ସମ୍ବଲପୁର: ପଶ୍ଚିମ ଓଡ଼ିଶାରେ କ୍ୟାରମ ଖେଳକୁ ଅଧିକ ପ୍ରଚାର ପ୍ରସାର କରିବା ଉଦ୍ଦେଶ୍ୟରେ ସମ୍ବଲପୁର ଠାରେ ୨ ଦିନିଆ ପଶ୍ଚିମ ଓଡ଼ିଶା ସ୍ତରୀୟ କ୍ୟାରମ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ପଶ୍ଚିମ ଓଡ଼ିଶାର ସମ୍ବଲପୁର, ବରଗଡ଼, ବଲାଙ୍ଗୀର,ସୁନ୍ଦରଗଡ଼ ଝାରସୁଗୁଡ଼ା, ନୂଆପଡା, ସୁବର୍ଣ୍ଣପୁର ଜିଲ୍ଲାରୁ ମୋଟ୍ ୬୪ କ୍ୟାରମ ଦଳ ଅଂଶଗ୍ରହଣ କରିଥିଲେ। ସମ୍ବଲପୁର ସହରର ଲାୟନ୍ସ କ୍ଳବ୍ ଠାରେ ଅନୁଷ୍ଠିତ ଏହି ୨ଦିନିଆ ପଶ୍ଚିମ ଓଡ଼ିଶା ସ୍ତରୀୟ ଡବଳ୍ସ କ୍ୟାରମ ପ୍ରତିଯୋଗିତାକୁ ଗାନ୍ଧୀ ମନ୍ଦିର ଯୁବକ ସଂଘ ପକ୍ଷରୁ ଶିବୁ ଓ ସୁମିତ୍ରାଙ୍କ ସ୍ମାରକୀରେ ଆୟୋଜନ କରାଯାଇଥିଲା। ଏହି ପ୍ରତିଯୋଗିତାର ଫାଇନାଲ ମ୍ୟାଚଟି ବରଗଡ଼ ଜିଲ୍ଲାର ପଦ୍ମପୁର ଓ ସମ୍ବଲପୂର ଗରଗାଁ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ପଦ୍ମପୁର ଦଳ ୨୯ - ୭ ପଏଣ୍ଟରେ ଚାମ୍ପିଅନ ହୋଇଥିଲା। ଏହି ପ୍ରତିଯୋଗିତା ମାଧ୍ୟମରେ ପଶ୍ଚିମ ଓଡ଼ିଶାରେ କ୍ୟାରମ ଖେଳକୁ ଅଧିକ ଲୋକପ୍ରିୟ ତଥା ପ୍ରଚାର ପ୍ରସାର କରିବାକୁ ଉଦ୍ୟମ କରାଯିବା ସହ କ୍ୟାରମ ଖେଳାଳିଙ୍କୁ ସେମାନଙ୍କ ପ୍ରତିଭାକୁ ବିକଶିତ କରିବାକୁ ଉପଯୁକ୍ତ ମଞ୍ଚ ପ୍ରଦାନ ପାଇଁ ଏହି ପ୍ରତିଯୋଗିତା ଅନୁଷ୍ଠିତ କରାଯାଉଥିବା ନେଇ ଆୟୋଜକ ମାନେ କହିଛନ୍ତି।