ଆସନ୍ତା ବର୍ଷ ହେବାକୁ ଯାଉଛି ରାମ ମନ୍ଦିର ପ୍ରାଣ ପ୍ରତିଷ୍ଠା । ଏହିପାଇଁ ଜୋରଶୋରରେ ଚାଲିଛି ପ୍ରସ୍ତୁତି । ଏହି ଉତ୍ସବ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିଙ୍କୁ ନିମନ୍ତ୍ରିତ କରାଯାଇଛି । ତେବେ ଏହାକୁ ନେଇ ଆଉ ଏକ ସୂଚନା ସାମ୍ନାକୁ ଆସିଛି । ଏହି ଉତ୍ସବରେ ପୂର୍ବତନ କ୍ରିକେଟର ସଚିନ ତେନ୍ଦୁଲକର ଏବଂ ବିରାଟ କୋହଲିଙ୍କୁ ମଧ୍ୟ ନିମନ୍ତ୍ରଣ କରାଯାଇଛି | ଉୟଙ୍କୁ ନିମନ୍ତ୍ରଣ ପତ୍ର ପଠାଯାଇଥିବା ବେଳେ ସେମାନେ ସେହି ନିମନ୍ତ୍ରଣକୁ ଗ୍ରହଣ ମଧ୍ୟ କରିଛନ୍ତି ।

ସୂଚନା ଅନୁଯାୟୀ, ତାଙ୍କ ବ୍ୟତିତ 8000 ମାନ୍ୟଗଣ୍ୟ ବ୍ୟକ୍ତିଙ୍କୁ ଏହି କାର୍ଯ୍ୟକ୍ରମ ପାଇଁ ନିମନ୍ତ୍ରଣ ପତ୍ର ପଠାଯାଇଛି । ବଲିଉଡ ତାରକା, ଶିଳ୍ପପତି, ରାଜନେତା ଓ କ୍ରିକେଟ ଷ୍ଟାର ଅତିଥି ରୂପ ଉଦଘାଟନୀ ସମାରୋହରେ ସାମିଲ ହେବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଆରଏସଏସ ମୁଖ୍ୟ ମୋହନ ଭଗବତ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ବଲିଉଡର ବିଗ୍‌ ବି' ଓ ଶିଳ୍ପପତି ମୁକେଶ ଅମ୍ବାନୀଏବଂ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କୁ ନିମନ୍ତ୍ରଣ କରାଯାଇଛି । ଏହାସହ ଟ୍ରଷ୍ଟର ମହାସଚିବ ପୁରୁଷୋତ୍ତମ ସମସ୍ତ ଦେଶବାସୀଙ୍କୁ ପ୍ରଭୁ ଶ୍ରୀରାମଙ୍କ ମନ୍ଦିରକୁ ଆସି ଦର୍ଶନ ଓ ପୂଜାର୍ଚ୍ଚନା କରିବା ପାଇଁ ଆହ୍ବାନ ଦେଇଛନ୍ତି ।