ଘରୋଇ ଗ୍ରାଉଣ୍ଡରେ ବିଜୟ ହାସଲ କରିବାରେ ଅସଫଳ ହୋଇଛି ମୁମ୍ବାଇ ଇଂଡିଆନ୍ସ । ୬ ୱିକେଟ୍ ବାଜି ମାରିଛି ରାଜସ୍ଥାନ ରୟାଲ୍ସ । ମୁମ୍ବାଇ ଇଂଡିଆନ୍ସ ଦେଇଥିବା ୧୨୬ ରନର ଲକ୍ଷ୍ୟକୁ ୧୫.୩ ଓଭରରେ ହାସଲ କରିଛି । ରାଜସ୍ଥାନ ରୟାଲ୍ସର ବାମ ହାତୀ ଦ୍ରୁତ ବୋଲର ଚମତ୍କାର ବୋଲିଂର ପ୍ରଦର୍ଶନ କରିବା ସହ ମୁମ୍ବାଇ ବିପକ୍ଷରେ ୩ ଟି ୱିକେଟ୍ ନେଇ ମ୍ୟାଚର ଶ୍ରେଷ୍ଠ ଖେଳାଳି ରୂପେ ବିବେଚିତ ହୋଇଛନ୍ତି । 

ଲଗାତାର ଦୁଇଟି ମ୍ୟାଚରେ ହାରିଥିବା ମୁମ୍ବାଇ ଘରୋଇ ମୈଦାନରେ ଭଲ ପ୍ରଦର୍ଶନ ପାଇଁ ଆଶା ରଖିଥିବାବେଳେ ଟ୍ରେଣ୍ଟ ବୋଲ୍ଟ ମୁମ୍ବାଇକୁ ୩ୟ ହାରର ସାମ୍ନା କରାଇଛନ୍ତି । ପାୱାରପ୍ଲେରେ ମୁମ୍ବାଇକୁ ଧରାଶାୟୀ କରିଛନ୍ତି ବୋଲ୍ଟ । ରୋହିତ ଶର୍ମା, ନମନ ଧୀର ଓ ଡେୱାଲ୍ଡ ବ୍ରେଭିସଙ୍କୁ ପ୍ରଥମ ବଲରେ ଆଉଟ କରିଛନ୍ତି । ଟପ୍ ଅର୍ଡର ୱିକେଟ୍ ହରାଇବା ସହ ମୁମ୍ବାଇ ୧୨୫ ରନରେ ସୀମିତ ରହିଥିଲା । ତିଲକ ବର୍ମା ୩୨ ରନ କରିଥିବାବେଳେ ହାର୍ଦ୍ଦିକ ପାଣ୍ଡ୍ୟା ୩୪ ରନ କରିଥିଲେ । ଈଶାନ କିଷାନ ୧୬ ଏବଂ ଟିମ ଡେଭିଡ ୧୭ ରନ କରି ୱିକେଟ୍ ହରାଇଥିଲେ । ଭାରତୀୟ ସ୍ପିନର ୟୁଜବେନ୍ଦ୍ର ଚହଲ ମଧ୍ୟ ଉତ୍ତମ ଧରଣର ବୋଲିଂ କରିବା ସହ ୪ ଓଭରରେ ୧୧ ରନ ଦେଇ ୩ଟି ୱିକେଟ୍ ନେଇଥିଲେ । ନାନ୍ଦ୍ରେ ବର୍ଗର ୨ଟି ଓ ଆଭଶ ଖାନ ଗୋଟିଏ ୱିକେଟ୍ ନେଇଥିଲେ । 

ମୁମ୍ବାଇ ପକ୍ଷରୁ ଆକାଶ ମଧୱାଲ ୩ଟି ୱିକେଟ୍ ନେଇଥିଲେ ଏବଂ କ୍ୱେନା ମଫାକା ଗୋଟିଏ ୱିକେଟ୍ ନେଇଥିଲେ। ଅନ୍ୟପକ୍ଷରେ ରାଜସ୍ଥାନର ବ୍ୟାଟିଂରେ ଗୋଟିଏ ପଟେ ପାରି ସମ୍ଭାଳିଥିଲେ ରିୟାନ ପରାଗ । ୩୯ ବଲରେ ୫୪ ରନ ସଂଗ୍ରହ କରିଥିଲେ ଯେଉଁଥିରେ ୫ ଟି ଚୌକ ଓ ୩ଟି ଛକ୍କା ସାମିଲ ଥିଲା । ୟଶସ୍ଵୀ ଜେସୱାଲ ୧୦, ବଟଲର ୧୩, ସଂଜୁ ସାମସନ ୧୨ , ଅଶ୍ୱିନ ୧୬ ଓ ଶୁଭମ ଦୁବେ ୮ ରନ କରିଥିଲେ । 

ଅଧିକ ପଢନ୍ତୁ : ଚେନ୍ନାଇକୁ ହରାଇ ଖାତା ଖୋଲିଲା ଦିଲ୍ଲୀ