କଟକରେ ଦିନକୁ ଦିନ ଦୁର୍ବୃତ୍ତଙ୍କର ଆକ୍ରମଣର ଭୟ ବଢ଼ିଚାଲିଛି । ସୂଚନା ଅନୁସାରେ, ରବିବାର କଟକରେ ପୁଣି ଥରେ ଦୁର୍ବୃତ୍ତ ଜଣେ ମହିଳାଙ୍କ ଉପରେ ଆକ୍ରମଣ କରିଛନ୍ତି । ଦିନ ଦ୍ବିପ୍ରହରରେ ଜନଗହଳିପୂର୍ଣ୍ଣ ସ୍ଥାନରେ ଦୁର୍ବୃତ୍ତ ଛୁରାମାଡ଼ କରିଥିଲେ । କଟକର ଦୋଳମୁଣ୍ଡାଇ ଛକରେ ଥିବା ଏକ ପାର୍ଲର ଭିତରେ ଦୁର୍ବୃତ୍ତ ପଶି ପାର୍ଲରରେ ଥିବା ମହିଳାଙ୍କ ଉପରେ ହିଂସାତ୍ମକ ଆକ୍ରମଣ କରିଥିଲେ । ଆକ୍ରମଣ ଫଳରେ ମହିଳା ଜଣକ ଗୁରୁତର ଆହତ ହୋଇଥିଲେ । ମହିଳାଙ୍କୁ ତୁରନ୍ତ କଟକର ବଡ଼ ମେଡିକାଲରେ ଭର୍ତ୍ତି କରାଯାଇଥିଲା । ଆକ୍ରମଣ କିଏ କରିଛି ଓ କଣ ପାଇଁ କରିଛି ତାହାର କାରଣ ଏ ପର୍ଯ୍ୟନ୍ତ ଅସ୍ପଷ୍ଟ ରହିଛି । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଆଗକୁ ପଢ଼ନ୍ତୁ :ଦିନ ଦ୍ୱିପ୍ରହରରେ ମଧ୍ୟ ଥମୁନି ହିଂସା