ମହିଳା ଟି-୨୦ ବିଶ୍ୱକପ: ୨୧ରୁ ଆରମ୍ଭ, ଜାଣନ୍ତୁ ଭାରତୀୟ କ୍ରିକେଟ ଟିମର ସୂଚୀ
Khabar Odisha:Sports-cricket-Womens-t20-world-cup-Indian-team-to-being-its-campaign-on-21st-know-full-schedule-to-team

ନୂଆଦିଲ୍ଲୀ, ଫେବୃଆରୀ ୧୪ (ଖବର ଓଡ଼ିଶା): ମହିଳା ଟିମ ଇଣ୍ଡିଆର ଷ୍ଟାର ଅଲରାଉଣ୍ଡର ହରମନପ୍ରୀତ କୌରଙ୍କ ଅଧିାନୟକତ୍ୱରେ ଆଗାମୀ ଟି-୨୦ ବିଶ୍ୱକପ ରେ ଭାରତୀୟ ଟିମ ୨୧ ତାରିଖଠାରୁ ଅଭିଯାନ ଆରମ୍ଭ କରିବ । ଟିମ ନିଜର ଅଭିଯାନରେ ଫେବ୍ରୁଆରୀ ୨୧ରେ ଅଷ୍ଟ୍ରେଲିଆକୁ ଭେଟିବ । ନିକଟରେ ଟିମ ଅଷ୍ଟ୍ରେଲିଆରେ ଆୟୋଜକ ଟିମ ଓ ଇଂଲଣ୍ଡ ବିରୋଧରେ ତ୍ରିପାକ୍ଷୀକ ଶୃଙ୍ଖଳାର ଫାଇନାଲରେ ସ୍ଥାନ ପାଇଥିଲା । ଏହି ମ୍ୟାଚରେ ଭାରତୀୟ ଟିମ ଅଷ୍ଟ୍ରେଲିଆକୁ କଡ଼ା ମୁକାବିଲା କରିଥିଲା ଆଗାମୀ ଶୃଙ୍ଖଳା ଅଭିଜ୍ଞ ହରମନପ୍ରୀତଙ୍କ ଟିମ ପାଇଁ ଲାଭଦାୟକ ହୋଇପାରେ । 

ଟିମର ପ୍ରଥମ ମୁକାବିଲା ଆୟୋଜକ ଅଷ୍ଟ୍ରେଲିଆ ବିପକ୍ଷରେ ହେବ । ଭାରତୀୟ ଟିମ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ଶ୍ରୀଲଙ୍କା ଓ ବାଂଲାଦେଶ ସହିତ ଗୋଟିଏ ଗ୍ରୁପରେ ଅଛି । ଅନ୍ୟ ଏକ ଗ୍ରୁପରେ ଅଛନ୍ତି ଇଂଲଣ୍ଡ, ଦକ୍ଷିଣ ଆଫ୍ରିକା, ପାକିସ୍ତାନ, ଥାଇଲାଣ୍ଡ ଓ ୱେଷ୍ଟଇଣ୍ଡିଜ । 

ଅଷ୍ଟ୍ରେଲିଆ ପରେ ଭାରତୀୟ ମହିଳା ଟିମ ଦ୍ୱିତୀୟ ମ୍ୟାଚ ଫେବୃଆରୀ ୨୪ରେ ବାଂଲାଦେଶ, ଫେବୃଆରୀ ୨୭ରେ ନ୍ୟୁଜିଲାଣ୍ଡ ଓ ଫେବୃଆରୀ ୨୯ରେ ଶ୍ରୀଲଙ୍କାକୁ ଭେଟିବ । ମାର୍ଚ୍ଚ ୫ ତାରିଖରେ ସିଡନୀରେ ସେମିଫାଇନାଲ ଏବଂ ମାର୍ଚ୍ଚ ୮ରେ ଫାଇନାଲ ମ୍ୟାଚ ଖେଳାଯିବ । 

 

  • Tags:

Subscribe

National International State Sports Entertainment