ନୂଆଦିଲ୍ଲୀ: ଇଂଲଣ୍ଡ ଦକ୍ଷିଣ ଆଫ୍ରିକାକୁ ୩୪୨ ରନରେ ପରାସ୍ତ କରି ଏକ ବିଶ୍ୱ ରେକର୍ଡ ସୃଷ୍ଟି କରିଛି। ଏହା ଏକଦିବସୀୟ କ୍ରିକେଟ ଇତିହାସରେ ରନ ଦୃଷ୍ଟିରୁ ସବୁଠାରୁ ବଡ ବିଜୟ। ଏହି ମ୍ୟାଚରେ ଇଂଲଣ୍ଡ ପ୍ରଥମେ ବ୍ୟାଟିଂ କରି ୪୧୪ ରନ କରିଥିଲା, ଜବାବରେ ଦକ୍ଷିଣ ଆଫ୍ରିକା  ବ୍ୟାଟିଂ ବିପର୍ଯ୍ୟୟ ଭୋଗି ମାତ୍ର ୭୨ ରନରେ ଅଲଅଉଟ୍ ହୋଇଛି। ଏଥିସହ ଘରୋଇ ଇଂଲଣ୍ଡ ୩୪୨ ରନର ଐତିହାସିକ ବ୍ୟବଧାନରେ ମ୍ୟାଚ୍ ଜିତିଚି। ଇଂଲଣ୍ଡ ପାଇଁ ଜୋଫ୍ରା ଆର୍ଚର ସର୍ବାଧିକ ୪ ୱିକେଟ ନେଇଛନ୍ତି।

ଇଂଲଣ୍ଡ ଦଳ ପ୍ରଥମେ ବ୍ୟାଟିଂ କରି ୪୧୪ ରନ କରିଥିଲା। ଜୋ ରୁଟ୍ ୧୦୦ ରନ ଏବଂ ଜାକବ ବେଥେଲ ୧୧୦ରନ କରି ଦଳର ସ୍କୋର ୪୦୦ ଅତିକ୍ରମ କରିବାରେ ବହୁତ ଅବଦାନ ଦେଇଥିଲେ। ଜସ୍ ବଟଲର୍ ମଧ୍ୟ ଶେଷ ୧୦ ଓଭରରେ ୩୨ ବଲରେ ୬୨ ରନର ବିସ୍ଫୋରକ ଇନିଂସ ଖେଳିଥିଲେ। ଜବାବରେ ଦକ୍ଷିଣ ଆଫ୍ରିକା ଦଳ ଲକ୍ଷ୍ୟ ପିଛା  କରିବା ସମୟରେ ଦଳର ୮ ବ୍ୟାଟର ଦୁଇ ଅଙ୍କ ବି ଛୁଇଁ ପାରି ନଥିଲେ। 

ଭାରତର ରେକର୍ଡ ଭାଙ୍ଗିଲା ଇଂଲଣ୍ଡ

ଇଂଲଣ୍ଡ ଦକ୍ଷିଣ ଆଫ୍ରିକାକୁ ୩୪୨ ରନରେ ପରାସ୍ତ କରି ଦିନିକିଆରେ ରନ ଦୃଷ୍ଟିରୁ ସବୁଠାରୁ ବଡ ବିଜୟ ହାସଲ କରିଛି। ପୂର୍ବରୁ ଏହି ରେକର୍ଡ ଭାରତର ନାମରେ ଥିଲା, ଯିଏ  ୨୦୨୩ ମସିହାରେ ଶ୍ରୀଲଙ୍କାକୁ ୩୧୭ ରନ ବ୍ୟବଧାନରେ ପରାସ୍ତ କରିଥିଲା। ଏକଦିବସୀୟ କ୍ରିକେଟ ଇତିହାସରେ, ଭାରତ ଏକମାତ୍ର ଦେଶ ଯିଏ ଗୋଟିଏ ଦଳକୁ ଏକାଧିକ ଥର ୩୦୦ କିମ୍ବା ତା’ଠାରୁ ଅଧିକ ରନ ବ୍ୟବଧାନରେ ପରାସ୍ତ କରିଛି। ଟିମ୍ ଇଣ୍ଡିଆ ଏହି ସଫଳତା ଦୁଇଥର ହାସଲ କରିଛି।

ଦିନିକିଆରେ ରନ ଦ୍ଵାରା ସବୁଠାରୁ ବଡ଼ ବିଜୟ

ବର୍ତ୍ତମାନ ଦିନିକିଆରେ ରନ ଦୃଷ୍ଟିରୁ ସବୁଠାରୁ ବଡ଼ ବିଜୟ ଇଂଲଣ୍ଡ ନାମରେ ଅଛି। ଦଳ ଦକ୍ଷିଣ ଆଫ୍ରିକାକୁ ୩୪୨ ରନରେ ପରାସ୍ତ କରିଥିଲା। ଶ୍ରୀଲଙ୍କା ଉପରେ ୩୧୭ ରନର ବିଜୟ ହାସଲ କରିଥିବା ଟିମ୍ ଇଣ୍ଡିଆ ଦ୍ୱିତୀୟ ସ୍ଥାନରେ ଅଛି। ତୃତୀୟ ସବୁଠାରୁ ବଡ଼ ବିଜୟ ଅଷ୍ଟ୍ରେଲିଆ ନାମରେ ଅଛି, ଯିଏ ନେଦରଲ୍ୟାଣ୍ଡକୁ ୩୦୯ ରନରେ ପରାସ୍ତ କରିଥିଲା। ୨୦୨୩ ମସିହାରେ ଜିମ୍ବାୱେ ୩୦୪ ରନରେ ଆମେରିକାକୁ ପରାସ୍ତ କରିଥିଲା। ସେହି ସମୟରେ, ଭାରତ ଶ୍ରୀଲଙ୍କାକୁ ୩୦୨ ରନରେ ପରାସ୍ତ କରି ଏକ ନୂତନ ରେକର୍ଡ ସୃଷ୍ଟି କରିଥିଲା।

୩୪୨ ରନ୍ - ଇଂଲଣ୍ଡ (ବନାମ ଦକ୍ଷିଣ ଆଫ୍ରିକା)

୩୧୭ ରନ୍ - ଭାରତ (ବନାମ ଶ୍ରୀଲଙ୍କା)

୩୦୯ ରନ୍ - ଅଷ୍ଟ୍ରେଲିଆ (ବନାମ ନେଦରଲ୍ୟାଣ୍ଡସ୍)

୩୦୪ ରନ୍ - ଜିମ୍ବାୱେ (ବନାମ ଆମେରିକା)

୩୦୨ ରନ୍ - ଭାରତ (ବନାମ ଶ୍ରୀଲଙ୍କା)