ଭାରତ ଓ ଇଂଲଣ୍ଡ ଟେଷ୍ଟ ମ୍ୟାଚର ପ୍ରଥମ ଦିନ ସମାପ୍ତ ହୋଇଛି । ପ୍ରଥମ ଦିନରେ ଇଂଲଣ୍ଡ ୨୪୬ ରନ କରି ଅଲ ଆଉଟ ହୋଇଥିବାବେଳେ ଭାରତ ୧୧୯ ରନ କରି ଗୋଟେ ୱିକେଟ୍ ହରାଇଛି । ଭାରତ ଆଉ ୧୨୭ ରନ ପଛରେ ରହିଛି । ଭାରତ ପକ୍ଷରୁ ରବୀନ୍ଦ୍ର ଜାଡେଜା ଏବଂ ରବିଚନ୍ଦ୍ରନ ଅଶ୍ୱିନ ୩ଟି ଲେଖାଏଁ ୱିକେଟ୍ ନେଇଥିଲାବେଳେ ଯଶପ୍ରୀତ ବୁମରା ଏବଂ ଅକ୍ସର ପଟେଲ ଗୋଟିଏ ଲେଖାଏଁ ୱିକେଟ୍ ନେଇଛନ୍ତି । ଭାରତୀୟ ଅଧିନାୟକ ରୋହିତ ଶର୍ମା ୨୪ ରନ କରି ୱିକେଟ୍ ହରାଇଥିବାବେଳେ ୟଶସ୍ଵୀ ଜେସୱାଲ ୭୬ ଏବଂ ଶୁଭମନ ଗିଲ ୧୪ ରନ କରି ଅପରାଜିତ ଅଛନ୍ତି ।

ଇଂଲଣ୍ଡ ଟସ୍ ଜିତି ବ୍ୟାଟିଂର ନିର୍ଣ୍ଣୟ ନେଇଥିଲା । ଭାରତୀୟ ବୋଲର ନିୟମିତ ବ୍ୟବଧାନରେ ୱିକେଟ୍ ନେଇଥିବାବେଳେ ବେନ ଷ୍ଟୋକ୍ସ ଗୋଟିଏ ପଟେ ପାରି ସମ୍ଭାଳିଥିଲେ । ୭୦ ରନ କରି ବେନ ଷ୍ଟୋକ୍ସ ବ୍ୟାଟିଂ କରୁଥିବାବେଳେ ଯଶପ୍ରୀତ ବୁମରାହ ଷ୍ଟୋକ୍ସଙ୍କୁ ବୋଲ୍ଡ କରି ଇଂଲଣ୍ଡକୁ ଅଲ ଆଉଟ କରିଥିଲେ । ଭାରତୀୟ ବ୍ୟାଟ୍ସମ୍ୟାନ ଆଟାକିଙ୍ଗ ବ୍ୟାଟିଂ କରିଥିଲେ ଯାହାଫଳରେ ୨୩ ଓଭର ବ୍ୟାଟିଂ କରି ୧୧୯ ରନ ସଂଗ୍ରହ କରିଥିଲେ । ଏଥି ସହ ପ୍ରଥମ ଦିନର ଖେଳ ସମାପ୍ତ ହୋଇଛି ।

ଅଧିକ ପଢ଼ନ୍ତୁ : ବାଜବଲ କ୍ରିକେଟକୁ ମନ୍ତବ୍ୟ ରଖିଲେ ରାହୁଲ ଦ୍ରାବିଡ଼