ଗୋରଖପୁର: ଗଣେଶ ମୂର୍ତ୍ତି ବିସର୍ଜ‌ନ ବେଳେ ମଙ୍ଗଳବାର ରାତିରେ ଉତ୍ତରପ୍ରଦେଶର ବକ୍ସିପୁର ଥାୱାଇପୁଲ ନିକଟରେ ଜଣେ ଯୁବକଙ୍କୁ ଛୁରାମାଡ଼ ହୋଇଛି। ଚିତ୍କାର ଶୁଣି ପୁଲିସ ଘଟଣାସ୍ଥଳରେ ପହଞ୍ଚି ମାଛ ବିକ୍ରେତାଙ୍କ ସମେତ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି। ପୁଲିସ ଆହତମାନଙ୍କୁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରିଥିବା ବେଳେ ସେଠାରୁ ସେମାନଙ୍କୁ ବିଆରଡି ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି।

ଦୁର୍ଗାବାରି ରୁଦ୍ରପୁର ଅଞ୍ଚଳରେ ରହୁଥିବା ୩୦ ବର୍ଷୀୟ ବିବେକ ଗୌର ଧର୍ମଶାଳାରେ ଥିବା ଏକ ଲୁହା ଦୋକାନରେ କାମ କରନ୍ତି। ମଙ୍ଗଳବାର ରାତିରେ ଦୋକାନରୁ ଘରକୁ ଆସିବା ପରେ ସେ ପୋଷାକ ବଦଳାଇ ଗଣେଶ ମୂର୍ତ୍ତି ବିସର୍ଜନ ଦେଖିବା ପାଇଁ ଘରୁ ବାହାରିଥିଲେ।

ରାତି ୯ଟାରେ ଥୱାଇପୁଲର ମାଚିଲିମଣ୍ଡି ନିକଟରେ ବିବେକଙ୍କର କିଛି ଯୁବକଙ୍କ ସହ ଝଗଡ଼ା ହୋଇଥିଲା। ଘଟଣା ବଢିବାରୁ ସେ ତାଙ୍କୁ ଚାପୁଡ଼ା ମାରିଥିଲେ। ପ୍ରତିବାଦ କରିବାରୁ ତାଙ୍କୁ ମାଡ଼ ମାରିବା ପରେ ଅଣ୍ଟା ଉପର ପିଠିରେ ଛୁରୀ ମାଡ଼ କରିଥିଲେ। ବିବେକଙ୍କ ଚିତ୍କାର ଶୁଣି ଆଖପାଖ ଲୋକେ ଛକରେ ଠିଆ ହୋଇଥିବା ପୁଲିସ କର୍ମଚାରୀଙ୍କୁ ଘଟଣା ସମ୍ପର୍କରେ ଜଣାଇବା ପରେ ଘଟଣାସ୍ଥଳରୁ ମାଛ ବିକ୍ରେତା ମନୀଷ ଓ ଇରଫାନଙ୍କୁ ଗିରଫ କରିଥିଲେ। କିଛି ସମୟ ପରେ ସରଫରାଜ ମଧ୍ୟ ଧରାପଡ଼ିଥିଲେ। 

ଅଧିକ ପଢ଼ନ୍ତୁ: ରେଳଧାରଣା ଉପରେ ପଡ଼ିଲା ବଡ଼ଧରଣର ପଥର