ଇଡେନ୍ ଗାର୍ଡେନ୍ସରେ କେକେଆର ବିପକ୍ଷରେ ଖେଳାଯାଇଥିବା ମ୍ୟାଚରେ ଆରସିବି ୧ ରନରେ ପରାସ୍ତ ହୋଇଛି । ଶେଷ ବଲ ପର୍ଯ୍ୟନ୍ତ ଯାଇଥିବା ମ୍ୟାଚରେ ଅନେକ ରୋମାଞ୍ଚକର ମୋଡ ଦେଖିବାକୁ ମିଳିଥିଲା । କିନ୍ତୁ ବିରାଟ କୋହଲିଙ୍କ ୱିକେଟ୍ ଚର୍ଚ୍ଚାର ବିଷୟ ପାଲଟିଥିଲା । ନିୟମ ଅନୁଯାୟୀ ଏହା ଆଉଟ ଥିଲେ ମଧ୍ୟ ଅନେକ କ୍ରୀଡା ସମୀକ୍ଷକ ଏହାକୁ ନୋ-ବଲ ବୋଲି କହିଥିଲେ । ତେବେ ଗତ କାଲି ମ୍ୟାଚରେ ବିରାଟ ଏକ ଫୁଲ ଟସ୍ ବଲରେ ନିଜ ୱିକେଟ୍ ହରାଇଥିଲେ । ଏହି ବଲ ଟି ଅଣ୍ଟା ଉପରେ ଥିବାରୁ ଏହା ନୋ-ବଲ ବୋଲି ମନେ ହେଉଥିଲା । କିନ୍ତୁ ବିରାଟ କ୍ରିଜ ବାହାରେ ବ୍ୟାଟିଂ କରୁଥିବାରୁ ଏହା ସଠିକ ବଲ ବୋଲି କହି ତୃତୀୟ ଅମ୍ପାୟାର ଆଉଟ ଦେଇଥିଲେ । ତୃତୀୟ ଅମ୍ପାୟାର ଦେଇଥିବା ନୋ-ବଲକୁ ନେଇ ବିବାଦ ପରେ କୋହଲି କ୍ରୋଧିତ ଦେଖାଯାଉଥିଲେ ଏବଂ ଅମ୍ପାୟାରଙ୍କ ସହ ଯୁକ୍ତିତର୍କ କରୁଥିବା ଦେଖିବାକୁ ମିଳିଥିଲା। ତେବେ ବିସିସିଆଇ ବର୍ତ୍ତମାନ ବିରାଟ କୋହଲିଙ୍କ ଉପରେ ମ୍ୟାଚ ଫି’ର ୫୦ ପ୍ରତିଶତ ଜରିମାନା ଲଗାଇଛି।

ଅଧିକ ପଢନ୍ତୁ : ଇତିହାସ ରଚିଲେ ଭାରତର ଡି. ଗୁକେଶ