ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଭାରତର ସର୍ବବୃହତ ବିମାନ କମ୍ପାନୀ ଇଣ୍ଡିଗୋ ବିମାନ ଟିକେଟ୍ ମୂଲ୍ୟ ବୃଦ୍ଧି ଘୋଷଣା କରିଛି। ଯୁଦ୍ଧ ଯୋଗୁଁ ବିମାନ ଟର୍ବାଇନ୍ ଇନ୍ଧନ (ଏଟିଏଫ)ର ମୂଲ୍ୟ ୮୫% ରୁ ଅଧିକ ବୃଦ୍ଧି ପାଇଛି। କମ୍ପାନୀ ଘୋଷଣା କରିଛି ଯେ ମାର୍ଚ୍ଚ ୧୪ ଠାରୁ ସମସ୍ତ ଘରୋଇ ଏବଂ ଆନ୍ତର୍ଜାତୀୟ ବିମାନରେ ଇନ୍ଧନ ଶୁଳ୍କ ଲାଗୁ କରାଯିବ। ଏହି ଶୁଳ୍କ ଆଜି ରାତି ୧୨ଟା ୧ ରୁ ଲାଗୁ ହେବ । ବିମାନ ଟିକେଟ୍ ମୂଲ୍ୟ ୪୨୫ ରୁ ୨,୩୦୦  ଟଙ୍କା ପର୍ଯ୍ୟନ୍ତ ବୃଦ୍ଧି ଘଟିଛି ।  

ଭଡା କେତେ ବୃଦ୍ଧି ହୋଇଛି?

୨୦୨୬  ମାର୍ଚ୍ଚ ୧୪ ଠାରୁ, ଭାରତ ଭିତରେ ବିମାନ ପାଇଁ ୪୨୫ ଟଙ୍କା ଅଧିକ ଖର୍ଚ୍ଚ ହେବ। ଭାରତୀୟ ଉପମହାଦେଶ ବାଂଲାଦେଶ, ନେପାଳ, ଭୁଟାନ, ଶ୍ରୀଲଙ୍କା ଏବଂ ମାଳଦ୍ୱୀପକୁ ଯାଉଥିବା ବିମାନ ପାଇଁ ମଧ୍ୟ ଇନ୍ଧନ ଶୁଳ୍କ ଲାଗୁ ହେବ। ମଧ୍ୟପ୍ରାଚ୍ୟକୁ ଯାତ୍ରା ପାଇଁ ୯୦୦  ଟଙ୍କା, ଦକ୍ଷିଣ ପୂର୍ବ ଏସିଆ, ଚୀନ୍, ଆଫ୍ରିକା ଏବଂ ପଶ୍ଚିମ ଏସିଆକୁ ଯାତ୍ରା ପାଇଁ ୧,୮୦୦  ଟଙ୍କା ଏବଂ ୟୁରୋପକୁ ଯାତ୍ରା ପାଇଁ ୨,୩୦୦ ଟଙ୍କା ବୃଦ୍ଧି କରାଯାଇଛି।

ବିମାନ କମ୍ପାନୀ କଣ କହିଛି ?

ଇଣ୍ଡିଗୋର କହିବା କଥା ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା ଯୋଗୁଁ ଟର୍ବାଇନ୍ ଇନ୍ଧନ ମୂଲ୍ୟରେ ଉଲ୍ଲେଖନୀୟ ବୃଦ୍ଧି ଘଟିଛି, ଫଳରେ କମ୍ପାନିକୁ ଏହି ନିଷ୍ପତ୍ତି ନେବାକୁ ପଡିଛି ।  ବିମାନ କମ୍ପାନୀ କହିଛି ଯେ ଏଟିଏଫ ଅଚାନକ ବୃଦ୍ଧି ଏହାର ସମଗ୍ର ନେଟୱାର୍କକୁ ପ୍ରଭାବିତ କରୁଛି। ପୂର୍ବରୁ, ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ ମଧ୍ୟ ଟିକେଟ୍ ଉପରେ ଇନ୍ଧନ ସରଚାର୍ଜ ଘୋଷଣା କରିଥିଲେ।

ଏୟାର ଲାଇନ କହିଛି, ଯଦି ବର୍ଦ୍ଧିତ ଇନ୍ଧନ ମୂଲ୍ୟର ସମ୍ପୂର୍ଣ୍ଣ ପ୍ରଭାବ ଟିକେଟ୍ ଭଡ଼ା ଉପରେ ନ୍ୟସ୍ତ କରାଯାଏ, ତେବେ ଭଡ଼ା ଯଥେଷ୍ଟ ବୃଦ୍ଧି କରିବାକୁ ପଡ଼ିବ। ତେଣୁ, ଯାତ୍ରୀଙ୍କ ଉପରେ ବୋଝ କମ କରିବା ପାଇଁ ଏକ ତୁଳନାତ୍ମକ ଭାବରେ କମ୍ ଇନ୍ଧନ ଶୁଳ୍କ ଲାଗୁ କରାଯାଇଥିଲା।