ଭୁବନେଶ୍ୱର:  ଆଜିଠୁ କଲବଲ କରିବ ଖରା । ରାଜ୍ୟରୁ ଶୀତ ପ୍ରତ୍ୟାବର୍ତ୍ତନ କରିଛି, ଆଜିଠୁ ବଢିବ ଖରାର ପ୍ରକୋପ । ଏହି ଗରମ ସପ୍ତାହ ଯାଏଁ ରହିବ ।ଖରାରୁ ନିସ୍ତାର ନାହିଁ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । । ଏବେ ରାଜ୍ୟରେ ସ୍ବାଭାବିକ ଠାରୁ ତାପମାତ୍ରା ୨ରୁ ୪ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇଛି । 

ରାଜ୍ୟରେ ଶୀତ ବହୁ ବିଳମ୍ବରେ ଅନୁଭୁତ ହୋଇଥିବାବେଳେ, ବହୁ ଶୀଘ୍ର ବିଦାୟ ନେଇଛି ।  ଆସନ୍ତାକାଲିଠାରୁ ରାଜ୍ୟରେ ଶୀତ କମ ଗରମ ବେଶୀ ଅନୁଭୂତ ହେବ । ରାଜ୍ୟରୁ ଶୀତ ପ୍ରତ୍ୟାବର୍ତ୍ତନ କରିଛି । ଗୋଟେପଟେ ସକାଳେ ଘନକୁହୁଡ଼ି ଲୋକଙ୍କ ଜୀବନକୁ ଅସ୍ତବ୍ୟସ୍ତ କରୁଥିବାବେଳେ ଦିନରେ ଟାଇଁ ଟାଇଁ ଖରା ରାଜ୍ୟବାସୀଙ୍କୁ ହନ୍ତସନ୍ତ କରିବ ।

ଆଗାମୀ ୪ରୁ ୫ ଦିନ ଯାଏଁ ରାତି ତାପମାତ୍ରା ଅଧିକ ରହିବ । ଗତକାଲି ରାଜ୍ୟର ଅଧିକାଂଶ ସହରରେ ତାପମାତ୍ରା ବଢିଛି । ମାଲକାନଗିରି, କୋରାପୁଟ,ରାୟଗଡା,ଗଜପତି ଗଂଜାମ ,କନ୍ଧମାଳ, ନୟାଗଡ଼, ଖୋର୍ଦ୍ଧା, ପୁରୀ, ଜଗତସିଂହପୁର, କେନ୍ଦ୍ରାପଡା, କଟକ, ଢେଙ୍କାନାଳ, ଅନୁଗୁଳ, ଯାଜପୁର ଦେଓଗଡ, ସମ୍ବଲପୁର ଓ କେନ୍ଦୁଝର ଜିଲ୍ଲାକୁ ସତର୍କ କରିଛି ପାଣିପାଗ ବିଭାଗ । ୩୧ ତାରିଖରେ ଉପକୂଳ ଓଡିଶାରେ ହାଲୁକାରୁ ମଧ୍ୟମ ଧରଣର କୁହୁଡି ଦେଖିବାକୁ ମିଳିବ। 

ଅଧିକ ପଢନ୍ତୁ: ସରିଲା ଶୀତ, କାଲିଠୁ କଲବଲ କରିବ ଖରା