କୋଲକାତା: ଇଡେନ୍‌ ଗାର୍ଡେନ୍ସରେ ଭାରତୀୟ ଦଳ ୨୦୧୬ରୁ ଲଗାତାର ଟି୨୦ରେ ଅଜେୟ ଅଛି। ଗତକାଲି ପୁଣି ଥରେ ଦଳ ଏହି ଐତିହାସିକ ପଡ଼ିଆରେ ଇଂଲଣ୍ଡ ବିପକ୍ଷରେ ବିଶାଳ ବିଜୟ ହାସଲ କରିଛି। ଭାରତ ଏଠାରେ କ୍ରମାଗତ ୭ମ ବିଜୟ ହାସଲ କରିଛି। ମୁକାବିଲାରେ ଭାରତୀୟ ଦ୍ରୁତବୋଲର ମହମ୍ମଦ ଶାମୀ ଓ ଯଶପ୍ରୀତ ବୁମରା ଭାରତୀୟ ଟିମ୍‌ର ସଦସ୍ୟ ନଥିଲେ। ତଥାପି ଭାରତୀୟ ଯୁବ ଟିମ୍‌ ବଡ଼ ଦାୟିତ୍ବ ନେଇଥିଲେ। ଘରୋଇ ଟିମ୍‌ର ଘାତକ ବୋଲିଂରେ ଇଂଲଣ୍ଡ ୧୩୨ ରନ୍‌ରେ ଅଟକି ଯାଇଥିଲା। ବ୍ୟାଟିଂ ପାଳିରେ ଭାରତୀୟ ବ୍ୟାଟର ବିସ୍ଫୋରକ ‌ଭାବେ ଖେଳିଥିଲେ। ଅଭିଷେକ ଶର୍ମାଙ୍କୁ ଆଉଟ କରିବା ପାଇଁ ଇଂଲଣ୍ଡର ଟିମ୍‌ ଚିନ୍ତାରେ ପଡ଼ି ଯାଇଥିଲେ। 

ମ୍ୟାଚ୍‌ରେ ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବ ଟସ୍‌ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଥି‌ଲେ। ଇଂଲଣ୍ଡର ପକ୍ଷରୁ କେବଳ ଅଧିନାୟକ ଜୋସ୍‌ ବଟ୍‌ଲର ଏହିପରି ଖେଳାଳି ଥିଲେ ଯିଏ ତାଙ୍କର ଦଳର ଭାଙ୍ଗୁଥିବା ଦୁର୍ଗକୁ ବଞ୍ଚାଇବାକୁ ଉଦ୍ୟମ କରିଥିଲେ। ବଟ୍‌ଲର ୪୪ଟି ବଲ୍‌ ଖେଳି ୬୮ ରନ୍‌ ସଂଗ୍ରହ କରିଥିଲେ। ଏଥିରେ ୮ଟି ଚୌକା ଓ ୨ଟି ଛକା ସାମିଲ ଥିଲା। ଇଂଲଣ୍ଡର ଦଳରେ ହ୍ୟାରି ବ୍ରୁକ୍ (୧୭) ଏବଂ ଜୋଫ୍ରା ଅର୍ଚର (୧୨) ଏହିପରି ବ୍ୟାଟ୍‌ସମାନ ଥିଲେ, ଯିଏକି ଦୁଇ ଅଙ୍କ ବିଶିଷ୍ଟ ସ୍କୋର କରିବାରେ ସକ୍ଷମ ହୋଇଥିଲେ।

