ଡେରାଡୁନ୍: ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ସରକାରୀ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ଯେ ରାଜ୍ୟରେ ଜାରି ହୋଇଥିବା ସମସ୍ତ ସରକାରୀ ବିଜ୍ଞପ୍ତି, ଗେଜେଟ୍ ବିଜ୍ଞପ୍ତି, ଉଦଘାଟନ ଫଳକ ଏବଂ ଶିଳାନ୍ୟାସ ଫଳକରେ ତାରିଖ ଏବଂ ବର୍ଷ ସହିତ ବିକ୍ରମ ସମ୍ବତ ଏବଂ ହିନ୍ଦୁ ମାସ (ଯେପରିକି ଫାଲଗୁନ, କୃଷ୍ଣପକ୍ଷ/ଶୁକ୍ଳ ପକ୍ଷ) ଉଲ୍ଲେଖ କରାଯାଉ। ଭବିଷ୍ୟତରେ ସମସ୍ତ ବିଜ୍ଞପ୍ତି, ଶିଳାନ୍ୟାସ ଫଳକ ଓ ଉଦ୍‌ଘାଟନ ଫଳକରେ ଏହି ପାରମ୍ପରିକ ମାନଦଣ୍ଡକୁ ଅନ୍ତର୍ଭୁକ୍ତ କରିବା ପାଇଁ ତୁରନ୍ତ ସାଧାରଣ ପ୍ରଶାସନ ବିଭାଗକୁ ଆବଶ୍ୟକ ନିର୍ଦ୍ଦେଶ ଦେବାକୁ ମୁଖ୍ୟମନ୍ତ୍ରୀ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି।

ବିକ୍ରମ ସମ୍ବତ ଭାରତୀୟ ସଂସ୍କୃତି ଓ ପରମ୍ପରାର ଏକ ଅବିଚ୍ଛେଦ୍ୟ ଅଙ୍ଗ ବୋଲି ମୁଖ୍ୟମନ୍ତ୍ରୀ କହିଛନ୍ତି। ମୁଖ୍ୟମନ୍ତ୍ରୀ ଧାମୀ ସୋମବାର ଡେରାଡୁନର ଡୋଇୱାଲାଠାରେ ଆଦର୍ଶ ଶିଳ୍ପ ସ୍ୱୟଂଶାସିତ ସମବାୟ ସମିତି ଦ୍ୱାରା ଆୟୋଜିତ 'ଡ୍ରଗ୍ସ ଫ୍ରି ଉତ୍ତରାଖଣ୍ଡ' ବାଇକ୍ ରାଲିକୁ ପତାକା ଦେଖାଇ ଶୁଭାରମ୍ଭ କରିଥିଲେ।

ଆଲବମ୍ ରିଲିଜ୍

• ଆଦର୍ଶ ଅନୁଷ୍ଠାନ ତତ୍ତ୍ୱାବଧାନରେ ମୁଖ୍ୟମନ୍ତ୍ରୀ ଧାମୀ ମୁଖ୍ୟମନ୍ତ୍ରୀଙ୍କ ବାସଭବନରେ ଗୀତ ଆଲବମ୍ 'ଦେବଭୂମି ମା' ଅଉଳି ବାହାର'କୁ ଉନ୍ମୋଚନ କରିଛନ୍ତି। ଏହି ଆଲବମରେ କଣ୍ଠଦାନ କରିଛନ୍ତି ବିଜେନ୍ଦର ସିଂ ବର୍ଟୱାଲ ଏବଂ ଉତ୍ତମ ସିଂ ଭଣ୍ଡାରୀ।
• ଆଲବଲ୍‌ର ଗୀତିକାର ହେଉଛନ୍ତି ସତ୍ୟପାଲ ସିଂହ ଭଣ୍ଡାରୀ ଏବଂ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଶୈଳେନ୍ଦ୍ର ଶୈଲୁ ଓ ଦିଲ୍ଲୀପ ଅଞ୍ଜୱାଲ। ଏହି ଆଲବମର ପ୍ରଯୋଜନା କରିଥିଲେ ଉତ୍ତମ ସିଂହ ଭଣ୍ଡାରୀ। 
• ଏହା ପୂର୍ବରୁ କେନ୍ଦ୍ରୀୟ କମାଣ୍ଡର ଜେନେରାଲ ଅଫିସର କମାଣ୍ଡିଂ ଇନ୍ ଚିଫ୍ ଲେଫ୍ଟନାଣ୍ଟ ଜେନେରାଲ ଅନିନ୍ଦ୍ୟା ସେନଗୁପ୍ତା ସଚିବାଳୟରେ ମୁଖ୍ୟମନ୍ତ୍ରୀ ଧାମିଙ୍କୁ ଭେଟିଥିଲେ। ଏହି ବୈଠକରେ ମୁଖ୍ୟମନ୍ତ୍ରୀ ତାଙ୍କ ସହ ବିଭିନ୍ନ ସମସାମୟିକ ପ୍ରସଙ୍ଗରେ ବିସ୍ତୃତ ଆଲୋଚନା କରିଥିଲେ।

ଅଧିକ ପଢ଼ନ୍ତୁ: ଓଡ଼ିଶାରେ ପୂର୍ବତନ କେନ୍ଦ୍ରମନ୍ତ୍ରୀ ଦେବେନ୍ଦ୍ର ପ୍ରଧାନଙ୍କ ମର ଶରୀର