ଭୋପାଳ: ମଧ୍ୟପ୍ରଦେଶର ସିଙ୍ଗରୌଲିରେ ଏକ ଘରର ସେପ୍ଟିକ୍ ଟାଙ୍କିରୁ ୪ଜଣଙ୍କ ମୃତଦେହ ଉଦ୍ଧାର କରାଯାଇଛି। ଏହି ଘଟଣା ପରେ ସମଗ୍ର ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା। ଖବର ପାଇ ପୁଲିସ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ପୁଲିସ କହିଛି ଯେ ଶନିବାର ଯୁବକମାନଙ୍କ ବିଷୟରେ ସୂଚନା ମିଳିବା ପରେ ସେପ୍ଟିକ୍ ଟାଙ୍କି ଖୋଲାଯାଇଥିଲା। ଏଥିରେ ୪ ଜଣ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ଘଟଣା ସମ୍ପର୍କରେ ସୂଚନା ସଂଗ୍ରହ କରାଯାଉଛି। ପରିବାର ଲୋକଙ୍କଠାରୁ ମଧ୍ୟ ସୂଚନା ନିଆଯାଉଛି।
ଏହି ୪ ଜଣ ଯୁବକ ବନ୍ଧୁ ବୋଲି କୁହାଯାଉଛି ଏବଂ ଜାନୁଆରି ୧ ତାରିଖରେ ନୂଆବର୍ଷ ପାଳନ କରିବାକୁ ଘରୁ ବାହାରିଥିଲେ। ବର୍ତ୍ତମାନ ମୃତଦେହର ପଞ୍ଚନାମା କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି। ଏହି ଘଟଣାରେ ପୁଲିସ ହତ୍ୟା କାଣ୍ଡର ତଦନ୍ତ କରୁଛି।
ଅଧିକ ପଢ଼ନ୍ତୁ: ଅଭିଯୁକ୍ତ ପୁଅକୁ ଅନ୍ତରୀଣ ଜାମିନ ଦେଲେ ବମ୍ବେ ହାଇକୋର୍ଟ