କଂଗ୍ରେସ ୯୦% ନିର୍ବାଚନ ହାରୁଛି,ବିରୋଧୀଙ୍କ ନେତୃତ୍ୱ ନେବାକୁ ଦଳ ପାଖରେ ଦିବ୍ୟ ଅଧିକାର ନାହିଁ- ପ୍ରଶାନ୍ତ କିଶୋର
Khabar Odisha:nationalstory-after-mamata-banerjee-prashant-kishor-attacks-congress-and-rahul-gandhi
ନୂଆଦିଲ୍ଲୀ , ଡିସେମ୍ବର ୨(ଖବର ଓଡ଼ିଶା):

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୋଟିଏ ପଟେ ଦେଶ ଭ୍ରମଣ କରି ଅଣ-କଂଗ୍ରେସ ବିରୋଧୀ ଦଳକୁ ଏକାଠି କରି ନେତୃତ୍ୱ ନେବାକୁ ଚେଷ୍ଟା କରୁଛନ୍ତି । ଅନ୍ୟ ଦିଗରେ ତାଙ୍କ  ରାଜନୈତିକ ପରାମର୍ଶଦାତା ପ୍ରଶାନ୍ତ କିଶୋର ମଧ୍ୟ ଗାନ୍ଧି ପରିବାର ବିରୋଧରେ ବୟାନ୍ ଦେଇଛନ୍ତି । 

ଗୋଟିଏ ଦିନ ପୂର୍ବରୁ ମମତା ବାନାର୍ଜୀ ରାହୁଲ ଗାନ୍ଧିଙ୍କ ନାଁ ନ ନେଇ ତାଙ୍କ ବିରୋଧରେ ଏକ ଟିପ୍ପଣୀ ଦେଇଥିବା ବେଳେ ଆଜି ଠିକ୍ ସେହିପରି ବର୍ତ୍ତମାନ ପ୍ରଶାନ୍ତ କିଶୋର କିଛି ଏପରି ଟିପ୍ପଣୀ ଦେଇଛନ୍ତି ।

ବିପକ୍ଷ ଦଳର ନେତୃତ୍ୱକୁ ପ୍ରଶ୍ନ କରି କହିଛନ୍ତି ଯେ ଏହାର ଫଳାଫଳ ଲୋକତାଂନ୍ତ୍ରିକ ଭାବେ ହେବା ଉଚିତ୍ । ପ୍ରଶାନ୍ତ କଂଗ୍ରେସ ଓ ଗାନ୍ଧି ପରିବାର ବିରୋଧରେ କହିଛନ୍ତି ଯେ ପାର୍ଟି ବିଗତ ୧୦ ବର୍ଷ ମଧ୍ୟରେ ୯୦ ପ୍ରତିଶତରୁ ଅଧିକ ନିର୍ବାଚନ ହାରିଛି ।

ସେ ଏହା ମଧ୍ୟ କହିଛନ୍ତି ଯେ କଂଗ୍ରେସ ଯେଉଁ ପ୍ରକାରର ବିଚାରର ପ୍ରତିନିଧିତ୍ୱ କରୁଛି ଏହା ବିପକ୍ଷ ଦଳ ପାଇଁ ମହତ୍ୱ ପୁର୍ଣ୍ଣ ଅଟେ । କିନ୍ତୁ କଂଗ୍ରେସର ବିରୋଧୀଙ୍କ ନେତା ଦାୟିତ୍ୱ ନେବ ବୋଲି ସେମିତି ଦିବ୍ୟ ଅଧିକାର କିଛି ନାହିଁ । ଦଳ ୯୦ ପ୍ରତିଶତରୁ ଅଧିକ ନିର୍ବାଚନରେ ହାରୁଛି । 

ସୁଚନା ଅନୁସାରେ, ମମତା ବାନାର୍ଜୀଙ୍କୁ ବିରୋଧୀ ଦଳର ନେତା ଭାବରେ ଦାୟିତ୍ୱ ଗ୍ରହଣ କରିବା ପାଇଁ ପ୍ରଶାନ୍ତ କିଶୋରଙ୍କ ହାତ ଥିବା କୁହାଯାଉଛି । ତାଙ୍କ ଉଦ୍ୟମ ଯୋଗୁଁ ଗୋଆଠାରୁ ହରିୟାଣା ପର୍ଯ୍ୟନ୍ତ ବହୁ ସଂଖ୍ୟକ କଂଗ୍ରେସ ନେତା ଟିଏମସିରେ ଯୋଗ ଦେଇଛନ୍ତି।

  • Tags:

Subscribe

National International State Sports Entertainment