କ୍ରିକେଟ ବିଶ୍ୱକପ ପାଇଁ ଘୋଷଣା ହେଲା ଭାରତୀୟ ଦଳ । ବିସିସିଆଇର ମୁଖ୍ୟ ଚୟନକର୍ତ୍ତା ଅଜିତ ଅଗରକର ବିଶ୍ୱକପ ପାଇଁ ୧୫ ଜଣିଆ ଦଳ ଘୋଷଣା କରିଛନ୍ତି । ବିଶ୍ୱକପ ପାଇଁ ରୋହିତ ଶର୍ମାଙ୍କ ଅଧିନାୟକ ଥିବାବେଳେ ହାର୍ଦ୍ଦିକ ପାଣ୍ଡ୍ୟାଙ୍କୁ ଉପଅଧିନାୟକ ଭୂମିକାରେ ଦେଖିବାକୁ ମିଳିବ ।

ଟିମରେ କୋହଲି, ଇଶାନ କିଶନ, ଶୁଭମନ ଗିଲ, ଶ୍ରେୟସ ଅୟର, ରବୀନ୍ଦ୍ର ଜାଡେଜା, ଶାର୍ଦ୍ଦୁଲ ଠାକୁର, କେଏଲ ରାହୁଲ, କୁଲଦୀପ ଯାଦବ, ମହମ୍ମଦ ସାମି, ସିରାଜ, ସୂର୍ଯ୍ୟକୁମାର ଯାଦବ, ଅକ୍ଷର ପଟେଲ, ଜସପ୍ରୀତ ବୁମରା ସ୍ଥାନ ପାଇଛନ୍ତି । ଏହି ଅବସରରେ ଅଜିତ ଅଗରକର କହିଛନ୍ତି, ଟିମରେ ୧୫ ଜଣଙ୍କୁ ହିଁ ସ୍ଥାନ ମିଳିପାରିବ । ଅନ୍ୟପକ୍ଷରେ ଅଧିନାୟକ ରୋହିତ ଶର୍ମା କହିଛନ୍ତି, ଦଳରେ ଏଭଳି ଖେଳାଳିଙ୍କ ଆବଶ୍ୟକତା ଅଛି ଯେଉଁମାନେ ବ୍ୟାଟିଙ୍ଗ ସହ ବୋଲିଙ୍ଗ ମଧ୍ୟ କରିପାରିବେ । ତେଣୁ କିଛି ଭଲ ଖେଳାଳିଙ୍କୁ ଟିମରେ ସାମିଲ କରାଯାଇନାହିଁ । ବିଶ୍ୱକପ ପାଇଁ ଘୋଷଣା ହୋଇଥିବା ୧୫ ଜଣିଆ ତାଲିକାରୁ ଅଶ୍ୱୀନ, ଚହଲ, ସଞ୍ଜୁ ସାମସନ ବାଦ ପଡିଛନ୍ତି ।

ଅଧିକ ପଢନ୍ତୁ,ଏସିଆ କପର ପ୍ରଥମ ମ୍ୟାଚ୍କୁ ୨୩୮ ରନରେ ଜିତିଛି ପାକିସ୍ତାନ