ଆଜି ଠାରୁ ଆରମ୍ଭ ହୋଇଛି ଭାରତ-ଇଂଲଣ୍ଡ ତୃତୀୟ ଟେଷ୍ଟ । ରାଜକୋଟରେ ସକାଳ ୯ଟା ୩୦ରୁ ଆରମ୍ଭ ହୋଇଯାଇଛି ମ୍ଯାଚ୍ । ଏଥିପାଇଁ ସମସ୍ତ କ୍ରିକେଟପ୍ରେମୀଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ପ୍ରଥମ ଟେଷ୍ଟ ଇଂଲଣ୍ଡ ଜିତିଥିବା ବେଳେ ଦ୍ୱିତୀୟ ଟେଷ୍ଟରେ ବିଜୟୀ ହୋଇ ସିରିଜକୁ ୧-୧ରେ ବରାବର କରିଛି ଭାରତ । ଏଭଳି ସ୍ଥିତିରେ ଗୁରୁବାର ଅର୍ଥାତ ଆଜିଠାରୁ ଉଭୟ ଦଳଙ୍କ ମଧ୍ୟରେ ୩ୟ ଟେଷ୍ଟମ୍ୟାଚ୍ ଖେଳାଯିବ।
ଏହି ମ୍ୟାଚରେ ବିଜେୟୀ ହେବ ପାଇଁ ଉଭୟ ଦଳ ପ୍ରୟାସ କରିବେ। ସେହିପରି ଅଲରାଉଣ୍ଡର ରବୀନ୍ଦ୍ର ଜାଡେଜା ଚୂଡ଼ାନ୍ତ ଏକାଦଶରେ ସ୍ଥାନ ପାଇବେ । ମ୍ୟାଚରେ ଭେଟେରାନ ସ୍ପିନର ଆର୍ ଅଶ୍ୱିନଙ୍କ ପାଖରେ ବଡ଼ ମାଇଲଖୁଂଟ ଛୁଇଁବାର ସୁଯୋଗ ରହିଛି । ଆଉ ଗୋଟିଏ ସଫଳତା ପାଇଲେ, ଅଶ୍ୱିନୀ ଟେଷ୍ଟ କ୍ରିକେଟ୍ରେ ୫୦୦ ୱିକେଟ୍ କ୍ଲବରେ ସାମିଲ ହେବେ । ଏହାସହ ମହମ୍ମଦ ସିରାଜ, ଯଶପ୍ରୀତ ବୁମରା ଓ ଅନ୍ୟ ବୋଲରଙ୍କ ବୋଲିଂ ବେଶ୍ ଗୁରୁତ୍ଵପୂର୍ଣ୍ଣ ରହିବ। ତେବେ ତୃତୀୟ ଟେଷ୍ଟ ମ୍ୟାଚ ଜିତି ଭାରତ ଏହି ସିରିଜରେ ବିଜୟୀ ହେବାକୁ ଲକ୍ଷ୍ୟ ରଖିଛି ।