ନୂଆଦିଲ୍ଲୀ: ୨୦୨୫ ଏସିଆ କପ୍ ଆରମ୍ଭ ହେବାକୁ ଆଉ ଗୋଟିଏ ମାସରୁ କମ୍ ସମୟ ବାକି ଅଛି। ଏସୀୟ କ୍ରିକେଟର ସବୁଠାରୁ ପ୍ରତିଷ୍ଠିତ ଟୁର୍ଣ୍ଣାମେଣ୍ଟ ସେପ୍ଟେମ୍ବର ୯ ରୁ ସେପ୍ଟେମ୍ବର ୨୮ ପର୍ଯ୍ୟନ୍ତ ୟୁଏଇରେ ଖେଳାଯିବ। ବିସିସିଆଇ ଏ ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ପାଇଁ ଟିମ୍ ଇଣ୍ଡିଆ ଘୋଷଣା କରିନାହିଁ। ଏହାର କାରଣ ହେଉଛି ସୂର୍ଯ୍ୟକୁମାର ଯାଦବ ଫିଟ୍ ନହେବା। ଏପରି ପରିସ୍ଥିତିରେ, ସବୁଠାରୁ ବଡ଼ ପ୍ରଶ୍ନ ହେଉଛି ଏସିଆ କପରେ ଟିମ୍ ଇଣ୍ଡିଆର ଅଧିନାୟକ କିଏ ହେବ ? 

ରିପୋର୍ଟ ଅନୁଯାୟୀ, ଶୁଭମନ ଗିଲ୍ ଭବିଷ୍ୟତରେ ନିଶ୍ଚିତ ଭାବରେ ଭାରତୀୟ ଦଳର ଅଧିନାୟକ ହେବେ, କିନ୍ତୁ ସେ ୨୦୨୬ ଟି୨୦ ବିଶ୍ୱକପ୍ ପରେ ହିଁ ଟି-୨୦ ଦଳର ଅଧିନାୟକ ପଦ ପାଇବେ। କାରଣ ସୂର୍ଯ୍ୟକୁମାର ଯାଦବଙ୍କ ନେତୃତ୍ଵରେ ଭାରତୀୟ ଟି-୨୦ ଦଳ ଦମଦାର ପ୍ରଦର୍ଶନ କରି ଆସିଛି। ସଦ୍ୟତମ ଖବର ଅନୁଯାୟୀ, ସୂର୍ଯ୍ୟକୁମାର ଯାଦବ ଫିଟ୍ ହୋଇଯାଇଛନ୍ତି। ସେ ଏନସିଏରେ ବ୍ୟାଟିଂ ଅଭ୍ୟାସ ବି ଆରମ୍ଭ କରି ଦେଇଛନ୍ତି। ସୂର୍ଯ୍ୟଙ୍କ ଫିଟନେସ୍ ବିଷୟରେ ଆନୁଷ୍ଠାନିକ  ସୂଚନା କିଛି ଦିନ ମଧ୍ୟରେ ଆସିବ। ରିପୋର୍ଟରେ ଏହା ମଧ୍ୟ କୁହାଯାଇଛି ଯେ ସୂର୍ଯ୍ୟକୁମାର ଯାଦବ ୨୦୨୫ ଏସିଆ କପରେ ଭାରତର ଅଧିନାୟକ ହେବେ।

ଯଦି ଗଣମାଧ୍ୟମ ରିପୋର୍ଟକୁ ବିଶ୍ୱାସ କରାଯାଏ, ତେବେ ୧୯ କିମ୍ବା ଅଗଷ୍ଟ ୨୦ ରେ ବିସିସିଆଇ ୨୦୨୫ ଏସିଆ କପ୍ ପାଇଁ ଟିମ୍ ଇଣ୍ଡିଆ ଘୋଷଣା କରିବ। ବର୍ତ୍ତମାନ ୧୫ ଜଣିଆ ଦଳରେ ଶୁଭମନ ଗିଲଙ୍କୁ ସାମିଲ କରିବା କଷ୍ଟକର, କାରଣ ଭାରତ ଗତ ଏକ ବର୍ଷ ଧରି ଟି-୨୦ରେ ଏକ ଭିନ୍ନ ଦଳ ସହିତ ଖେଳି ଆସୁଛି ଏବଂ ଖେଳାଳିମାନେ ମଧ୍ୟ ଏଥିରେ ଭଲ ପ୍ରଦର୍ଶନ କରିଛନ୍ତି। ଏପରି ପରିସ୍ଥିତିରେ, ଭାରତୀୟ ପ୍ରବନ୍ଧନ ସେହି ଖେଳାଳିମାନଙ୍କ ଉପରେ ବିଶ୍ୱାସ ଦେଖାଇବାକୁ ଚାହୁଁଛିଯେଉଁମାନେ ଗତ ଏକ ବର୍ଷ ମଧ୍ୟରେ ଭାରତ ପାଇଁ ଟି-୨୦ କ୍ରିକେଟ୍ ଖେଳିଛନ୍ତି।

ଏହିପରି ହୋଇପାରେ ଏସିଆ କପ୍ ପାଇଁ ଭାରତର ୧୫ ଜଣିଆ ଦଳ 

ଅଭିଷେକ ଶର୍ମା, ସଞ୍ଜୁ ସାମସନ (ୱିକେଟକିପର), ସୂର୍ଯ୍ୟକୁମାର ଯାଦବ (ଅଧିନାୟକ), ହାର୍ଦ୍ଦିକ ପାଣ୍ଡ୍ୟା, ଶ୍ରେୟସ ଆୟର, ରିଙ୍କୁ ସିଂହ, ଅକ୍ଷର ପଟେଲ (ଉପ-ଅଧିନାୟକ), ତିଲକ ବର୍ମା, ଜିତେଶ ଶର୍ମା (ୱିକେଟକିପର), କୁଲଦୀପ ଯାଦବ, ବରୁଣ ଚକ୍ରବର୍ତ୍ତୀ, ୱାଶିଂଟନ ସୁନ୍ଦର, ଅର୍ଶଦୀପ ସିଂହ, ହର୍ଷିତ ରାଣା ଏବଂ ଯଶପ୍ରୀତ ବୁମରା।