୩ୟ ଟି-୨୦ରେ ଭାରତର ଦମଦାର ବିଜୟ, ସୂର୍ଯ୍ୟକୁମାରଙ୍କ ବିସ୍ଫୋରକ ବ୍ୟାଟିଂରେ ୱେଷ୍ଟଇଣ୍ଡିଜ୍ ପରାସ୍ତ
Khabar Odisha:Sports-India-won-by-7-wickets-against-West-Indies-in-3rd-T-20

ନୂଆଦିଲ୍ଲୀ, ଅଗଷ୍ଟ ୦୩ (ଖବର ଓଡ଼ିଶା): ୱେଷ୍ଟଇଣ୍ଡିଜ୍ ବିପକ୍ଷ ୩ୟ ଟି-୨୦ରେ ମଙ୍ଗଳବାର ଭାରତର ଦମଦାର ବିଜୟ ହୋଇଛି । ଭାରତକୁ ୱେଷ୍ଟଇଣ୍ଡିଜ୍ ୧୬୫ ରନ୍‌ର ଟାର୍ଗେଟ ଦେଇଥିଲା । ୱେଷ୍ଟଇଣ୍ଡିଜ ନିର୍ଦ୍ଧାରିତ ୨୦ ଓଭରରେ ୫ଟି ୱିକେଟ ହରାଇ ୧୬୪ ରନ୍ ସଂଗ୍ରହ କରିଥିଲା । କିନ୍ତୁ ବିଜୟ ପାଇଁ ଦରକାର ପଡୁଥିବା ଏହି ରନ୍‌କୁ ଭାରତ ସହଜରେ ହାସଲ କରିଛି । ଟିମ୍ ଇଣ୍ଡିଆ ୭ ୱିକେଟ୍‌ରେ ଏହି ମ୍ୟାଚକୁ ଜିତିବା ସହ ଏବେ ୫ ମ୍ୟାଚର ଶୃଙ୍ଖଳାରେ ୨-୧ରେ ଆଗ୍ରଣୀ ରହିଛି । 

ଭାରତ ତରଫରୁ ଏହି ମ୍ୟାଚରେ ସୂର୍ଯ୍ୟକୁମାର ଯାଦବ ବିସ୍ଫୋରକ ବ୍ୟାଟିଂ କରିଥିଲେ । ସେ ବ୍ୟକ୍ତିଗତ ଭାବେ ୭୬ ରନ୍ ସ୍କୋର କରିଥିଲେ । ସୂର୍ଯ୍ୟକୁମାର ଓପନିଂ କରିବାକୁ ନେଇ ପ୍ରଶ୍ନବାଚୀ ଛିଡ଼ା ହୋଇଥିଲା । କିନ୍ତୁ ସମସ୍ତଙ୍କର ମୁହଁକି ସେ ବନ୍ଦ କରି ଦେଇଥିଲେ । ନିଜର ଇନିଂସରେ ସୂର୍ଯ୍ୟକୁମାର ୪୪ଟି ବଲ୍ ଖେଳି ୮ଟି ଚୌକା ଓ ୪ଟି ଛକା ମାରିଥିଲେ । 

ଭାରତ ୧୯ ଓଭରରେ ୩ଟି ୱିକେଟ ହରାଇ ୧୬୫ ରନ୍ କରିଥିଲା । ଏଥିରେ ରୋହିତ ଶର୍ମାଙ୍କ ୧୧ ରନ୍‌, ଶ୍ରେୟସ ଆୟରଙ୍କ ୨୪ ରନ୍‌, ଋଷଭ ପନ୍ତଙ୍କ ଅପରାଜିତ ୩୩ ରନ୍‌, ହାର୍ଦ୍ଦିକ ପାଣ୍ଡ୍ୟାଙ୍କ ୪ ରନ୍ ଓ ଦୀପକ ହୁଡ୍ଡାଙ୍କ ଅପରାଜିତ ୧୦ ରନ୍ ସାମିଲ ରହିଛି । 

 

  • Tags:

Subscribe

National International State Sports Entertainment