ଚୀନର ଦମ୍‌ରେ ଭାରତ ସହ ଲଢିବାକୁ ବାହାରିଥିବା ପାକିସ୍ତାନ ‘ଅପରେସନ ସିନ୍ଦୂର’ର ୨୪ ଘଣ୍ଟା ନ ବିତୁଣୁ ଏବେ ଆଣ୍ଠୁ ମାଡ଼ି ପଡ଼ିଛି। ସ୍ଥିତି ଏମିତି ବେହାଲ ହୋଇଯାଇଛି ଯେ ନିଜକୁ ଅସହାୟ ମନେ କରୁଛି ପାକିସ୍ତାନ। ପ୍ରତିଶୋଧ ମୁଖା ଭାରତ ତାକୁ ଏଭଳି କଡ଼ା ଜବାବ ଦେଉଛି, ଯାହାକୁ ସେ କେବେ ଭୂଲି ପାରିବନି। ଏହାରି ଭିତରେ ଏବେ ଶୁଣିବାକୁ ମିଳିଛି ଯେ ଇରାନକୁ ଶାହିଦ-୧୨୬ ଡ୍ରୋନ ମାଗୁଛି ପାକ୍‌। 

'ଅପରେସନ୍ ସିନ୍ଦୂର' ପରେ, ପାକିସ୍ତାନ ଭାରତର ୧୫ଟି ସହର ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା କିନ୍ତୁ ଭାରତୀୟ ସେନା ଏହାକୁ ବିଫଳ କରିଥିଲା। ଚୀନର ଶସ୍ତା ଅସ୍ତ୍ରଶସ୍ତ୍ର ବ୍ୟବହାର କରି ଭାରତକୁ ଯୁଦ୍ଧରେ ପରାସ୍ତ କରିବାର ସ୍ୱପ୍ନ ଦେଖୁଥିବା ପାକିସ୍ତାନ ପାଖରେ ଏବେ ଅସ୍ତ୍ରଶସ୍ତ୍ରର ଅଭାବରେ ପଡ଼ିଛି।

ପାକିସ୍ତାନର ଆତଙ୍କବାଦୀ ଆଡ୍ଡା ଉପରେ ଅପରେସନ ସିନ୍ଦୁର ଆରମ୍ଭ କରିବା ପୂର୍ବରୁ, ପାକିସ୍ତାନ ତୁର୍କୀରୁ ଏକ ବଡ଼ ପରିମାଣର ଅସ୍ତ୍ରଶସ୍ତ୍ର ମାଗିଥିଲା। ଏହା ପରେ, ତୁର୍କୀ ବାୟୁସେନାର ଯୁଦ୍ଧ ବିମାନ ପାକିସ୍ତାନରେ ଅବତରଣ କରିଥିଲା। କିଛି ଦିନ ପରେ, ଏକ ତୁର୍କୀ ଯୁଦ୍ଧଜାହାଜ ପାକିସ୍ତାନର ସାମୁଦ୍ରିକ ସୀମାରେ ପହଞ୍ଚିଲା। ତଥାପି, ତୁର୍କୀ ପାକିସ୍ତାନକୁ ଅସ୍ତ୍ରଶସ୍ତ୍ର ଯୋଗାଣ ଖବରକୁ ଅସ୍ୱୀକାର କରିଆସୁଛି।

ଶାହିଦ- ଡ୍ରୋନର ବିଶେଷତ୍ୱ କ’ଣ?

ଏହି ବର୍ଷ, ଇରାନ ଏକ ମାନବହୀନ ଯୁଦ୍ଧ ଯାନ (UCAV) କାର୍ଯ୍ୟକ୍ଷମ କରିଛି, ଯାହା ଶାହିଦ ସିରିଜ୍ ଡ୍ରୋନର ଏକ ଉନ୍ନତ ସଂସ୍କରଣ, ଯାହାକୁ ଶାହିଦ-୧୪୯ 'ଗାଜା' କୁହାଯାଏ। ରିପୋର୍ଟ ଅନୁସାରେ, ଏହି ଇରାନୀ ଡ୍ରୋନ୍ ୫୦୦ ରୁ ୧୦୦୦ କିଲୋମିଟର ପର୍ଯ୍ୟନ୍ତ ଆକ୍ରମଣ କରିବାକୁ ସକ୍ଷମ। ସହିଦ ଡ୍ରୋନ୍‌ଟି ଏକ ଏଭିଓନିକ୍ସ ସିଷ୍ଟମ୍ ସହିତ ସଜ୍ଜିତ, ଯେଉଁଥିରେ ଇଲେକ୍ଟ୍ରୋ-ଅପ୍ଟିକାଲ୍ ଏବଂ ଇନଫ୍ରାରେଡ୍ ସେନ୍ସର୍, ଏକ ଲେଜର ରେଞ୍ଜଫାଇଣ୍ଡର୍ ଏବଂ ଏକ ସାଟେଲାଇଟ୍ ଯୋଗାଯୋଗ ଆଣ୍ଟେନା ଅନ୍ତର୍ଭୁକ୍ତ। ଏହା ୫୦୦ କିଲୋମିଟର ପରିଧି ମଧ୍ୟରେ ନିରୀକ୍ଷଣ କରିପାରିବ। ଏହା ଗୁପ୍ତ ବିମାନ (ଅଦୃଶ୍ୟ) ଚିହ୍ନଟ କରିବାରେ ସକ୍ଷମ। ଏହା ଇରାନର ପୁରୁଣା ଶାହିଦ-୧୨୯ ମଡେଲର ଏକ ହାଇ-ଟେକ୍ ସଂସ୍କରଣ, ଏଥିରେ ବର୍ଦ୍ଧିତ ପେଲୋଡ୍ ଏବଂ ରେଞ୍ଜ ରହିଛି।

ଅଧିକ ପଢନ୍ତୁ: ପୂରା ଗୁପ୍ତରେ ଚାଲିଥିଲା ମିଶନ ପାଇଁ ପ୍ରସ୍ତୁତି; ଲୋଗୋ ତିଆରି ପାଇଁ ଲାଗିଥିଲା ୪୫ ମିନିଟ୍, ତିଆରି ହେଲା ୯ ଠିକଣାର ନକ୍ସା, ଜାଣନ୍ତୁ ଏହାର ଭିତର କାହାଣୀ