ମୁମ୍ବାଇ: ମହାରାଷ୍ଟ୍ରର ରାଜଧାନୀ ମୁମ୍ବାଇରେ ଶନିବାର ଭୋର ସକାଳୁ ଏକ ତିନି ମହଲା କୋଠା ଭୁଶୁଡ଼ିଛି। ନବି ମୁମ୍ବାଇର ଶାହବାଜ ଗାଁରେ ଗ୍ରାଉଣ୍ଡ ପ୍ଲେସସ୍ଥିତ ତିନି ମହଲା କୋଠା ଅଚାନକ ଭୁଶୁଡ଼ି ଥିବା ସ୍ଥାନୀୟ ଲୋକେ କହିଛନ୍ତି। କୋଠା ତଳେ ଅନେକ ଲୋକ ଚାପି ହୋଇଥିବା ସନ୍ଦେହ କରାଯାଉଛି।
ଜଣେ ପୁଲିସ ଅଧିକାରୀ ଗଣମାଧ୍ୟମକୁ କହିଛନ୍ତି, କୋଠାରେ ୨୪ଟି ପରିବାର ରହୁଥିଲେ। କୋଠା ଭୁଶୁଡ଼ିବା ନେଇ ସୂଚନା ମିଳିବା ପରେ ପୁଲିସ, ଦମକଳ ବାହିନୀ, ଏନ୍ଡିଆରଏଫ୍ର କର୍ମଚାରୀମାନେ ଘଟଣାସ୍ଥଳକୁ ପହଞ୍ଚିଛନ୍ତି। ଜେସିବି ଦ୍ବାରା ଆବର୍ଜନା ସଫା କରାଯାଉଛି। ଉଦ୍ଧାର କାର୍ଯ୍ୟ ଜାରି ରହିଛି।
ନବି ମୁମ୍ବାଇ ନଗର ନିଗମ ଆୟୁକ୍ତ କୈଳାଶ ଶିନ୍ଦେ କହିଛନ୍ତି, ସକାଳ ପ୍ରାୟ ୫ଟାରେ କୋଠା ଭୁଶୁଡ଼ିଥିଲା। ଏହା ଏକ ଜି+୩ କୋଠା। ଦୁଇ ଜଣଙ୍କୁ ଉଦ୍ଧାର କରାଯାଇଛି। ଦୁଇ ଜଣ ଫସିଥିବା ସନ୍ଦେହ କରାଯାଉଛି। ଏନଡିଆରଏଫ୍ ଟିମ୍ ଉପସ୍ଥିତ ଅଛନ୍ତି। ଉଦ୍ଧାର କାର୍ଯ୍ୟ ଜାରି ରହିଛି।