ନୂଆଦିଲ୍ଲୀ: ବାଜିଲା ନିର୍ବାଚନ ବିଗୁଲ। ନିର୍ବାଚନ କମିଶନ (ECI) ରବିବାର ୫ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ପଶ୍ଚିମବଙ୍ଗ, ଆସାମ, ତାମିଲନାଡୁ, କେରଳ ଏବଂ ପୁଡୁଚେରୀରେ ନିର୍ବାଚନ ପାଇଁ ତାରିଖ ଘୋଷଣା କରିଛନ୍ତି। ଏହା ସହିତ ଏସବୁ ରାଜ୍ୟରେ ନିର୍ବାଚନ ଆଚରଣ ବିଧି ଲାଗୁ ହୋଇଛି। ଦିଲ୍ଲୀର ବିଜ୍ଞାନ ଭବନରେ ଅନୁଷ୍ଠିତ ନିର୍ବାଚନ କମିଶନଙ୍କ ସାମ୍ବାଦିକ ସମ୍ମିଳନୀରେ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର, ନିର୍ବାଚନ କମିଶନର ସୁଖବୀର ସିଂହ ସାନ୍ଧୁ ଏବଂ ବିବେକ ଯୋଶୀ ଉପସ୍ଥିତ ଥିଲେ।

ପଶ୍ଚିମବଙ୍ଗରେ ଦୁଇଟି ପର୍ଯ୍ୟାୟରେ ଭୋଟ୍

ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପାଇଁ ମତଦାନ ଗତ ଥର ଆଠଟି ପର୍ଯ୍ୟାୟ ତୁଳନାରେ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ। କିନ୍ତୁ ଏଥର ନିର୍ବାଚନ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ। ପ୍ରଥମ ପର୍ଯ୍ୟାୟ  ଏପ୍ରିଲ ୨୩ରେ ଏବଂ ଦ୍ଵିତୀୟ ପର୍ଯ୍ୟାୟ ଏପ୍ରିଲ ୨୯ରେ ଭୋଟିଂ ହେବ। ଆସାମ, କେରଳ ଏବଂ ପୁଡୁଚେରୀରେ  ଗୋଟିଏ ପର୍ଯ୍ୟାୟରେ ମତଦାନ ହେବ। ଏସବୁ ରାଜ୍ୟରେ ଏପ୍ରିଲ ୯ରେ ଭୋଟିଂ ହେବ। ତାମିଲନାଡୁରେ ଏପ୍ରିଲ ୨୩ରେ ମତଦାନ ହେବ। 

ନିର୍ବାଚନ ଫଳାଫଳ କେବେ ଘୋଷଣା କରାଯିବ?

ଏହି ପାଞ୍ଚଟି ରାଜ୍ୟ  ବିଧାନସଭା ନିର୍ବାଚନର ଫଳାଫଳ ମେ ୪ ତାରିଖରେ ଘୋଷଣା କରାଯିବ। ନିର୍ବାଚନ କାର୍ଯ୍ୟସୂଚୀ ପ୍ରକାଶ ପାଇବା ପରେ, ଏହି ରାଜ୍ୟଗୁଡ଼ିକରେ ନିର୍ବାଚନ ଆଚରଣ ବିଧି ଲାଗୁ ହୋଇଛି।

ପାଞ୍ଚଟି ରାଜ୍ୟରେ ମୋଟ ୧୭.୪ କୋଟି ଭୋଟର

ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର କହିଛନ୍ତି ଯେ ପାଞ୍ଚଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରେ ମୋଟ ୧୭.୪  କୋଟି ଭୋଟର ଅଛନ୍ତି। ମୋଟ ଆସନ ସଂଖ୍ୟା ୮୨୪ ରହିଛି। ଭୋଟ କେନ୍ଦ୍ର ଭିତରେ ମୋବାଇଲ ଫୋନ୍ ନେବାକୁ ଅନୁମତି ଦିଆଯିବ ନାହିଁ । ଭୋଟରମାନେ ଭୋଟ ଦେବା ପରେ ସେମାନଙ୍କର ମୋବାଇଲ୍ ଫୋନ୍ ନେଇ ପାରିବେ। 

ସମସ୍ତ ପାଞ୍ଚଟି ରାଜ୍ୟର ଗତତର ନିର୍ବାଚନ ୨୦୨୧ ଫେବୃଆରୀ ୨୬ରେ ଘୋଷଣା କରାଯାଇଥିଲା। ପଶ୍ଚିମବଙ୍ଗରେ ଆଠଟି ପର୍ଯ୍ୟାୟ, ଆସାମରେ ତିନୋଟି ପର୍ଯ୍ୟାୟ ଏବଂ ତାମିଲନାଡୁ, କେରଳ ଏବଂ ପୁଡୁଚେରୀରେ ଗୋଟିଏ ପର୍ଯ୍ୟାୟରେ ମତଦାନ ହୋଇଥିଲା। ଏହି ପାଞ୍ଚଟି ରାଜ୍ୟର ବିଧାନସଭା ମେ ମାସରେ ସମାପ୍ତ ହେଉଛି।