ଦିଲ୍ଲୀରେ ଆତଙ୍କ ଖେଳାଉଛି ଚିତାବାଘ । ଚିତାବାଘର ଆକ୍ରମଣର ଶିକାର ହୋଇଛନ୍ତି ପ୍ରାୟ ୮ ରୁ ଅଧିକ । ଚିତାବାଘ ଜଙ୍ଗଲ ଛାଡି ଗାଁରେ ପଶି ଲୋକଙ୍କ ମଧ୍ୟରେ ଆତଙ୍କ ଖେଳାଉଛି । ଏ ସମ୍ପର୍କରେ ସ୍ଥାନୀୟ ଲୋକ, ବନବିଭାଗକୁ ଖବର ଦେଇଥିଲେ । ଖବର ପାଇ , ବନ୍ୟଜନ୍ତୁ ଉଦ୍ଧାରକାରୀ ଦଳ  ଘଟଣାସ୍ଥଳରେ ପହଞ୍ଚି ବାଘକୁ କାବୁ କରିବା ପାଇଁ ଚେଷ୍ଟା କରିଥିଲା । ବହୁ ଚେଷ୍ଟା ପରେ ବନବିଭାଗ ଚିତାବାଘକୁ କାବୁ କରିଥିଲେ ।

ସୂଚନା ଅନୁସାରେ, ଉତ୍ତର ଦିଲ୍ଲୀର ୱାଜିରାବାଦର ଏକ ଗାଁରେ ଚିତାବାଘ ପଶି ଗାଁରେ ହଇଚଇ ସୃଷ୍ଟି କରିଥିଲା । ଚିତାବାଘର ଆକ୍ରମଣରେ ଗାଁର ପ୍ରାୟ ୮ ରୁ ଅଧିକ ଜଣ ଆହତ ହୋଇଛନ୍ତି । ଏ ସମ୍ପର୍କରେ ବନ୍ୟଜନ୍ତୁ ଉଦ୍ଧାରକାରୀ ଦଳଙ୍କୁ ଖବର ଦିଆଯାଇଥିଲା । ଖବର ପାଇ , ବନ୍ୟଜନ୍ତୁ ଉଦ୍ଧାରକାରୀ ଦଳ  ଘଟଣାସ୍ଥଳରେ ପହଞ୍ଚି ବାଘକୁ ଧରିବା ପାଇଁ ବିଭିନ୍ନ ଯୋଜନା ପ୍ରସ୍ତୁତ କରିଥିଲେ । ବିଭିନ୍ନ ଉପାୟ କରି ବନ୍ୟଜନ୍ତୁ ଉଦ୍ଧାରକାରୀ ଦଳ ଚିତାବାଘକୁ ଧରିଥିଲେ । ଚିତାବାଘ ଜଣଙ୍କ ଘରେ ପଶି ଯାଇଥିବା ମଧ୍ୟ ସୂଚନା ମିଳିଛି ।