ଆଗ୍ରା: ଉତ୍ତରପ୍ରଦେଶର ଆଗ୍ରା ଅଞ୍ଚଳରେ ପ୍ରେମିକା ସହ ୧୬ ବର୍ଷୀୟା ନାବାଳିକାକୁ ଜଣେ ବ୍ୟକ୍ତି ଅପହରଣ କରି ୩ ଥର ବିକ୍ରି କରିଛି। ଧୌଳପୁର ଓ ମୋରେନାରେ କ୍ରେତାଙ୍କ କବଳରେ ଫସିଥିବା ନାବାଳିକା ଦୁଷ୍କର୍ମର ଶିକାର ହୋଇଥିଲେ। ଜୁଲାଇ ମାସରେ ମୋରେନାରୁ ନାବାଳିକାକୁ ପୁଲିସ ଉଦ୍ଧାର କରିଥିଲା।

ଅଭିଯୁକ୍ତର ଭୟାବହତା କାରଣରୁ ସେ ଚୁପ୍ ରହିଥିଲେ। ଶନିବାର ପୁଲିସ ମୁଖ୍ୟ ଅଭିଯୁକ୍ତ ଓ ତାର ପ୍ରେମିକାଙ୍କୁ ଗିରଫ କରିବା ପରେ ନାବାଳିକା ଜଣକ ଘଟଣା ସମ୍ପର୍କରେ ପୁଲିସକୁ ଜଣାଇଥିଲେ। ପଚରାଉଚରା ବେଳେ ଅଭିଯୁକ୍ତମାନେ ଧୌଲପୁରରେ ନାବାଳିକାଙ୍କୁ ୫୦ ହଜାର ଟଙ୍କାରେ ବିକ୍ରି କରିଥିବା ସ୍ୱୀକାର କରିଥିଲେ। ଅଭିଯୁକ୍ତ ଓ ତାଙ୍କ ପ୍ରେମିକାକୁ ଶନିବାର ପୁଲିସ ଜେଲ୍ ପଠାଇଦେଇଛି।   

ଫତେହାବାଦ ଥାନା ଅଞ୍ଚଳରେ ରହୁଥିବା ୧୬ ବର୍ଷୀୟା ନାବାଳିକା ୨୦୨୪ ମେ ୨୭ ତାରିଖରେ ନିଖୋଜ ହୋଇଯାଇଥିଲେ। ନାବାଳିକାଙ୍କ ଭାଇ ଅଜ୍ଞାତ ବ୍ୟକ୍ତିଙ୍କ ବିରୋଧରେ ଅପହରଣ ମାମଲା ରୁଜୁ କରିଥିଲେ। ପୁଲିସ ଅଭିଯୁକ୍ତ ଗଡ଼ୀ ଦରିୟାବର ଭୋଲା ଓରଫ ମନୋଜ ତାଙ୍କ ପ୍ରେମିକା ଗୀତା ଓ ତାଙ୍କ ଝିଅ ମନୀଷାଙ୍କ ସହାୟତାରେ ନାବାଳିକାଙ୍କୁ ଅପହରଣ କରିଥିବା ପୁଲିସ ଜାଣିବାକୁ ପାଇଛି।  

ଗିରଫ ଅଭିଯୁକ୍ତକୁ ପଚରାଉଚରାରେ ବେଳେ ସେ କହିଛନ୍ତି ଯେ ଝିଅ ମନୀଷା ନାବାଳିକାକୁ ନିଶାଯୁକ୍ତ ଥଣ୍ଡା ପାନୀୟ ଦେଇଥିଲା। ତାଙ୍କୁ ଏକ ଅଟୋରେ ଅଚେତ ଅବସ୍ଥାରେ ରଖି ମୋରେନା ନିଆଯାଇଥିଲା। ସେଠାରେ  ଧୌଳପୁରର ରବିଙ୍କ ସହ ୫୦ ହଜାର ଟଙ୍କାରେ ଚୁକ୍ତି ହୋଇଥିଲା।  

ରବି ନାବାଳିକାକୁ ପ୍ରାୟ ଦୁଇ ସପ୍ତାହ ଧରି ନିଜ ପାଖରେ ରଖି ଶାରୀରିକ ଶୋଷଣ କରିବା ପରେ ମୋରେନାର ପଞ୍ଜାବ ସିଂହଙ୍କୁ ୫୦ ହଜାର ଟଙ୍କାରେ ବିକ୍ରି କରିଦେଇଥିଲା। ପଞ୍ଜାବ ସିଂହ ତାଙ୍କୁ ଦୁଇ ସପ୍ତାହ ଧରି ରଖିଥିଲା। ଏହି ସମୟରେ ତାଙ୍କୁ ଶାରୀରିକ ନିର୍ଯାତନା ଦିଆଯାଇଥିଲା। ପଞ୍ଜାବ ମଧ୍ୟ ଏହାକୁ ମୋରେନାର ରାମ ନିବାସ ନାମକ ଜଣେ ବ୍ୟକ୍ତିଙ୍କୁ ୪୦ ହଜାର ଟଙ୍କାରେ ବିକ୍ରି କରିଥିଲା। ଏଠାରେ ମଧ୍ୟ ତାଙ୍କୁ ବନ୍ଦୀ କରି ରଖାଯାଇ ଶୋଷଣ କରାଯାଇଥିଲା। ଜୁଲାଇ ୭ ତାରିଖରେ ନାବାଳିକାକୁ ପୁଲିସ ଉଦ୍ଧାର କରିଥିଲା। ସେହି ସମୟରେ ନାବାଳିକା ଜଣକ ସାଙ୍ଗ ମନୀଷା ଓ ତାଙ୍କ ମା' ତାଙ୍କୁ ଅପହରଣ କରିଥିବା ନେଇ ସୂଚନା ଦେଇଥିଲେ।  ତେବେ ଆତଙ୍କିତ ହୋଇ ସେ ସମ୍ପୂର୍ଣ୍ଣ ସୂଚନା ଦେଇନଥିଲେ।

ଇନ୍ସପେକ୍ଟର ଫତେହାବାଦ ଡିପି ତିୱାରୀ କହିଛନ୍ତି ଯେ ଅଭିଯୁକ୍ତ ହିଷ୍ଟ୍ରିସିଟର ଭୋଲା ଓରଫ ମନୋଜ, ତାଙ୍କ ପ୍ରେମିକା ଗୀତା ଏବଂ ତାଙ୍କ ନାବାଳକ ପୁଅକୁ ଶନିବାର ସହରର ଫିରୋଜାବାଦ ଟ୍ରାଇ-ଜଙ୍କସନରୁ ଗିରଫ କରାଯାଇଛି। ଅଭିଯୁକ୍ତମାନଙ୍କୁ ଜେଲ୍ ପଠାଇ ଦିଆଯାଇଛି।  

ଅଧିକ ପଢ଼ନ୍ତୁ: ଆଖଡ଼ା ପରିଷଦରେ ଶାହୀସ୍ନାନ-ପେଶ୍ୱାଇ ନାମ ପରିବର୍ତ୍ତନ ପାଇଁ ସଂକଳ୍ପ ପାରିତ