ଭୁବନେଶ୍ୱର: ଦିନକୁ ଦିନ ବଢୁଥିବା ତାପମାତ୍ରା ଓ ତିବ୍ର ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ରାଜ୍ୟରେ ଏକ ବଡ଼ ପ୍ରଶାସନିକ ନିଷ୍ପତ୍ତି ନିଆଯାଇଛି। ଏପ୍ରିଲ୍ ୪ ତାରିଖରୁ ରାଜ୍ୟର ସମସ୍ତ ଜିଲ୍ଲା ଓ ଅଧସ୍ତନ କୋର୍ଟଗୁଡ଼ିକ ସକାଳୁଆ ସମୟରେ ଚାଲିବାକୁ ନିର୍ଦ୍ଦେଶ ଜାରି ହୋଇଛି। ଓଡ଼ିଶା ଉଚ୍ଚନ୍ୟାୟାଳୟର ରେଜିଷ୍ଟ୍ରାର୍ (ପରିଚାଳନା) ପକ୍ଷରୁ ଏହି ନିର୍ଦ୍ଦେଶ ସହ ଏକ ଅଧିକୃତ ବିଜ୍ଞପ୍ତି ପ୍ରକାଶ ପାଇଛି। ସକାଳ ୭ଟାରୁ ଖୋଲିବ କୋର୍ଟ, ଏହି ବ୍ୟବସ୍ଥା ଗ୍ରୀଷ୍ମ ଅବକାଶ ପର୍ଯ୍ୟନ୍ତ ଜାରି ରହିବ।

ନୂତନ ନିର୍ଦ୍ଦେଶାନୁସାରେ—

• କୋର୍ଟ ଚାଲିବ ସକାଳ ୭ଟାରୁ ୧ଟା ପର୍ଯ୍ୟନ୍ତ
• ମଧ୍ୟରେ ୧୦ଟାରୁ ୧୦.୩୦ ପର୍ଯ୍ୟନ୍ତ ବିରତି
• ପ୍ରାକୃତିକ କାର୍ଯ୍ୟ ସମୟ ରହିବ ୭:୩୦ରୁ ୧୨:୩୦ ପର୍ଯ୍ୟନ୍ତ

କିଛି ସ୍ଥାନରେ ଲାଗୁ ହେବନାହିଁ ଏହି ସକାଳୁଆ କୋର୍ଟ ସମୟ—

• ବ୍ରହ୍ମପୁର
• ଛତ୍ରପୁର
• ଭୁବନେଶ୍ୱର
• କୋରାପୁଟ (ସଦର)
• ପୁରୀ (ସଦର)

ଏହି ସ୍ଥାନଗୁଡ଼ିକରେ ଲାଗୁ ହେବ ନାହିଁ ବୋଲି ସ୍ପଷ୍ଟ କରାଯାଇଛି।

କାହିଁକି ଏହି ନିଷ୍ପତ୍ତି?

ରାଜ୍ୟରେ ଏବେ ତାପମାତ୍ରା ଦିନକୁ ଦିନ ବଢୁଛି। ଦୁପୁର ସମୟରେ କୋର୍ଟରେ କାମ କରିବା ଅତ୍ୟନ୍ତ କଷ୍ଟକର ହୋଇପଡ଼ୁଛି। ଆଇନଜୀବୀ, କର୍ମଚାରୀ ଓ ମାମଲାକାରୀଙ୍କ ସୁବିଧାକୁ ଦୃଷ୍ଟିରେ ରଖି ଏହି ପଦକ୍ଷେପ ଗ୍ରହଣ କରାଯାଇଛି। ଏହି ନିଷ୍ପତ୍ତିକୁ ସାଧାରଣ ଲୋକେ ବି  ସ୍ୱାଗତ କରିଛନ୍ତି।