ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୫-୨୬ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରିଛନ୍ତି । ଆଜିର ବିଜେଟରେ ବହୁତ ଜିନିଷ ଶସ୍ତା ହୋଇଥିବା ବେଳେ କେତେକ ଜିନିଷ ମହଙ୍ଗା ରହିଛି । ନଜର ପକାନ୍ତୁ କେଉଁ କେଉଁ ଜିନିଷ ମହଙ୍ଗା ହୋଇଛି । 

କଣ ହେଲା ମହଙ୍ଗା?

• ବୁଣା କପଡ଼ା
• ଫ୍ଲାଟ୍ ସ୍କ୍ରିନ୍ ଟିଭି 
• ବିଳାସପୂର୍ଣ୍ଣ ସାମଗ୍ରୀ
• ମଦ୍ୟପାନ, ତମାଖୁ ଏବଂ ଅଣ-ଆବଶ୍ୟକୀୟ ଆମଦାନୀ ଉପରେ ଅଧିକ ଟିକସ 
• ପ୍ରଦୂଷଣକାରୀ ଯାନବାହନ ଉପରେ ଶୁଳ୍କ ବୃଦ୍ଧି 
• ପ୍ଲାଷ୍ଟିକ୍ ଉତ୍ପାଦ ଉପରେ କଷ୍ଟମ୍ସ ଡ୍ୟୁଟି ବୃଦ୍ଧି 
• ନିଟେଡ୍ ଫାବ୍ରିକ୍ 
• ଟେକ୍ନୋଲୋଜି ଏବଂ ଉତ୍ପାଦନ କ୍ଷେତ୍ରରେ ମହଙ୍ଗା 

ବୁଣା କପଡ଼ା, ବିଳାସପୂର୍ଣ୍ଣ ସାମଗ୍ରୀ, ମଦ୍ୟପାନ, ତମାଖୁ ଏବଂ ଅଣ-ଆବଶ୍ୟକୀୟ ଆମଦାନୀ ଉପରେ ଅଧିକ ଟିକସ ଲାଗୁ ହୋଇପାରେ। ପରିବେଶିକ ପ୍ରଭାବକୁ ହ୍ରାସ କରିବା ପ୍ରୟାସର ଅଂଶ ସ୍ୱରୂପ ପ୍ରଦୂଷଣକାରୀ ଯାନବାହନ ଉପରେ ମଧ୍ୟ ଶୁଳ୍କ ବୃଦ୍ଧି ହୋଇପାରେ। ପ୍ଲାଷ୍ଟିକ୍ ଉତ୍ପାଦ ଉପରେ କଷ୍ଟମ୍ସ ଡ୍ୟୁଟି ବୃଦ୍ଧି ହୋଇଛି। ନିଟେଡ୍ ଫାବ୍ରିକ୍, ଫ୍ଲାଟ୍ ସ୍କ୍ରିନ୍ ଟିଭି ମହଙ୍ଗା ହେବ ବୋଲି ଅର୍ଥମନ୍ତ୍ରୀ ଘୋଷଣା କରିଛନ୍ତି।

ଅଧିକ ପଢନ୍ତୁ: ବଜେଟରେ ସ୍ୱାସ୍ଥ୍ୟସେବାକୁ ନେଇ ବଡ଼ ଘୋଷଣା, ସବୁ ଜିଲ୍ଲାରେ ହେବ କ୍ୟାନ୍ସର ହସ୍ପିଟାଲ, ୫ ବର୍ଷରେ ୭୫ ହଜାର ମେଡ଼ିକାଲ ସିଟ୍ କରାଯିବ ବୃଦ୍ଧି

ବିଶେଷକରି ଟେକ୍ନୋଲୋଜି ଏବଂ ଉତ୍ପାଦନ କ୍ଷେତ୍ରରେ ମହଙ୍ଗା ହେବ। କେନ୍ଦ୍ର ଇଣ୍ଟରାକ୍ଟିଭ୍ ଫ୍ଲାଟ୍-ପ୍ୟାନେଲ୍ ଡିସପ୍ଲେ ଉପରେ ମୌଳିକ କଷ୍ଟମ୍ସ ଡ୍ୟୁଟିକୁ ୧୦% ରୁ ୨୦% କୁ ବୃଦ୍ଧି କରିବାକୁ ପ୍ରସ୍ତାବ ଦିଆଯାଇଛି। କେନ୍ଦ୍ର ଅସ୍ଥାୟୀ ମୂଲ୍ୟାଙ୍କନ ପାଇଁ ଦୁଇ ବର୍ଷର ସମୟ ସୀମା ପ୍ରଚଳନ କରିଥିଲା, ଯାହା ବ୍ୟବସାୟ ପାଇଁ ଦ୍ରୁତ ଏବଂ ଅଧିକ ଦକ୍ଷ କଷ୍ଟମ୍ସ କ୍ଲିୟରାନ୍ସ ସୁନିଶ୍ଚିତ କରିବ। ଏହି ପରିବର୍ତ୍ତନ ଆମଦାନୀ ଏବଂ ରପ୍ତାନି ସହିତ ଜଡିତ କିଛି ଶିଳ୍ପକୁ ପ୍ରଭାବିତ କରିବ।