ବଲାଙ୍ଗୀର : ସଡ଼କ ଦୁର୍ଘଟଣାରେ ଦୁଇଜଣ ଯୁବକଙ୍କର ମୃତ୍ୟୁ ହୋଇଛି  । ବଲାଙ୍ଗିର ସମ୍ବଲପୁର ଜାତୀୟ ରାଜପଥ ସ୍ଥିତ ମାଧିଆପାଲି ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ  ଏଭଳି ଏକ ଦୁର୍ଘଟଣା ଘଟିଛି । ମିଳିଥିବା ସୂଚନା ଅନୁସାରେ ଆଜି ଭୋର୍ ସକାଳ ପ୍ରାୟ ୫ ଟା ସମୟରେ ୨ ଜଣ ଏକ ପଲସର ଗାଡ଼ି(CG 04 MF 8082) ରେ ଯାଉଥିଲେ । ଏହି ସମୟରେ କୌଣସି ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ଫେରାର ମାରିଛି । ଦୁର୍ଘଟଣାରେ ଘଟଣାସ୍ଥଳରେ ଦୁଇଜଣ ମୃତ୍ୟୁ ହୋଇଯାଇଥିଲା ।  ଖବର ପାଇ ଘଟଣା ସ୍ଥଳରେ ପୁଲିସ  ପହଞ୍ଚି ତନାଘନା ଆରମ୍ଭ କରିଛି । ଅପରପକ୍ଷେ ମୃତ ଯୁବକ ଦ୍ବୟଙ୍କ ପରିଚୟ ମିଳିପାରିନଥିବାବେଳେ ଜଣେ ଯୁବକଙ୍କ ପାଖରୁ ଏକ ମାରଣାସ୍ତ୍ର ମିଳିଛି । ମୃତଦେହକୁ ଉଦ୍ଧାର କରି ପୁଲିସ ର ୧୧୨ ଭ୍ୟାନ ରେ ଭୀମଭୋଇ ମେଡିକାଲ କୁ ଅଣାଯାଇଥିଲା । ଶବ ବ୍ୟବଚ୍ଛେଦ ଗୃହରେ ସେମାନଙ୍କ ମୃତଦେହକୁ ରଖାଯାଇଛି ।