ଭାରତ ଓ ଶ୍ରୀଲଙ୍କା ମଧ୍ୟ ଦିନିକିଆ ଓ ଟି-୨୦ ସିରିଜ ୨୭ ଜୁଲାଇରୁ ଆରମ୍ଭ ହେବ । ଏହା ପୂର୍ବରୁ ବିସିସିଆଇ ଭାରତୀୟ ଦଳ ଘୋଷଣା କରିଛି । ଟି-୨୦ ବିଶ୍ୱକପ ପରେ ରୋହିତ ଶର୍ମା ଟି-୨୦ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା ପରେ ଭାରତର ଟି-୨୦ ଅଧିନାୟକ କିଏ ହେବ ସେ ନେଇ ଚାଲିଥିବା ଚର୍ଚ୍ଚାରେ ବିରାମ ଲାଗିଛି । ସୂର୍ଯ୍ୟକୁମାରଙ୍କୁ ଭାରତୀୟ ଟି-୨୦ ଦଳର ଅଧିନାୟକ ରୂପେ ଘୋଷଣା କରାଯାଇଛି । ଏହା ସହ ଶୁଭମନ ଗିଲଙ୍କୁ ଦଳର ଉପ-ଅଧିନାୟକ ରୂପେ ଚୟନ କରାଯାଇଛି । ରିୟାନ ପରାଗ, ଶିବମ ଦୁବେ ଓ ୱାସିଂଟନ ସୁନ୍ଦରଙ୍କୁ ଉଭୟ ଟି-୨୦ ଓ ଦିନିକିଆ ପାଇଁ ଚୟନ କରାଯାଇଛି । ଦିନିକିଆ ଦଳକୁ ଫେରିଛନ୍ତି ଶ୍ରେୟସ ଆୟର ଓ କେଏଲ ରାହୁଲ । ତେବେ ଦିନିକିଆ ସିରିଜ ପାଇଁ ରୋହିତ ଶର୍ମା ପୂର୍ବଭଳି ଭାରତର ପ୍ରତିନିଧିତ୍ଵ କରିବେ । ଏହା ସହ ୨୦୧୪ ଆଇପିଏଲରେ କେକେଆର ପାଇଁ ଭଲ ପ୍ରଦର୍ଶନ କରିଥିବା ହର୍ଷିତ ରାଣାଙ୍କୁ ଦିନିକିଆ ଦଳରେ ସ୍ଥାନ ଦିଆଯାଇଛି ।
ଟି-୨୦ ସ୍କ୍ୱାଡ଼: ସୂର୍ଯ୍ୟକୁମାର ଯାଦବ (ଅଧିନାୟକ), ଶୁଭମନ ଗିଲ (ଉପ-ଅଧିନାୟକ), ୟଶସ୍ୱୀ ଜେସୱାଲ, ରିଙ୍କୁ ସିଂ, ରିୟାନ ପରାଗ, ଋଷବ ପନ୍ତ (ୱିକେଟ୍ କିପର), ସଞ୍ଜୁ ସାମସନ (ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ଅକ୍ସର ପଟେଲ, ୱାଶିଂଟନ୍ ସୁନ୍ଦର, ରବି ବିଷ୍ଣୋଇ, ଅର୍ଶଦୀପ ସିଂ, ଖଲିଲ ଅହମ୍ମଦ, ମହମ୍ମଦ ସିରାଜ
ଓଡ଼ିଆଇ ସ୍କ୍ୱାଡ଼: ରୋହିତ ଶର୍ମା (ଅଧିନାୟକ), ଶୁଭମନ ଗିଲ (ଉପ-ଅଧିନାୟକ), ବିରାଟ କୋହଲି, କେଏଲ ରାହୁଲ (ୱିକେଟ୍ କିପର), ଋଷବ ପନ୍ତ (ୱିକେଟ୍ କିପର), ଶ୍ରେୟସ ଆୟର୍, ଶିବମ ଦୁବେ, କୁଲଦୀପ ଯାଦବ, ମହମ୍ମଦ ସିରାଜ , ୱାଶିଂଟନ୍ ସୁନ୍ଦର, ଅର୍ଶଦୀପ ସିଂ, ରିୟାନ ପରାଗ, ଅକ୍ସର ପଟେଲ, ଖଲିଲ ଅହମ୍ମଦ, ହର୍ଷିତ ରାଣା
୨୭ ଜୁଲାଇରୁ ଆରମ୍ଭ ହେବ ଟି-୨୦ :-
ପ୍ରଥମ ଟି-୨୦ - ୨୭ ଜୁଲାଇ, ପଲ୍ଳେକେଲେ
ଦ୍ଵିତୀୟ ଟି-୨୦ - ୨୮ ଜୁଲାଇ, ପଲ୍ଳେକେଲେ
ତୃତୀୟ ଟି-୨୦ - ୩୦ ଜୁଲାଇ, ପଲ୍ଳେକେଲେ
ଦିନିକ ସିରିଜ :-
ପ୍ରଥମ ଦିନିକିଆ :- ୨ ଅଗଷ୍ଟ, କଲମ୍ବୋ
ଦ୍ଵିତୀୟ ଦିନିକିଆ :- ୪ ଅଗଷ୍ଟ, କଲମ୍ବୋ
ତୃତୀୟ ଦିନିକିଆ :- ୭ ଅଗଷ୍ଟ, କଲମ୍ବୋ