ବିଚ୍ ରାସ୍ତାରେ ସ୍ୱାମୀ-ସ୍ତ୍ରୀଙ୍କୁ ହାଣିଲା ଦୁର୍ବୃତ୍ତ। ଲୁଟ୍ କରି ନ ପାରିବାରୁ ଏପରି ଅମାନୁଷିକ କାଣ୍ଡ ଘଟାଇଛି ଜଣେ ଦୁର୍ବୁତ୍ତ। ଏଭଳି ଅଭାବନୀୟ ଘଟଣା ମୟୁରଭଞ୍ଜ ଜିଲ୍ଲା ଖୁଣ୍ଟା ଥାନା କଟରାଷୋଳ ଛକ ନିକଟରେ ଘଟିଛି। ତେବେ ଗୁରୁତର ଅବସ୍ଥାରେ ସ୍ୱାମୀ-ସ୍ତ୍ରୀଙ୍କୁ ଚିକିତ୍ସା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଆହତ ହୋଇଥିବା ଦମ୍ପତି ହେଉଛନ୍ତି ଗଡ଼ିଗାଁ ଗ୍ରାମର ଦୁଲାରାମ ହାଁସଦା ତାଙ୍କ ସ୍ତ୍ରୀ ମାଣିକେଶ୍ବରୀ ମାର୍ଣ୍ଡି। 

ସୂଚନା ମୁତାବକ ,  ମୟୁରଭଞ୍ଜ ଜିଲ୍ଲା ଖୁଣ୍ଟା ଥାନା କଟରାଷୋଳ ଛକ ନିକଟରେ ଲୁଟ ପାଇଁ ବିଚ୍ ରାସ୍ତାରେ ଦମ୍ପତିଙ୍କୁ ଆକ୍ରମଣ। ତେବେ ଆହତ ହୋଇଥିବା ଦମ୍ପତି ହେଉଛନ୍ତି ଗଡ଼ିଗାଁ ଗ୍ରାମର ଦୁଲାରାମ ହାଁସଦା ତାଙ୍କ ସ୍ତ୍ରୀ ମାଣିକେଶ୍ବରୀ ମାର୍ଣ୍ଡି। ତେବେ ସକାଳୁ ଦୁଲାରାମ ତାଙ୍କ ସ୍ତ୍ରୀ ମାଣିକେଶ୍ଵରୀଙ୍କୁ ବିଦ୍ୟାଳୟ ଛାଡିବାକୁ ଯାଉଥିଲେ। ଏହି ସମୟରେ କଟରାଷୋଳ ଛକ ନିକଟରେ ୩ ଜଣ ଯୁବକ ଏକ କଳା ପଲସରରେ ପଛ ପଟରୁ ଆସି ମାଣିକେଶ୍ଵରୀଙ୍କ ବ୍ୟାଗ ଟାଣିଥିଲେ । ସେ ଏହାକୁ ବିରୋଧ କରିବା ପରେ ଦୁର୍ବୁତ୍ତମାନେ  ଏକ ଭୁଜାଲିରେ ସ୍ୱାମୀ-ସ୍ତ୍ରୀଙ୍କୁ ହାଣିଥିଲେ। ଗୁରୁତର ଅବସ୍ଥାରେ ଉଭୟଙ୍କୁ ଚିକିତ୍ସା ନିମନ୍ତେ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି । ହାଣିବା ପରେ ଦୁର୍ବୃତ୍ତମାନେ ଘଟଣା ସ୍ଥଳରୁ ଫେରାର ହୋଇଥିଲେ।  ତେବେ ପୋଲିସ ଘଟଣା ସ୍ଥଳରେ ପହଁଚି ଘଟଣାର ଅଧିକ ତଦନ୍ତ କରୁଛି।  

ଅଧିକ ପଢନ୍ତୁ ; ଜଙ୍ଗଲ ଭିତରୁ ନରକଙ୍କାଳ ଠାବ