ଡ୍ରଗ୍ସ କାରବାର ନେଇ ଅଭିନେତ୍ରୀ ଦୀପିକା ପାଦୁକୋଣଙ୍କୁ ପଚରାଉଚରା କରିପାରେ ଏନସିବି
Khabar Odisha:Nation-Bollywood-actress-Deepika-Padukones-drugs-chat-exclusive-biggest-reveal-yet

ନୂଆଦିଲ୍ଲୀ, ସେପ୍ଟେମ୍ବର ୨୨ (ଖବର ଓଡ଼ିଶା): ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଘଟଣା ସହିତ ଜଡ଼ିତ ଡ୍ରଗ୍ସ କାରବାର ନେଇ ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ବଲିଉଡ ଅଭିନେତ୍ରୀ ସାରା ଅଲୀ ଖାନ ଓ ଶ୍ରଦ୍ଧା କପୂରଙ୍କୁ ପଚରାଉଚରା କରିବା ଲାଗି ସମନ ପଠାଇବ । ଜାତୀୟ ଗଣମାଧ୍ୟମକୁ ମିଳିଥିବା ସୂତ୍ର ଅନୁସାରେ ଚଳିତ ସପ୍ତାହରେ ସାରା ଅଲୀ ଖାନ, ଶ୍ରଦ୍ଧା କପୂର ଓ ଅନ୍ୟମାନଙ୍କୁ ମଧ୍ୟ ପଚରାଉଚରା ଲାଗି ସମନ ପଠାଇବ । ଏହି ପରୀପ୍ରେକ୍ଷିରେ ନୂଆ ନାମ ଯୋଡ଼ି ହୋଇଯାଇଛି ଦୀପିକା ପାଦୁକୋଣଙ୍କ ମ୍ୟାନେଜର କରିଶ୍ମା ପ୍ରକାଶଙ୍କ ନାମ । 

ଦୀପିକା ପାଦୁକୋଣଙ୍କ ମ୍ୟାନେଜର କରିଶ୍ମା ପ୍ରକାଶଙ୍କୁ ଏନସିବି ସମନ ପଠାଇଛି । ସୂଚନା ଅନୁସାରେ ମଙ୍ଗଳବାର କରିଶ୍ମାଙ୍କୁ ଏନସିବି ପଚରାଉଚରା କରିପାରେ । ଏକ ଜାତୀୟ ଗଣମାଧ୍ୟମକୁ ଦୀପିକା ପାଦୁକୋଣ ଓ କରିଶ୍ମା ପ୍ରକାଶଙ୍କ ମଧ୍ୟରେ ୨୦୧୭ ଅକ୍ଟୋବର ୨୮ରେ ହୋଇଥିବା କଥାବର୍ତ୍ତାର ତଥ୍ୟ ହସ୍ତଗତ ହୋଇଛି । ଏହି କଥାବାର୍ତ୍ତାରେ ଡ୍ରଗ୍ସକୁ ନେଇ ଆଲୋଚନା ହୋଇଛି । ଏହି ଆଧାରରେ ଏବେ ଆଶଙ୍କା ସୃଷ୍ଟି ହୋଇଛି ଯେ, ଦୀପିକା ପାଦୁକୋଣଙ୍କୁ ଏନସିବି ପଚରାଉଚରା କରିପାରେ । 

 

  • Tags:

Subscribe

National International State Sports Entertainment