ମହଙ୍ଗା ପଡିଲା ପାକିସ୍ତାନରେ ଗୀତ ଗାଇବା,ବ୍ୟାନ ହେଲେ ମିକା ସିଂହ
Khabar Odisha:india-entertainment-AICWA-Bans-And-Boycotts-Singer-Mika-Singh-For-Performing-In-Pakista
ନୂଆଦିଲ୍ଲୀ, ଅଗଷ୍ଟ ୧୪ (ଖବର ଓଡିଶା) :

ଭାରତ ଏବଂ ପାକିସ୍ତାନ ମଧ୍ୟରେ ପରିସ୍ଥିତି ଗତ କିଛି ଦିନରୁ ଉଷ୍ଣ ରହିଛି । ଏହାରି ମଧ୍ୟରେ ବଲିଉଡର ଜଣାଶୁଣା କଣ୍ଠଶୀଳ୍ପି ମିକା ସିଂହ ପାକିସ୍ତାନରେ ଗୀତ ଗାଇ ଅଡୁଆରେ ଫସିଛନ୍ତି । ମିକା ସିଂହଙ୍କୁ ଗତ କିଛି ଦିନ ହେଲା ସୋସିଆଲ ମିଡିଆରେ ପ୍ରଶଂସକଙ୍କ ଆକ୍ରୋଶର ଶୀକିରା ହେବାକୁ ପଡୁଥିଲା । ପାକିସ୍ତାନ ମିଡିଆର ସୂଚନା ଅନୁସାରେ ପାକର ପୂର୍ବତନ ରାଷ୍ଟ୍ରପତି ଜେନେରାଲ ପରେବଜ ମୁଶର୍ରଫଙ୍କ ଜଣେ ସମ୍ପର୍କୀୟଙ୍କ ମେହେନ୍ଦୀ ସମାରୋହରେ ମିକା ଗୀତ ଗାଇଥିଲେ । ଏପରି ମଧ୍ୟ ଖବର ଆସିଛି ଯେ ମିକାଙ୍କ ଶୋ’ଦେଖିବା ପାଇଁ ଭାରତର ମୋଷ୍ଟ ୱାଣ୍ଟେଡ ଅଣ୍ଡରୱାଲର୍ଡ ଡନ ଦାଉଦ ଇବ୍ରାହିମର ପରିବାର ମଧ୍ୟ ଉପସ୍ଥିତ ଥିଲା । ଏହା ଏବେ ମିକାଙ୍କ କ୍ୟାରିୟର ପାଇଁ ବିପଦ ସୃଷ୍ଟି କରିଛି । 

ପାକିସ୍ତାନରେ ମିକାଙ୍କ ପରଫରମେନ୍ସକୁ ବିରୋଧ କରି ଅଲ ଇଣ୍ଡିଆ ସିନେ ୱର୍କର୍ସ ଆସୋସିଏସନ (AICWA) ତାଙ୍କ ଉପରେ ବ୍ୟାନ ଲଗାଇଛି । ଅଲ ଇଣ୍ଡିଆ ସିନେ ୱର୍କର୍ସ ଆସୋସିଏସନ ଅଧ୍ୟକ୍ଷ ସୁରେଶ ଶ୍ୟାମଲାଲ ଗୁପ୍ତା ଅଫିସିଆଲ ଷ୍ଟେଟମେଣ୍ଟ ଜାରି କରି ଏହାର ସୂଚନା ଦେଇଛନ୍ତି । ଏସୋସିଏସନର ଅଧ୍ୟକ୍ଷ ସୁରେଷ ଶ୍ୟାମଲାଲ ଗୁପ୍ତା କହିଛନ୍ତି, ମିକାଙ୍କ ମୁଭି ପ୍ରଡକସନ ହାଉସ, ମ୍ୟୁଜିକ କମ୍ପାନୀ ଏବଂ ଅନଲାଇନ କଣ୍ଟେଟ ପ୍ରୋଭାଇଡର ସହ ତାଙ୍କର ସବୁ ଚୁକ୍ତିକୁ ବୟକଟ କରିବାକୁ ନିଷ୍ପତି ନିଆଯାଇଛି । ଏହାଛଡା ସଂଘ ମିକାଙ୍କ ସବୁ ଫିଲ୍ମ, ଗୀତ ଏବଂ ଏଣ୍ଟରଟେନମେଣ୍ଟ କମ୍ପାନୀ ସହ କାମ କରିବା ଉପରେ କଟକଣା ଜାରି କରାଯାଇଛି ।  

Subscribe

National International State Sports Entertainment