ନୂଆଦିଲ୍ଲୀ: ରାଜ୍ୟ ସଭାପତି ଏବଂ ରାଷ୍ଟ୍ରୀୟ ପରିଷଦର ସଦସ୍ୟଙ୍କ ନିର୍ବାଚନ ପାଇଁ ବିଜେପି ଗୁରୁବାର ନର୍ବାଚନ ଅଧିକାରୀଙ୍କ ନାଁ ଘୋଷଣା କରିଛି । କେନ୍ଦ୍ରମନ୍ତ୍ରୀଙ୍କ ସମେତ ବରିଷ୍ଠ ଅଧିକାରୀଙ୍କୁ ବିଭିନ୍ନ ରାଜ୍ୟରେ ଦଳୀୟ ନିର୍ବାଚନକୁ ସୂଚାରୁ ରୂପା ପରିଚାଳନା କରିବା ପାଇଁ ଦାୟିତ୍ୱ ଦିଆଯାଇଛି । କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ କେନ୍ଦ୍ର ମନ୍ତ୍ରୀ ଜୁଏଲ ଓରାମଙ୍କୁ ମଧ୍ୟ ଗୁରୁ ଦାୟିତ୍ୱ ଦିଆଯାଇଛି । ଓଡିଶା ପାଇଁ ବିଜେପି ନିର୍ବାଚନ ଅଧିକରୀ ଭାବେ ସଞ୍ଜୟ ଜୟସ୍ୱାଲଙ୍କୁ ଦାୟିତ୍ୱ ଦେଇଛି । ଏ ନେଇ ବିଜେପି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । 

ବିଜ୍ଞପ୍ତି ଅନୁଯାୟୀ, ଉତ୍ତର ପ୍ରଦେଶ ପାଇଁ କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ, ବିହାର ପାଇଁ କେନ୍ଦ୍ରମନ୍ତ୍ରୀ ମନୋହର ଲାଲ୍ ଖଟ୍ଟର ଏବଂ ମଧ୍ୟପ୍ରଦେଶ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ନିର୍ବାଚନ ଅଧିକାରୀ ନିଯୁକ୍ତ କରିଛି ବିଜେପି । ସେହିପରି ସୁନୀଲ ବଂଶଲଙ୍କୁ ଗୋଆ, ଭୁପେନ୍ଦ୍ର ଯାଦବଙ୍କୁ ଗୁଜରାଟ, ଶିବରାଜ ସିଂ ଚୌହାନଙ୍କୁ କର୍ଣ୍ଣାଟକ, ଓଡ଼ିଶା ପାଇଁ ସଞ୍ଜୟ ଜୟସ୍ୱାଲଙ୍କୁ ନିର୍ବାଚନ ଅଧିକାରୀ ଭାବେ ଦାୟିତ୍ୱ ଦେଇଛି ଦଳ ।

ଆଣ୍ଡାମାନ ନିକୋବର ପାଇଁ ତମିଲିସାଇ ସୁନ୍ଦରରାଜନ, ଆନ୍ଧ୍ର ପ୍ରଦେଶ ପାଇଁ ପିସି ମୋହନ, ଅରୁଣାଚଳ ପ୍ରଦେଶ ପାଇଁ ସର୍ବାନନ୍ଦ ସୋନୱାଲ, ଆସାମ ପାଇଁ ଗଜେନ୍ଦ୍ର ସିଂ ଶେଖାୱତ, ଚଣ୍ଡିଗଡ଼ ପାଇଁ ସରଦାର ନରିନ୍ଦର ସିଂହ ରୈନା, ଛତିଶଗଡ଼ ପାଇଁ ବିନୋଦ ତାୱଡେ, ଦାଦରା ଓ ନଗର ହାଭେଲି ଡମନ ଏବଂ ଡିଉ ପାଇଁ ରାଧା ମୋହନ ଦାସ ଅଗ୍ରୱାଲ, ହରିୟାଣା ପାଇଁ ଅରୁଣ ସିଂହ, ହିମାଚଳ ପ୍ରଦେଶ ପାଇଁ ଜିତେନ୍ଦ୍ର ସିଂହ, ଜାମ୍ମୁ କାଶ୍ମୀର ପାଇଁ ସଞ୍ଜୟ ଭାଟ୍ଟିୟା, କେରଳ ପାଇଁ ପ୍ରହ୍ଲାଦ ଯୋଶୀ, ଲଦାଖ ପାଇଁ ଜୟରାମ ଠାକୁର, ଲାକ୍ଷାଦ୍ୱୀପ ପାଇଁ ପୋନ.ରାଧାକୃଷ୍ଣ, ମେଘାଳୟ ପାଇଁ ଜର୍ଜ କୁରିୟନଙ୍କୁ ନିର୍ବାଚନ ଅଧିକାରୀ କରିଛି ଦଳ ।

ସେହିପରି ମିଜୋରାମ ପାଇଁ ବାନତି ଶ୍ରୀନିଭାସନ, ନାଗାଲାଣ୍ଡ ପାଇଁ ଭି.ମୁରଲୀଧରନ, ପୁଡୁଚେରୀ ପାଇଁ ତରୁଣ ଚୁଘ, ରାଜସ୍ଥାନ ପାଇଁ ବିଜୟ ରୁପାଣୀ, ସିକ୍କିମ ପାଇଁ କିରଣ ରିଜିଜୁ, ତାମିଲନାଡୁ ପାଇଁ ଜି.କିଷନ ରେଡ୍ଡି, ତେଲଙ୍ଗାନା ପାଇଁ କୁମାରୀ ଶୋଭା କରନ୍ଦଲାଜେ ଏବଂ ତ୍ରିପୁରା ପାଇଁ ଜୁଏଲ ଓରାମଙ୍କୁ ନିର୍ବାଚନ ଅଧିକାରୀ ନିଯୁକ୍ତ କରାଯାଇଛି ।