ବଲାଙ୍ଗିର: ବଲାଙ୍ଗିର ନିକଟସ୍ଥ ଲକି ମ୍ୟାରେଜ ପ୍ୟାଲେସରେ ଓଡ଼ିଶା ରାଜ ଅମଲା ସଂଘର ବାର୍ଷିକ ସାଧାରଣ ବୈଠକ ଏବଂ ସଂଘର ନିର୍ବାଚନ ହୋଇଯାଇଛି। ସଂଘର ସଭାପତି ଶ୍ରୀ ପ୍ରଦ୍ୟୁମ୍ନ କୁମାର ମିଶ୍ରଙ୍କ ସଭାପତିତ୍ବରେ ସଂଘର ବାର୍ଷିକ ସାଧାରଣ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ସଂଘର ସାଧାରଣ ସମ୍ପାଦକ ଶ୍ରୀ ଚୈତନ୍ୟ ବାଗ କୋଷାଧକ୍ଷ୍ୟ ଶ୍ରୀ ସୁରେନ୍ଦ୍ର କୁମାର ବାବୁ ଏବଂ ଅନ୍ୟ ସଦସ୍ୟ ମାନେ ଉପସ୍ଥିତ ରହିଥିଲେ। ବୈଠକକୁ ଶ୍ରୀ ଜ୍ୟୋତି ପ୍ରକାଶ ସାହୁ ପରିଚାଳନା କରିଥିବା ବେଳେ ବୈଠକରେ ରାଜ୍ୟ ସଂଘର ମୁଖ୍ୟ ଉପଦେଷ୍ଟା ଶ୍ରୀ ସୁଧାକର ମହାପାତ୍ର ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ। ତେବେ ଏହି ସଂଘରେ ନୂତନ ଭାବେ ଯୋଗଦାନ କରିଥିବା ନୂତନ ଅମଲା ମାନଙ୍କୁ ସମ୍ବଦ୍ଧନା କରାଯାଇଥିଲା। ଏହାପରେ ସଂଘର ୩ ଟି ପଦବୀ ପାଇଁ ନିର୍ବାଚନ ହୋଇଥିଲା। ତେବେ ନୂତନ ସଭାପତି ଭାବେ ପ୍ରଭାତ କୁମାର ମଲ୍ଲିକ, ସାଧାରଣ ସମ୍ପାଦକ ଭାବେ ରତିକାନ୍ତ ପୁରୋହିତ ନିର୍ବାଚିତ ହୋଇଛନ୍ତି।