ଭୁବନେଶ୍ୱର: ଛାତ୍ର କଂଗ୍ରେସର ଆଜି ସମସ୍ତ ସୀମା ଉଲ୍ଲଂଘନ କରିଛି । ଉଚ୍ଚ ଶିକ୍ଷା ତଥା କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ସୂର୍ଯ୍ୟବଂଶୀ ସୁରଜଙ୍କ ବାସଭବନ ଉପରକୁ ଅଣ୍ଡା ମାଡ଼ କରିଛନ୍ତି ଛାତ୍ର ନେତା । ଉତ୍କଳ ବିଶ୍ୱ ବିଦ୍ୟାଳୟରେ ନାମ ଲେଖା ପ୍ରକ୍ରିୟାରେ ଅନିୟମିତତା ଅଭିଯୋଗରେ ପ୍ରତିବାଦ କରିଛି ଛାତ୍ର କଂଗ୍ରେସ । 

ନାମ ଲେଖାରେ ଅନିୟମିତତା ଅଭିଯୋଗରେ ଛାତ୍ର କଂଗ୍ରେସ ଆଜି ରାଜ ରାସ୍ତାକୁ ଓହ୍ଲାଇଛି । ଭୁବନେଶ୍ୱରରେ ଶହ ଶହ ସଂଖ୍ୟାରେ ଛାତ୍ରନେତାମାନେ ଶୋଭାଯାତ୍ରାରେ ବାହାରି ଉଚ୍ଚ ଶିକ୍ଷା ମନ୍ତ୍ରୀଙ୍କ ସରକାରୀ ବାସଭବନ ଘେରାଉ କରିବାକୁ ଉଦ୍ୟମ କରିଛନ୍ତି । ଏହି ସମୟରେ କିଛି ଆନ୍ଦୋଳନକାରୀ ମନ୍ତ୍ରୀଙ୍କ ବାସଭବନ ଉପରକୁ ଅଣ୍ଡାମାଡ଼ କରୁଥିବା ଦେଖିବାକୁ ମିଳିଛି । ପୁଲିସ ଆନ୍ଦୋଳନକାରୀଙ୍କୁ ଅଟକାଇବା ସହିତ କିଛି ଜଣଙ୍କୁ ଅଟକ ରଖିଛି । 

ଅନ୍ୟପକ୍ଷରେ ବୁଦ୍ଧିଜୀବିମାନେ ଛାତ୍ରମାନଙ୍କ ଏଭଳି କାର୍ଯ୍ୟକଳାପକୁ ନିନ୍ଦା କରିଛନ୍ତି । ଛାତ୍ର ଜୀବନ ଏକ ଶୃଙ୍ଖଳିତ ଜୀବନ ହୋଇଥିବାବେଳେ ଏଭଳି ପ୍ରତିବାଦ ଆଦୌ ଗ୍ରହଣୀୟ ନୁହେଁ ବୋଲି ମତ ପ୍ରକାଶ ପାଇଛି ।