ମହିନ୍ଦ୍ରାର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ନିଜର ଉଦାରତା ସହିତ ପୁଣିଥରେ ସମସ୍ତଙ୍କ ହୃଦୟ ଜିତିଛନ୍ତି। ସେ ସର୍ବ କନିଷ୍ଠ ଭାରତୀୟ ଚେସ୍ ଗ୍ରାଣ୍ଡମାଷ୍ଟର ପ୍ରଜ୍ଞାନାନନ୍ଦ ପିତାମାତାଙ୍କୁ ଏକ ଵୈଦ୍ୟୁତିକ କାର ଉପହାର ଦେଇଛନ୍ତି। ପ୍ରତିଭାବାନ ଯୁବକ ପ୍ରଜ୍ଞାନାନନ୍ଦ ନିକଟରେ ଚେସ୍ ବିଶ୍ୱକପରେ ଚମତ୍କାର ପ୍ରଦର୍ଶନ କରି ଫାଇନାଲରେ ପ୍ରବେଶ କରିଥିଲେ। ଯଦିଓ ଫାଇନାଲ ଦିନର ଟାଇଟଲ ମ୍ୟାଚରେ ତାଙ୍କୁ ବିଶ୍ୱ ନମ୍ବର ୱାନ ମ୍ୟାଗ୍ନସ୍ କାର୍ଲସେନଙ୍କ ବିପକ୍ଷରେ ପରାଜୟର ସାମ୍ନା କରିବାକୁ ପଡିଥିଲା । 

ପ୍ରଜ୍ଞାନାନନ୍ଦ ପୂର୍ବରୁ କାର୍ଲସେନଙ୍କୁ ପରାସ୍ତ କରିଛନ୍ତି, କିନ୍ତୁ ଫାଇନାଲ୍ ମ୍ୟାଚ୍ ରେ ଏହି କରିସ୍ମାକୁ ପୁନରାବୃତ୍ତି କରିପାରି  ନାହାନ୍ତି । ଆନନ୍ଦ ମହିନ୍ଦ୍ରା ପ୍ରଜ୍ଞାନାନନ୍ଦଙ୍କ ପିତାମାତାଙ୍କୁ ଏହି ଉପହାର ଦେଇଛନ୍ତି କାରଣ ଭିଡିଓ ଗେମର ଯୁଗରେ ସେମାନେ ନିଜ ପୁଅକୁ ଚେସ ଖେଳରେ କ୍ୟାରିୟର କରିବାକୁ ପ୍ରେରଣା ଦେଇଥିଲେ।