ୱାଶିଂଟନ୍‌: ଆଗାମୀ ସପ୍ତାହରେ ବହୁ ପ୍ରତୀକ୍ଷିତ ରାଷ୍ଟ୍ରପତି ନିର୍ବାଚନ ପାଇଁ ମତଦାନ ଅନୁଷ୍ଠିତ ହେବ। ସମୟ ପାଖେଇ ଆସୁଥିବାରୁ ଏହି ନିର୍ବାଚନରେ ଅବତୀର୍ଣ୍ଣ ଦୁଇ ପ୍ରାର୍ଥୀ ଉପରାଷ୍ଟ୍ରପତି କମଳା ହାରିସ ଙ୍କ ଡୋନାଲ୍ଡ ଟ୍ରମ୍ପ ନିଜନିଜ ସପକ୍ଷରେ ସମର୍ଥନ ଜୁଟାଇବାରେ ବ୍ୟସ୍ତ ଅଛନ୍ତି। 

ଆମେରିକାର ଉପରାଷ୍ଟ୍ରପତି କମଳା ହାରିସ ପୂର୍ବତନ ପ୍ରଥମ ମହିଳା ମିସେଲ ଓବାମାଙ୍କ ସହ ମିଶିଗାନରେ ଏକ ରାଲି କରିବେ। ଏହାର ଉଦ୍ଦେଶ୍ୟ ହେଉଛି ଡେମୋକ୍ରାଟିକ୍ ପାର୍ଟିର ସମର୍ଥକମାନଙ୍କୁ ଭୋଟ ଦେବା ପାଇଁ ଉତ୍ସାହିତ କରିବା। ଶୁକ୍ରବାର ହ୍ୟୁଷ୍ଟନରେ ଆମେରିକୀୟ ଗାୟକ ବିୟୋନ୍ସଙ୍କ ସହ ହାରିସଙ୍କୁ ଦେଖିବାକୁ ମିଳିଥିଲା। ରିପବ୍ଲିକାନ ଦଳର ରାଷ୍ଟ୍ରପତି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଶନିବାର ଡେଟ୍ରୋଏଟ୍ର ନୋଭିଠାରେ ପେନ୍ସିଲଭାନିଆର ଷ୍ଟେଟ୍ କଲେଜରେ ଏକ କାର୍ଯ୍ୟକ୍ରମ ପୂର୍ବରୁ ଏକ ରାଲି କରିବାର କାର୍ଯ୍ୟକ୍ରମ ରହିଛି।

ଓସ୍କାର ବିଜେତା ଅଭିନେତା ଲିଓନାର୍ଡୋ ଡିକାପ୍ରିଓ ରାଷ୍ଟ୍ରପତି ପଦ ପାଇଁ କମଳା ହାରିସଙ୍କୁ ସମର୍ଥନ କରିଛନ୍ତି। ପରିବେଶ ପ୍ରତି ସକ୍ରିୟତା ପାଇଁ ଜଣାଶୁଣା ଡିକାପ୍ରିଓ ଗୁରୁବାର ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସାମ୍ପ୍ରତିକ ଝଡ଼କୁ ନେଇ ଚିନ୍ତା ପ୍ରକଟ କରିଛନ୍ତି।

ସେୟାର ହୋଇଥିବା ଭିଡିଓରେ ଡିକାପ୍ରିଓ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ପ୍ୟାରିସ୍ ଜଳବାୟୁ ଚୁକ୍ତିରୁ ଆମେରିକା ଓହରିଯିବାକୁ ସମାଲୋଚନା କରିଛନ୍ତି।  ଜଳବାୟୁ ପରିବର୍ତ୍ତନ ପୃଥିବୀକୁ ଧ୍ୱଂସ କରୁଛି। ଆମ ଅର୍ଥନୀତିକୁ ବଞ୍ଚାଇବା ପାଇଁ ଆମକୁ ସାହସିକ ପଦକ୍ଷେପ ନେବାକୁ ପଡ଼ିବ। ସେଥିପାଇଁ ମୁଁ କମଳା ହାରିସଙ୍କୁ ସମର୍ଥନ କରୁଛି।