀଙ୍କ ସଂଖ୍ୟା । ଏବେ ରାଜ୍ୟର ବିଭିନ୍ନ ସ୍ଥାନରେ ପକ୍ଷୀ ଗଣନା ଆରମ୍ଭ ହୋଇଛି। ଶୀତ ସମୟରେ ଚିଲିକା, ଭିତରକନିକା ଓ ହୀରାକୁଦ ଭଳି ଜଳାଶୟ ସ୍ଥାନରେ ବିଦେଶୀ ପକ୍ଷୀଙ୍କ ଆଗମନ ହୋଇଥାଏ । ଗତବର୍ଷ ତୁଳନାରେ ଚଳିତ ବର୍ଷ ଭିତରକନିକାରେ ୧୯୩ଟି ଅଧିକ ବିଦେଶୀ ପକ୍ଷୀଙ୍କ ସମାଗମ ହୋଇଛି । ନୀଳ ଆକାଶ ତଳେ ବିଭିନ୍ନ ରଙ୍ଗ ଓ ପ୍ରଜାତିର ପକ୍ଷୀଙ୍କ  ଦୃଶ୍ୟ ମନକୁ ମୋହୁଛି । ପ୍ରାୟ ୫୨ଟି ବନଖଣ୍ଡରେ ପକ୍ଷୀ ଗଣନା ଆରମ୍ଭ ହୋଇଛି। ଚଳିତ ବର୍ଷ ୧ ଲକ୍ଷ ୫୧ ହଜାର ୬୧୪ଟି ବିଦେଶୀ ପକ୍ଷୀ ଆସିଛନ୍ତି । କେଉଁ ପ୍ରଜାତି ଓ କେତେ ପକ୍ଷୀ ଆସିଛନ୍ତି ତାର ହିସାବ ପାଇଁ ଚାଲିଛି ପକ୍ଷୀ ଗଣନା । ପକ୍ଷୀ ଗଣନା ପାଇଁ ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଟିମ ନିୟୋଜିତ ହୋଇଛନ୍ତି ।