କୋଟାରେ ଆଉ ଜଣେ ଛାତ୍ର ଜୀବନ ହାରିଲେ । ବଢିଚାଲିଛି କୋଟାରେ ଛାତ୍ରଙ୍କ ମୃତ୍ୟୁ । ରାଜସ୍ଥାନ କୋଟାରେ ଆଉ ଜଣେ ଛାତ୍ର ଫ୍ୟାନରେ ଝୁଲି ପଡି ଜୀବନ ହାରିଛନ୍ତି । ଚଳିତ ବର୍ଷ ଏହା ହେଉଛି ଚତୁର୍ଥ ଘଟଣା ଯିଏ କି ନିଜ ଜୀବନ ହାରିଛନ୍ତି । ଲଗାତାର ଭାବେ ରାଜସ୍ଥାନ ଏଭଳି ଘଟଣା ଘଟିଚାଲିଛି । ଯାହାଫଳରେ ଆଶାବାନ୍ଧି ଆସିଥିବା ଛାତ୍ରଙ୍କ ପରିବାର ତାଙ୍କ ସନ୍ତାନକୁ ହରାଉଛନ୍ତି। ମୃତ ଛାତ୍ର ଜଣକ ଦ୍ବାଦଶ ଶ୍ରେଣୀରେ ପଢୁଥିଲେ ।

ସୂଚନା ଅନୁଯାୟୀ, ଆଜି ସକାଳୁ ଛାତ୍ରର ପରିବାର ଲୋକ ନିଜ ପୁଅର ଭଲମନ୍ଦ କଥା ବୁଝିବାକୁ ବାରମ୍ବାର ଫୋନ୍ କରିଥିଲେ। ହେଲେ ଛାତ୍ର ଜଣକ ଫୋନ୍ ଉଠାଇନଥିଲେ । ଶେଷରେ ବାଧ୍ୟ ହୋଇ ପରିବାର ଲୋକ ହଷ୍ଟେଲ ୱାଡେନ୍‌ଙ୍କ ନିକଟକୁ ଫୋନ୍ କରିଥିଲେ।ଏହାପରେ ୱାର୍ଡେନଜଣକ ତୁରନ୍ତ ଛାତ୍ରଙ୍କ ରୁମ୍‌ ନିକଟରେ ପହଞ୍ଚି ଦେଖିଥିଲେ ଛାତ୍ରଜଣକ ଫ୍ୟାନ୍‌ରେ ଝୁଲି ରହିଥିଲେ।ଏହାଦେଖି ୱାର୍ଡେନଜଣକ ଛାତ୍ରଙ୍କ ପରିବାର ଲୋକଙ୍କୁ ଜଣାଇଥିଲେ । ଏହାପରେ ପୋଲିସକୁ  ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି।

ଅଧିକ ପଢନ୍ତୁ :କାର-ବସ ମୁହାଁମୁହିଁ ଧକ୍କା, ୫ ମୃତ