ସମସ୍ତ ପ୍ରକାର କ୍ରକେଟ୍‌ରୁ ଅବସର ନେଲେ ଆଇପିଏଲର ସବୁଠାରୁ ଦାମୀ ଖେଳାଳି କ୍ରିସ୍ ମୋରିସ୍
Khabar Odisha:Chris-Morris-IPLs-most-expensive-player-announces-retirement-from-all-forms-of-the-game
ନୂଆଦିଲ୍ଲୀ, ଜାନୁଆରୀ ୧୧(ଖବର ଓଡିଶା):

ଦକ୍ଷିଣ ଆଫ୍ରିକା ଅଲରାଉଣ୍ଡର କ୍ରିସ୍ ମୋରିସ୍ ଖେଳର ସମସ୍ତ ଫର୍ମରୁ ଅବସର ଘୋଷଣା କରିଛନ୍ତି। ମୋରିସ୍ ଏବେ ତାଙ୍କର ଘରୋଇ ଦଳ ଟାଇଟାନ୍ସ ସହିତ କୋଚିଂ ଭୂମିକା ଗ୍ରହଣ କରିଛନ୍ତି।

ସାମାଜିକ ଗଣାମଧ୍ୟମରେ ସେ ଲେଖିଛନ୍ତି "ଆଜି ମୁଁ ସମସ୍ତ ପ୍ରକାର କ୍ରିକେଟ୍ ରୁ ମୋର ଅବସର ଘୋଷଣା କରିଛି! ମୋ ଯାତ୍ରାରେ ଏକ ବଡ଼ ଭୂମିକା ଗ୍ରହଣ କରିଥିବା ସମସ୍ତଙ୍କୁ ଧନ୍ୟବାଦ! ଏବଂ ଟାଇଟାନ୍ସରେ କୋଚିଂ ଭୂମିକା ଗ୍ରହଣ କରି ଆନନ୍ଦିତ ଅଟେ।"

ମୋରିସ୍ ସମସ୍ତ ଫର୍ମାଟରେ ୬୯ ଟି ଆନ୍ତର୍ଜାତୀୟ ମୁକାବିଲାରେ ଦକ୍ଷିଣ ଆଫ୍ରିକାର ପ୍ରତିନିଧିତ୍ୱ କରିଥିଲେ ଏବଂ ସମଗ୍ର ବିଶ୍ୱରେ ଟି -୨୦ ଲିଗରେ ତାଙ୍କର ଦବଦବା ଜାହିର କରିଥିଲେ । ଆଇପିଏଲ୍ ୨୦୨୧ ରେ ରାଜସ୍ଥାନ ରୟାଲ୍ସ ପାଇଁ ଖେଳିଥିବା ମୋରିସ୍ ଦକ୍ଷିଣ ଆଫ୍ରିକା ପାଇଁ ଚାରିଟି ଟେଷ୍ଟ, ୪୨ ଟି ଦିନିକିଆ ଏବଂ ୨୩ ଟି-ଟ୍ୱେଣ୍ଟି ଖେଳିଛନ୍ତି । ସେ ଶେଷ ଥର ପାଇଁ ଜୁଲାଇ ୨୦୧୯ ରେ ଇଂଲଣ୍ଡରେ ଚାଲିଥିବା ଦିନିକିଆରେ ବିଶ୍ୱକପରେ ଦକ୍ଷିଣ ଆଫ୍ରିକାର ପ୍ରତିନିଧିତ୍ୱ କରିଥିଲେ ।

ଉଲ୍ଲେଖଯୋଗ୍ୟ, ଆଇପିଏଲ୍ ୨୦୨୧ ନିଲାମରେ ରାଜସ୍ଥାନ ରୟାଲ୍ସ ଦ୍ୱାରା ୧୬.୨୫ କୋଟିରେ କିଣିବା ପରେ ମୋରିସ୍ ଆଇପିଏଲ୍ ନିଲାମରେ ସବୁଠାରୁ ମହଙ୍ଗା ଖେଳାଳି ହୋଇଥିଲେ ।

  • Tags:

Subscribe

National International State Sports Entertainment