ନୂଆଦିଲ୍ଲୀ: ବାମହାତୀ ଓପନିଂ ବ୍ୟାଟର ଯଶସ୍ୱୀ ଜୟସ୍ୱାଲଙ୍କୁ ନେଇ ଏକ ବଡ ଖବର ଆସିଛି । ଆହତ କାରଣରୁ ଏହି ବାମହାତୀ ବ୍ୟାଟର ଦଳରୁ ବାଦ୍ ପଡିଛନ୍ତି । କିଛି ଦିନ ପୂର୍ବେ ସେ ଆଇସିସି ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ଭାରତୀୟ ଦଳର ସଦସ୍ୟ ଥିଲେ, ମାତ୍ର ତାଙ୍କୁ ମୁଖ୍ୟ ଦଳରୁ କାଢି ରିଜର୍ଭ ଭାବେ ରଖା ଯାଇଥିଲା । ଏହି କାରଣରୁ ସେ ରଣଜୀ ଟ୍ରଫି ଖେଳିବାକୁ ନିଷ୍ପତ୍ତି ନେଇଥିଲେ । କିନ୍ତୁ ଏବେ ସେ ମୁମ୍ବାଇ ଦଳରୁ ବାହାରି ଯାଇଛନ୍ତି । ହାତର ଗୋଇଠିରେ ଆଘାତ କାରଣରୁ ଯଶସ୍ୱୀ ଜୟସ୍ୱାଲ ରଣଜୀ ଟ୍ରଫିର ସେମି ଫାଇନାଲ୍ ମ୍ୟାଚ୍ ଖେଳି ପାରିବେ ନାହିଁ ।

ମୁମ୍ବାଇ କ୍ରିକେଟ୍ ଦଳ ରଣଜୀ ଟ୍ରଫିର ସେମି ଫାଇନାଲରେ ଜୟସ୍ୱାଲଙ୍କ ବିନା ମଇଦାନକୁ ଓହ୍ଲାଇବ । ଜୟସ୍ୱାଲ ରୋହିତ ଶର୍ମାଙ୍କ ସହିତ ଜମ୍ମୁ-କାଶ୍ମୀର ବିପକ୍ଷରେ ଦ୍ୱିତୀୟ ରାଉଣ୍ଡର ପ୍ରଥମ ମ୍ୟାଚ୍ ଖେଳିଥିଲେ । ଟାଇମ୍ସ ଅଫ ଇଣ୍ଡିଆର ଖବର ଅନୁସାରେ, ଜୟସ୍ୱାଲଙ୍କ ବାମହାତ ଗୋଇଠିରେ ଯନ୍ତ୍ରଣା ହେଉଛି । ଏହି କାରଣରୁ ସେ ବିଦର୍ଭ ବିପକ୍ଷ ସେମି ଫାଇନାଲ୍ ମ୍ୟାଚରୁ ବାହାରି ଯାଇଛନ୍ତି । 

ଜୟସ୍ୱାଲ ଶେଷ ମୁହୂର୍ତ୍ତରେ ବାଦ୍ ପଡିବାରୁ ମୁମ୍ବାଇକୁ ବଡ ଝଟକା ଲାଗିଛି । ତଥାପି ଆଜିଙ୍କ୍ୟ ରାହାଣେ ଓ ଶିବମ ଦୁବେଙ୍କ ପରି ଖେଳାଳି ମୁମ୍ବାଇ ପାଇଁ ଉପଲବ୍ଧ ଅଛନ୍ତି । ଶାର୍ଦ୍ଦୁଳ ଠାକୁରଙ୍କ ଦମଦାର ପ୍ରଦର୍ଶନ ମୁମ୍ବାଇ ପାଇଁ ଟ୍ରମ୍ପ କାର୍ଡ ସାଜିଛି । ଉଲ୍ଲେଖନୀୟ ବରୁଣ ଚକ୍ରବର୍ତ୍ତୀଙ୍କୁ ୧୫ ଜଣିଆ ଦଳରେ ସାମିଲ କରାଯାଇ ଜୟସ୍ୱାଲଙ୍କୁ ରିଜର୍ଭ ଖେଳାଳି ଭାବେ ଦଳରେ ରଖାଯାଇଥିଲା ।