ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ଟାରିଫ୍ ବୋମା ବିସ୍ପୋରଣ କରିବା ନେଇ ପ୍ରସ୍ତୁତ ହେଉଛନ୍ତି। ବିଦେଶରୁ ଆସୁଥିବା ଔଷଧ ଉପରେ ୨ ଶହ ପ୍ରତିଶତ ଶୁଳ୍କ ଲାଗୁ କରିବାକୁ ପ୍ରସ୍ତାବ ଦେଇଛନ୍ତି। ଟ୍ରମ୍ପଙ୍କ ଏହି ପଦକ୍ଷେପ ଆମେରିକାରେ ଔଷଧର ମୂଲ୍ୟ ବୃଦ୍ଧି କରିବା ଏବଂ ଏହାର ଯୋଗାଣ ହ୍ରାସ କରିବାର ଆଶଙ୍କା ସୃଷ୍ଟି କରିଛି। 

ପୂର୍ବରୁ, ଦଶନ୍ଧି ଧରି, ଆମେରିକାରେ ଔଷଧ ଉତ୍ପାଦ ଉପରେ କୌଣସି ଶୁଳ୍କ ଲାଗୁ କରାଯାଇ ନଥିଲା, କିନ୍ତୁ ଏବେ ଟ୍ରମ୍ପ ପ୍ରଶାସନ ନୀତିରେ ଏକ ବଡ଼ ପରିବର୍ତ୍ତନ କରିବାକୁ ପ୍ରସ୍ତୁତ ହେଉଛି। ରିପୋର୍ଟ ଅନୁଯାୟୀ, କିଛି ଔଷଧ ଉପରେ ୨୦୦% ପର୍ଯ୍ୟନ୍ତ ଟିକସ ଲାଗୁ କରିବାକୁ ଆଲୋଚନା ହେଉଛି। ଟ୍ରମ୍ପ ଚାହାଁନ୍ତି ଯେ ଅଟୋ ଏବଂ ଷ୍ଟିଲ୍ ଭଳି ଜିନିଷ ଉପରେ ଲାଗୁ ହୋଇଥିବା ଟିକସ ଔଷଧ ଉପରେ ମଧ୍ୟ ଲାଗୁ କରାଯାଉ। ଯଦି ଏହା ହୁଏ, ତେବେ ଏହା ଦଶନ୍ଧି ପୁରୁଣା ନୀତି ବିରୁଦ୍ଧରେ ହେବ, ଯେଉଁଥିରେ ଅନେକ ଔଷଧ ବିନା ଟିକସରେ ଆମେରିକା ଆସୁଥିଲା। ଏହାର ପ୍ରଭାବ ଭାରତ ଉପରେ ମଧ୍ୟ ଦେଖାଯାଇପାରେ। 

ଭାରତ ଉପରେ ଏହାର କ’ଣ ପଡ଼ିବ ପ୍ରଭାବ ?

ରିପୋର୍ଟ ଅନୁଯାୟୀ, କିଛି ଔଷଧ କମ୍ପାନୀ ନିର୍ମାତା ଟ୍ରମ୍ପଙ୍କୁ ଏକ ଚିଠି ଲେଖି ଔଷଧକୁ ଶସ୍ତା କରିବାକୁ ଅନୁରୋଧ କରିଛନ୍ତି । ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଯଦି ଏହି ଔଷଧ ମହଙ୍ଗା ହୁଏ, ତେବେ ଲୋକଙ୍କୁ ଅଧିକ ଦେୟ ଦେବାକୁ ପଡ଼ିପାରେ ଏବଂ ଏହି ଔଷଧର ଯୋଗାଣ ମଧ୍ୟ ପ୍ରଭାବିତ ହୋଇପାରେ ।

ଅଧିକ ପଢନ୍ତୁ: 'ଭାରତ ଏବଂ ରୁଷକୁ ଅଲଗା କରିପାରିବ ନାହିଁ ଟ୍ରମ୍ପଙ୍କ ଶୁଳ୍କ ନୀତି'

ଟ୍ରମ୍ପ ସରକାର ଔଷଧ ଉପରେ ୨୦୦% ଶୁଳ୍କ ଲଗାଇବା ପାଇଁ ୧୯୬୨ ମସିହାର ବାଣିଜ୍ୟ ପ୍ରସାରଣ ଆଇନର ଧାରା ୨୩୨କୁ ଉଦ୍ଧୃତ କରୁଛନ୍ତି । ତାଙ୍କ କହିବା ହେଉଛି କୋରନା ମହାମାରୀ ସମୟରେ ଔଷଧର ଏକ ବଡ଼ ଅଭାବ ଥିଲା ଏବଂ ଗଚ୍ଛିତ ରଖାଯାଇଥିଲା, ତେଣୁ ବର୍ତ୍ତମାନ ଘରୋଇ ସ୍ତରରେ ଉତ୍ପାଦନ ବୃଦ୍ଧି କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଯାଇଛି । ଆମେରିକା ଏବଂ ୟୁରୋପ ମଧ୍ୟରେ ନିକଟରେ ହୋଇଥିବା ବାଣିଜ୍ୟ ଚୁକ୍ତି ଅନୁଯାୟୀ, କିଛି ସାମଗ୍ରୀ ଉପରେ ୧୫% ଶୁଳ୍କ ଲାଗୁ କରାଯାଇଛି, ଯେଉଁଥିରେ ଔଷଧ ମଧ୍ୟ ଅନ୍ତର୍ଭୁକ୍ତ ।

ତଥାପି, ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଯଦି ଟ୍ରମ୍ପ ଔଷଧ ଉପରେ ଶୁଳ୍କ ଲଗାନ୍ତି, ତେବେ ଏହା ଅନ୍ୟ ଦେଶଗୁଡ଼ିକ ସହିତ ଆମେରିକା ଉପରେ ମଧ୍ୟ ପ୍ରଭାବ ପକାଇବ । ଶସ୍ତା ବିଦେଶୀ ଔଷଧ ଆମେରିକାରୁ ବାହାରକୁ ନିଆଯାଇପାରେ, ଯାହା ଫଳରେ ଔଷଧର ଅଭାବ ଦେଖାଦେଇପାରେ ।

ଅଧିକ ପଢନ୍ତୁ: ସ୍ୱାର୍ଥୀ ଟ୍ରମ୍ପଙ୍କ ଆଗରେ ଉପରମୁହାଁ ଭାରତର ଅର୍ଥନୀତି, ଗ୍ରୋଥରେ ଖୁସି ପିଏମ କହିଲେ କଣ