ଇ-କମର୍ସ ପ୍ଲାଟଫର୍ମ ଆମାଜନ ପକ୍ଷରୁ ଆଜି ଏକ ବଡ ଘୋଷଣା କରାଯାଇଛି | ଆମାଜନ ପକ୍ଷରୁ କୁହାଯାଇଛି ଯେ ସେପ୍ଟେମ୍ବର ୧୯ ପରଠାରୁ କ୍ୟାସ ଅନ ଡେଲିଭରିରେ ଆଉ ୨୦୦୦ ଟଙ୍କିଆ ନୋଟ ଗ୍ରହଣ କରାଯିବ ନାହିଁ | କ୍ୟାସ ଅନ୍ ଡେଲିଭରି (COD) ଦେୟ ପାଇଁ ୨୦୦୦ ଟଙ୍କିଆ ନୋଟ୍ ଗ୍ରହଣ ବନ୍ଦ କରିବ ବୋଲି ଆମାଜନ ଘୋଷଣା କରିଛି। ଏହି ନିଷ୍ପତ୍ତି ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ର ୨୦୦୦ ରୁ ଅଧିକ ନୋଟ୍ ପ୍ରତ୍ୟାହାର ନିଷ୍ପତ୍ତି ଅନୁଯାୟୀ କରାଯାଇଛି । ଆମାଜନ ବିତରଣ କମ୍ପାନୀ ଦ୍ୱାରା ଏହି ଘୋଷଣା କରାଯାଇଛି। ଆମାଜନ ଲେଖିଛି ଯେ ସେପ୍ଟେମ୍ବର ୧୯ରୁ ୨୦୦୦ ଟଙ୍କିଆ ନୋଟକୁ ସିଓଡି ବା କ୍ୟାସ ଅନ ଡେଲିଭରିରେ ଗ୍ରହଣ କରିବ ନାହିଁ | ଯଦିଓ ଆମାଜନ ବର୍ତ୍ତମାନ ସିଓଡିରେ ୨୦୦୦ ଟଙ୍କା ନୋଟ୍ ଗ୍ରହଣ କରୁଛି କିନ୍ତୁ ୧୯ ସେପ୍ଟେମ୍ବର ପରଠାରୁ ଆଉ ଏହି ନୋଟ ଗ୍ରହଣ କରିବ ନାହିଁ | କମ୍ପାନୀ ଆହୁରି ମଧ୍ୟ କହିଛି ଯେ ଯଦି ଆମାଜନର ତୃତୀୟ ପକ୍ଷ କୋରିଅର୍ ପାର୍ଟନର ମାଧ୍ୟମରେ କୌଣସି ସାମଗ୍ରୀ ବିତରଣ କରାଯାଉଥିଲେ, ୨୦୦୦ ଟଙ୍କିଆ ନୋଟ୍ ଗ୍ରହଣ କରାଯିବ।

  ଉଲ୍ଲେଖ ଥାଉ କି ଭାରତୀୟ ରିଜର୍ଭ ବ୍ୟାଙ୍କ ମେ ୧୯, ୨୦୨୩ରେ ୨୦୦୦ ଟଙ୍କିଆ ନୋଟ ପ୍ରତ୍ୟାହାର କରିବାକୁ ଘୋଷଣା କରିଥିଲା। ପ୍ରକାଶ ଥାଉକି, ଏହି ଘୋଷଣା ମୁତାବକ ଜଣେ ଚାହିଁଲେ ୩୦ ସେପ୍ଟେମ୍ବର ମଧ୍ୟରେ ବ୍ୟାଙ୍କରେ ୨୦୦୦ ଟଙ୍କିଆ ନୋଟ ବଦଳାଇପାରିବେ | ୧୯ ମେ ୨୦୨୩ରେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ୨୦୦୦ ଟଙ୍କିଆ ନୋଟକୁ ପ୍ରତ୍ୟାହାର କରିବା ପରେ ଅନେକ ଲୋକ ୨୦୦୦ ଟଙ୍କିଆ ନୋଟକୁ ବିନିମୟ କିମ୍ବା ଜମା କରିବା ପାଇଁ ବ୍ୟାଙ୍କ ନିକଟକୁ ଆସୁଛନ୍ତି। ଆରବିଆଇ ଦ୍ୱାରା ମିଳିଥିବା ତଥ୍ୟ ଅନୁଯାୟୀ, ଅଗଷ୍ଟ ୩୧, ୨୦୨୩ ସୁଦ୍ଧା ୯୩ ପ୍ରତିଶତ ୨୦୦୦ ଟଙ୍କିଆ ନୋଟକୁ ଲୋକ ବଦଳାଇସାରିଛନ୍ତି | କେନ୍ଦ୍ରୀୟ ବ୍ୟାଙ୍କ ଏକ ବିବୃତ୍ତିରେ କହିଛି ଯେ ଅଗଷ୍ଟ ୩୧ ପର୍ଯ୍ୟନ୍ତ ସର୍କୁଲାରରୁ ଫେରି ଆସିଥିବା ୨୦୦୦ ନୋଟଗୁଡିକର ମୋଟ ମୂଲ୍ୟ ହେଉଛି ୩.୩୨ ଲକ୍ଷ କୋଟି। ବର୍ତ୍ତମାନ ବଜାରରେ କେବଳ ୭ ପ୍ରତିଶତ ୨ହଜାର ଟଙ୍କିଆ ନୋଟ ଉପଲବ୍ଧ ଅଛି | ଆରବିଆଇ କହିଛି ଯେ ଯେଉଁମାନେ ୨୦୦୦ ଟଙ୍କା ନୋଟ୍ ଜମା କରିନାହାଁନ୍ତି କିମ୍ବା ବଦଳାଇ ନାହାଁନ୍ତି ସେମାନେ ବ୍ୟାଙ୍କ ଶାଖାକୁ ଯାଇ ଏହାକୁ ବଦଳାଇ ପାରିବେ।  ୨୦୦୦ ଟଙ୍କାର ନୋଟ୍ ଜମା କିମ୍ବା ବିନିମୟ ପାଇଁ ରିଜର୍ଭ ବ୍ୟାଙ୍କ ପ୍ରାୟ ଚାରି ମାସ ପର୍ଯ୍ୟନ୍ତ ସମୟ ଦେଇଥିଲା। ଉପଲବ୍ଧ ଥିବା ୨୦୦୦ ନୋଟଗୁଡିକ ସେପ୍ଟେମ୍ବର ୩୦, ୨୦୨୩ସୁଦ୍ଧା ବିନିମୟ କିମ୍ବା ଜମା ହେବା ଜରୁରୀ ବୋଲି ଘୋଷଣା କରାଯାଇଛି | ସେପ୍ଟେମ୍ବରର ବର୍ତ୍ତମାନର ସମୟସୀମା ଆବଶ୍ୟକ ହେଲେ ଆଗକୁ ବଢ଼ାଯାଇପାରେ, କିନ୍ତୁ ବର୍ତ୍ତମାନର ସମୟସୀମା ପରେ ଯଦି କାହାର ୨୦୦୦ ନୋଟ୍ ଥାଏ, ତେବେ ଏହା ଏକ ବୈଧ ଟେଣ୍ଡର ହୋଇ ରହିବ |

ଅଧିକ ପଢ଼ନ୍ତୁ : ସାମାନ୍ୟ ଜମି ବିବାଦରୁ ଝିଅ, ଜ୍ୱାଇଁ ଓ ଶ୍ୱଶୁରଙ୍କୁ ହତ୍ୟା