କୋଲକାତା ଟି୨୦ ପାଇଁ ଅର୍ଶଦୀପ ସିଂହ ଦଳ ଇଣ୍ଡିଆର ଏକମାତ୍ର ବିଶେଷଜ୍ଞ ଦ୍ରୁତବୋଲର ଥିଲେ। ସେ ତାଙ୍କର ଆରମ୍ଭିକ ଦୁଇଟି ଓଭରରେ ଫିଲ୍ ସଲ୍ଟ (0) ଏବଂ ବେନ୍ ଡକେଟ୍ (୪)ଙ୍କୁ ଆଉଟ୍‌ କରିଥିଲେ। ଅର୍ଶଦୀପ ଏହା ସହିତ ଭାରତର ପକ୍ଷରୁ ଟି୨୦ରେ ସବୁଠାରୁ ଅଧିକ ୱିକେଟ୍ (୯୭) ନେବାରେ ଖେଳାଳି ହୋଇପାରିଛନ୍ତି। ସେ ଭାରତକୁ ଆରମ୍ଭରୁ ସଫଳତା ଦେଇଥିଲେ। କିନ୍ତୁ ଏହା ପରେ ବଟଲର ଏବଂ ବ୍ରୁକ ମଧ୍ୟରେ ୪୮ ରନର ଭାଗୀଦାରୀ ହୋଇଥିଲା। କିନ୍ତୁ ସେହିବେଳେ ୬୫ ରନର ସ୍କୋରରେ ବରୁଣ ଚକ୍ରବର୍ତୀ ପ୍ରଥମେ ବ୍ରୁକ (୧୭) ଏବଂ ପରେ ବ୍ୟାଟ୍ସମାନ ଲିୟାମ ଲିଭିଂସ୍ଟୋନ (0)ଙ୍କୁ ଆଉଟ୍‌ କରିଦେଲେ। ଜୋସ ବଟଲରଙ୍କୁ ମଧ୍ୟ ବରୁଣ ଶିକାର କରିଥିଲେ।

ଟିମ୍ ଇଣ୍ଡିଆର ଟି୨୦ ଉପଅଧିନାୟକ ଅକ୍ଷର ପଟେଲ ମଧ୍ୟ ଏହି ମୁକାବଲାରେ ଇଂଲଣ୍ଡର ନିମ୍ନକ୍ରମର ବ୍ୟାଟରଙ୍କୁ ଧରାଶୟୀ କରିଥିଲେ। ସେ ତାଙ୍କର କୋଟାର ୪ ଓଭରରେ ୨୨ ରନ୍ ଦେଇ ୨ ୱିକେଟ୍‌ ନେଇଥିଲେ। ରବି ବିଶ୍ନୋଇକୁ ଏହି ମୁକାବଲାରେ ୱିକେଟ ମିଳିଲା ନାହିଁ, କିନ୍ତୁ ସେ ତାଙ୍କର ୪ ଓଭରରେ ୨୨ ରନ୍ ଦେଇଛନ୍ତି। କୋଲକାତା ଟି୨୦ରେ କେବଳ ହାର୍ଦିକ ପଣ୍ଡ୍ୟା ୪ ଓଭରରେ ୪୨ ରନ୍ ଖର୍ଚ୍ଚ କରିଥିଲେ। କିନ୍ତୁ ସେ ୨ଔି ୱିକେଟ୍‌ ନେଇଥିଲେ। 

ସଞ୍ଜୁ ସାସସନ୍‌ ଓ ଅଭିଷେକ ଶର୍ମା ଭାରତର ଏହି ବିଜୟରେ ଗୁରୁତ୍ବପୂର୍ଣ୍ଣ ଭୂମିକା ନିଭାଇଛନ୍ତି। ଦୁଇ ଜଣ ପ୍ରଥମ ୱିକେଟ୍ ପାଇଁ ୪୧ ରନ୍‌ର ଭାଗିଦାରୀ କରିଥିଲେ। ସଞ୍ଜୁ ୨୦ଟି ବଲ୍‌ରେ ୨୬ ରନ୍‌ କରିଥିଲେ। ସେହିପରି ଅଭିଷେକ ଏହି ମ୍ୟାଚ୍‌ରେ ୨୦ଟି ବଲ୍‌ ଖେଳି ଅର୍ଦ୍ଧଶତକ ହାସଲ କରିଥିଲେ। ତାପରେ ସେ ୩୪ ବଲ୍‌ ଖେଳି ୭୯ ରନ୍‌ର ବିସ୍ଫୋରକ ପାଳି ଖେଳିଥିଲେ। ସେ ୫ଟି ଚୌକା ଓ ୮ଟି ଚୌକା ମାରିଥିଲେ।