କୋଏମ୍ବାଟୁର: ତାମିଲନାଡୁର କୋଏମ୍ବାଟୁରରେ ଶୁକ୍ରବାର ସକାଳେ ଏକ ଏଲପିଜି ଟ୍ୟାଙ୍କର ଦୁର୍ଘଟଣାଗ୍ରସ୍ତ ହୋଇଛି। ଏହାପରେ ଟ୍ୟାଙ୍କରରୁ ଗ୍ୟାସ ଲିକ୍ ଆରମ୍ଭ ହୋଇଥିଲା। ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାମ ଜାରି ରଖିଛନ୍ତି।
କୋଏମ୍ବାଟୁରର ଉପିଲିପାଲାୟମ୍ ଫ୍ଲାଏଓଭରରେ ଏହି ଘଟଣା ଘଟିଛି। ଟ୍ୟାଙ୍କରଟି କୋଚିରୁ କୋଏମ୍ବାଟୁର ଅଭିମୁଖେ ଯାଉଥିଲା। ଏହି ଦୁର୍ଘଟଣା ପରେ ସମଗ୍ର ଅଞ୍ଚଳକୁ ଘେରାବନ୍ଦୀ କରାଯାଇଛି। ଅଗ୍ନିଶମ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଲିକେଜ୍କୁ ନିୟନ୍ତ୍ରଣ କରିବା ପାଇଁ ଟ୍ୟାଙ୍କର ଉପରେ ପାଣି ଢାଳିଛନ୍ତି।
ସୂଚନାଯୋଗ୍ୟ ଗତବର୍ଷ ଡିସେମ୍ବର ମାସରେ ଜୟପୁର-ଅଜମେର ରାଜପଥରେ ଏକ ଏଲପିଜି ଟ୍ୟାଙ୍କର ବିସ୍ଫୋରଣ ହୋଇଥିଲା, ଯେଉଁଥିରେ ୧୫ରୁ ଅଧିକ ଲୋକ ପ୍ରାଣ ହରାଇଥିଲେ। ବିସ୍ଫୋରଣରେ ଏକ ଏଲପିଜି ଟ୍ୟାଙ୍କରକୁ ଟ୍ରକ୍ ଧକ୍କା ଦେବା ପରେ ୩୪ଟି ଗାଡ଼ି ମଧ୍ୟ ଦୁର୍ଘଟଣାର ଶିକାର ହୋଇଥିଲା।
ଅଧିକ ପଢ଼ନ୍ତୁ: ଶାହୀ ଜାମା ମସଜିଦର ସର୍ଭେ ରିପୋର୍ଟରେ ରହିଛି କ'ଣ?