ନୂଆଦିଲ୍ଲୀ: ପୂର୍ବତନ ଭାରତୀୟ ବ୍ୟାଟ୍ସମ୍ୟାନ୍ ଶିଖର ଧୱନ (୪୦) ଦ୍ୱିତୀୟ ବିବାହ କରିଛନ୍ତି। ସେ ତାଙ୍କ ଆଇରିଶ ପ୍ରେମିକା ସୋଫି ସାଇନଙ୍କ ସହିତ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସୋଫି, ଯିଏ ଆୟରଲ୍ୟାଣ୍ଡର ବାସିନ୍ଦା ଏବଂ ଧୱନଙ୍କ ସହିତ ବହୁତ ଦିନ ଧରି ଡେଟିଂ କରୁଥିଲେ। ଶନିବାର ଦିନ ଧୱନ ଏବଂ ସୋଫି ସାଇନଙ୍କ ବିବାହ ଖବର ପ୍ରକାଶ ପାଇଲା।

ସୂଚନାଯୋଗ୍ୟ ଯେ ଧାୱନ ପ୍ରଥମେ ୨୦୧୨ରେ ବିବାହ କରିଥିଲେ। ସେତେବେଳେ ସେ ବକ୍ସର ଆୟେଶା ମୁଖାର୍ଜୀଙ୍କୁ ବିବାହ କରିଥିଲେ। ସେମାନଙ୍କ ବିବାହ ମାତ୍ର ନଅ ବର୍ଷ ଚାଲିଥିଲା। ୨୦୨୧ରେ ସେମାନଙ୍କ ବିଚ୍ଛେଦ ହୋଇଗଲା। ତା'ପରେ ଦୁଇ ବର୍ଷ ପରେ ୨୦୨୩ରେ ସେମାନଙ୍କର ଛାଡପତ୍ର ହୋଇଗଲା।

ଶିଖର ଧାୱନ ଏବଂ ସୋଫି ସାଇନ ପ୍ରାୟ ଦୁଇ ବର୍ଷ ଧରି ଡେଟିଂ କରୁଥିବାର ଖବର ପ୍ରକାଶ ପାଇଥିଲା। ୨୦୨୪ରେ ସେମାନଙ୍କ ଡେଟିଂର ଖବର ଜନସାଧାରଣକୁ ଆସିଥିଲା। ତା'ପରେ, ପ୍ରାୟ ୨୦୨୫ରେ  ସେମାନଙ୍କ ସମ୍ପର୍କ ନିଶ୍ଚିତ ହୋଇଥିଲା। ଏବେ ଦୁଇଜଣ ବିବାହ କରି ଏହି ସମ୍ପର୍କକୁ ଏକ ନୂତନ ନାମ ଦେଇଛନ୍ତି।

ଧୱନଙ୍କ ଦ୍ୱିତୀୟ ପତ୍ନୀ ସୋଫି ସାଇନ କିଏ? ସୋଫି ପେଶାରେ ଜଣେ ଉତ୍ପାଦ ପରାମର୍ଶଦାତା ବୋଲି ଜଣାପଡିଛି। ଗଣମାଧ୍ୟମ ରିପୋର୍ଟ ଅନୁଯାୟୀ ସୋଫି ଲିମେରିକ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ସ୍ନାତକ ହାସଲ କରିଛନ୍ତି। ଏହା ପରେ ସେ କାସଲରୟ କଲେଜରେ ମାର୍କେଟିଂ ଏବଂ ପରିଚାଳନା ପାଠ୍ୟକ୍ରମ ପଢିଥିଲେ। ସୋଫି ୟୁଏଇର ଆବୁଧାବିରେ ନର୍ଦର୍ଣ୍ଣ ଟ୍ରଷ୍ଟ କର୍ପୋରେସନରେ ଦ୍ୱିତୀୟ ଉପାଧ୍ୟକ୍ଷ ଭାବରେ କାର୍ଯ୍ୟ କରିଥିବା ଜଣାପଡିଛି।

ସୂଚନାଯୋଗ୍ୟ ଯେ ସୋଫି ସାଇନ ସୋସିଆଲ ମିଡିଆରେ ମଧ୍ୟ ବହୁତ ସକ୍ରିୟ। ଇନଷ୍ଟାଗ୍ରାମରେ ୩,୭୦,୦୦୦ରୁ ଅଧିକ ଲୋକ ତାଙ୍କୁ ଫଲୋ କରନ୍ତି। ସେ ତାଙ୍କ ପ୍ରଶଂସକମାନଙ୍କ ପାଇଁ ପ୍ରାୟତଃ ଫଟୋ ଏବଂ ଭିଡିଓ ସେୟାର କରନ୍ତି।