ନୂଆଦିଲ୍ଲୀ: ଦୁଇ ଦିନିଆ ଜାପାନ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଜାପାନରେ ପାର୍ଟନରଶିପରେ କାମ କରିବାକୁ ଆହ୍ୱାନ କରି ପିଏମ ମୋଦୀ କହିଛନ୍ତି ଜାପାନ ପାୱାର ତ ଭାରତ ଟ୍ୟାଲେଣ୍ଟ ପାୱାର ହାଉସ । ଦୁଇ ଦେଶ ମିଶି ପ୍ରଯୁକ୍ତିବିଦ୍ୟା ଓ ନବୀକରଣ କ୍ଷେତ୍ରରେ ପୂରା ଦୁନିଆର ନେତୃତ୍ୱ କରି ପାରିବେ । ଏହା ସହ ପ୍ରଧାନମନ୍ତ୍ରୀ ଜାପାନୀ ମ୍ୟାନୁଫେକଚର୍ସଙ୍କୁ ଭାରତ ଆସିବାକୁ ଆମନ୍ତ୍ରଣ କରିଛନ୍ତି ଏବଂ ମେକ୍ ଇନ ଇଣ୍ଡିଆ ଆଧାରରେ ପୂରା ଦୁନିଆ ପାଇଁ ନିର୍ମାଣ କରିବାକୁ ଆହ୍ୱାନ ଦେଇଛନ୍ତି । ସେ କହିଛନ୍ତି ଆଜି ଟେକ୍ନୋଲୋଜି ଓ ଟ୍ୟାଲେଣ୍ଟ ଦୁନିଆର ନେତୃତ୍ୱ ନେଇ ପାରିବେ ।
ଟୋକିଓରେ ଭାରତ-ଜାପାନ ଇକୋନୋମିକ ଫୋରମକୁ ସମ୍ବୋଧିତ କରି ପିଏମ ମୋଦୀ କହିଛନ୍ତି ଜାପାନର ପ୍ରଦୌଗିକି ଓ ଭାରତର ପ୍ରତିଭା ମିଶି ଏହି ଶତାବ୍ଦୀର ପ୍ରଦୌଗିକି କ୍ରାନ୍ତିର ନେତୃତ୍ୱ କରି ପାରିବେ । ଭାରତ ନିବେଶ ପାଇଁ ସବୁଠୁ ପ୍ରକୃଷ୍ଠ ସ୍ଥାନ । ୮୦ ପ୍ରତିଶତ କମ୍ପାନି ଭାରତରେ ବିସ୍ତାର କରିବାକୁ ଚାହାନ୍ତି । ୭୫ ପ୍ରତିଶତ କମ୍ପାନି ପୂର୍ବରୁ ମୁନାଫାରେ ଅଛନ୍ତି । ଏହାର ଅର୍ଥ ଭାରତରେ ପୁଞ୍ଜି କେବଳ ବଢେ ନାହିଁ ବରଂ ଅନେକ ଗୁଣ ହୋଇଯାଏ ।
ମୋଦୀ କହିଛନ୍ତି, ଭାରତର ବିକାଶ ଯାତ୍ରାରେ ଜାପାନ ସର୍ବଦା ଏକ ଗୁରୁତ୍ୱପୂର୍ଣ୍ଣ ଭାଗିଦାରୀ ରହି ଆସିଛି । ମେଟ୍ରୋଠୁ ନେଇ ମ୍ୟାନୁଫେକଚରିଂ ପର୍ଯ୍ୟନ୍ତ, ସେମି କଣ୍ଡକ୍ଟରଠୁ ନେଇ ଷ୍ଟାର୍ଟଅପ୍ ପର୍ଯ୍ୟନ୍ତ ଦୁଇ ଦେଶର ଭାଗିଦାରୀ ପରସ୍ପର ବିଶ୍ୱାସର ପ୍ରତୀକ । ଜାପାନର କମ୍ପାନି ଭାରତରେ ୪୦ ବିଲିୟନ ଡଲାରରୁ ଅଧିକ ନିବେଶ କରିଛନ୍ତି । ଭାରତ ଏଆଇ, ସେମିକଣ୍ଡକ୍ଟର, କ୍ୱାଣ୍ଟମ କମ୍ପ୍ୟୁଟିଙ୍ଗ, ବାୟୋଟେକ ଓ ଅନ୍ତରୀକ୍ଷ କ୍ଷେତ୍ରରେ ସାହସିକ ଓ ମହତ୍ୱାକାଂଶକ୍ଷୀ ମିଶନ ଆରମ୍ଭ କରିଛି ।
ପ୍ରଧାନମନ୍ତ୍ରୀ ଏହା ମଧ୍ୟ କହିଛନ୍ତି, ଆଜି ଭାରତରେ ରାଜନୈତିକ ସ୍ଥିରତା, ଆର୍ଥିକ ସ୍ଥିରତା, ନୀତିରେ ପାରଦର୍ଶିତା ଓ ପୂର୍ବାନୁମାନଶୀଳତା ରହିଛି । ଆଜି ଭାରତ ଦୁନିଆର ସବୁଠୁ ଦ୍ରୁତ ଗତିରେ ଆଗକୁ ବଢୁଥିବା ପ୍ରମୁଖ ଅର୍ଥବ୍ୟବସ୍ଥା । ଆଉ ବହୁତ ଶୀଘ୍ର ଏହା ଦୁନିଆର ତୃତୀୟ ସବୁଠୁ ବଡ ଅର୍ଥବ୍ୟବସ୍ଥା ହେବାକୁ ଯାଉଛି । ରିଫର୍ମ, ପରଫର୍ମ ଓ ଟ୍ରାନ୍ସଫର୍ମ ଆମର ଚିନ୍ତାଧାରା ।
Also read: ପୂର୍ବତନ ଆରବିଆଇ ଗଭର୍ଣ୍ଣର ଉର୍ଜିତ ପଟେଲ୍ ହେଲେ ଆଇଏମ୍ଏଫ୍ କାର୍ଯ୍ୟନିର୍ବାହୀ ନିର୍ଦ୍ଦେଶକ