ଢ଼ାକା: ବାଂଲାଦେଶରେ ପୁଣି ଥରେ ରାସ୍ତାକୁ ଓହ୍ଲାଇଛନ୍ତି ଛାତ୍ରଛାତ୍ରୀ। ଜଣେ ଡାକ୍ତରୀ ଛାତ୍ରଙ୍କ ମୃତ୍ୟୁ ପ୍ରତିବାଦରେ ଢାକାର ବିଭିନ୍ନ କଲେଜର ଛାତ୍ରଛାତ୍ରୀଙ୍କ ଭିଡ଼ ସରକାରୀ ସହିଦ ସୁହରାୱାର୍ଦି କଲେଜ ପରିସରରେ ଭଙ୍ଗାରୁଜା କରିବା ସହ ୬ଟି ଗାଡ଼ି ଭଙ୍ଗାରୁଜା କରିବା ପରେ ଢାକାର କବି ନଜରୁଲ କଲେଜରେ ଆକ୍ରମଣ ଉଦ୍ୟମ କରିଛନ୍ତି। ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ମଧ୍ୟ ହୋଇଥିଲା, ଯେଉଁଥିରେ ୩୦ ଜଣ ଆହତ ହୋଇଛନ୍ତି।  

ବିକ୍ଷୋଭକାରୀମାନେ ଢାକା ନ୍ୟାସନାଲ ମେଡିକାଲ କଲେଜ ହସ୍ପିଟାଲଉପରେ ମଧ୍ୟ ଆକ୍ରମଣ କରିଥିଲେ, ଯେଉଁଠାରେ ନଭେମ୍ବର ୧୮ ରେ ଡାକ୍ତର ମହବୁବୁର ରେହମାନ ମୁଲ୍ଲା କଲେଜର ଛାତ୍ର ଅଭିଜିତ ହଲଦାର (୧୮)ଙ୍କ ଅବହେଳା ଯୋଗୁଁ ମୃତ୍ୟୁ ହୋଇଥିଲା। ବିକ୍ଷୋଭକାରୀ ଛାତ୍ରମାନେ ହସ୍ପିଟାଲ ଗେଟ୍ ଓ କାଚ ଭାଙ୍ଗି ଦେଇଥିଲେ।  

ଗତ ନଭେମ୍ବର ୧୬ ତାରିଖରେ ଦ୍ୱାଦଶ ଶ୍ରେଣୀଛାତ୍ର ଅଭିଜିତ ଡେଙ୍ଗୁରେ ଆକ୍ରାନ୍ତ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ ଏବଂ ନଭେମ୍ବର ୧୮ତାରିଖରେ ତାଙ୍କର ମୃତ୍ୟୁ ହୋଇଥିଲା। ନଭେମ୍ବର ୧୯ ତାରିଖରେ ତାଙ୍କର ଦେହାନ୍ତ ହୋଇଥିଲା। ନଭେମ୍ବର ୧୯ରେ ତାଙ୍କ ରୁମମେଟ୍ ସିଆମ ଏବଂ ଆଫତାବ ଫେସବୁକରେ ପୋଷ୍ଟ କରିଥିଲେ ଯେ ଡାକ୍ତରଖାନାରେ ଭୁଲ ଚିକିତ୍ସା ଯୋଗୁଁ ତାଙ୍କର ମୃତ୍ୟୁ ଘଟିଛି। ନଭେମ୍ବର ୨୧ ତାରିଖରେ ତାଙ୍କ ସାଙ୍ଗମାନେ ହସ୍ପିଟାଲ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ। ଏହି ସମୟରେ ଅନେକ କଲେଜ ଛାତ୍ରଛାତ୍ରୀ ମଧ୍ୟ ଏଥିରେ ସାମିଲ ହୋଇଥିଲେ। ରବିବାର ସକାଳେ ଛାତ୍ରମାନେ ସୁହରାୱାର୍ଦୀ କଲେଜ ଆଖପାଖ ସୋ'ରୁମ୍ ଗୁଡ଼ିକୁ ଲୁଟ୍ କରିବା ପରେ ଢାକାରେ କଲେଜ, ହଷ୍ଟେଲ ଓ ଧର୍ମାନୁଷ୍ଠାନରେ ସେନା ମୁତୟନ କରିଥିଲେ।  

ଭଙ୍ଗାରୁଜା ଯୋଗୁଁ ୩୫ କୋଟି ଟଙ୍କାର କ୍ଷୟକ୍ଷତି ଆକଳନ କରାଯାଇଛି ବୋଲି ସୁହରାୱାର୍ଦି କଲେଜଅଧ୍ୟକ୍ଷ କାକୋଲି ମୁଖାର୍ଜୀ କହିଛନ୍ତି। ଜଣେ ପ୍ରଧାନଶିକ୍ଷକ ଓ ଶିକ୍ଷକ ହିସାବରେ ଆମେ ଛାତ୍ରଛାତ୍ରୀଙ୍କୁ ମୌଳିକ ଶିଷ୍ଟାଚାର ଶିଖାଇ ପାରିଲୁ ନାହିଁ ବୋଲି ମୁଁ ସମସ୍ତ ଦୋଷ ନେଉଛି। ଯଦିଓ ସେମାନେ ଏକ ଭିନ୍ନ କଲେଜର, ତଥାପି ସେମାନେ ଆମର ପୁଅ। ସେମାନେ ବହି, ଟଙ୍କା, ସାର୍ଟିଫିକେଟ୍, କାଗଜପତ୍ର ଲୁଟି ଉତ୍ସବ ପାଳନ କରିଛନ୍ତି, ଏହା କ'ଣ ଜଣେ ଛାତ୍ରଙ୍କ କାମ? ମୁଁ ପୁଲିସ ସହ ଯୋଗାଯୋଗ କରିବାକୁ ଚେଷ୍ଟା କଲି କିନ୍ତୁ ସେମାନେ କହିଲେ ଯେ ସେମାନେ ଜାତୀୟ ମେଡିକାଲ କଲେଜରେ ସୁରକ୍ଷାରେ ବ୍ୟସ୍ତ ଅଛନ୍ତି । ଏହି ସମୟରେ ସେମାନେ ଏଠାରେ ଆକ୍ରମଣ କରିଥିଲେ। କଲେଜକୁ ବଞ୍ଚାଇବା ବ୍ୟତୀତ ମୋ ପାଖରେ ଅନ୍ୟ କୌଣସି ବିକଳ୍ପ ନଥିଲା।