ନୂଆଦିଲ୍ଲୀ: ରସାୟନ ବିଜ୍ଞାନରେ ଚଳିତ ବର୍ଷ ପାଇଁ ନୋବେଲ୍ ପୁରସ୍କାର ଘୋଷଣା ହୋଇଛି । ଶୁକ୍ରବାର ଘୋଷଣା ହୋଇଥିବା ବ୍ୟକ୍ତିଙ୍କ ମଧ୍ୟରେ ଜାପାନ, ଆମେରିକା ଏବଂ ଅଷ୍ଟ୍ରେଲିଆର ୩ ଜଣ ବୈଜ୍ଞାନିକ ରହିଛନ୍ତି । ରୟାଲ ସ୍ୱୀଡିଶ୍ ଏକାଡେମୀ ଅଫ୍ ସାଇନ୍ସର ଘୋଷଣା ମୁତାବକ ଜାପାନର ସୁସୁମୁ କିତାଗାୱା, ଅଷ୍ଟ୍ରେଲିଆର ରିଚାର୍ଡ ରୋବସନ୍ ଏବଂ ଆମେରିକାର ଓମାର ଏମ୍. ୟାଗୀ । ଧାତୁ ଜୈବିକ ଢାଞ୍ଚାର ବା ମେଟାଲ୍ ଅର୍ଗାନିକ୍ ଫ୍ରେମୱାର୍କ (ଏମ୍ଓଏଫ୍) ବିକାଶ ପାଇଁ ତାଙ୍କୁ ଏହି ପୁରସ୍କାର ପ୍ରଦାନ କରାଯିବ।

ରିଚାର୍ଡ ରବସନ୍ ଅଷ୍ଟ୍ରେଲିଆର ମେଲବର୍ଣ୍ଣ ବିଶ୍ୱବିଦ୍ୟାଳୟରେ ପାଠ ପଢ଼ନ୍ତି । ଓମାର ଏମ୍. ୟାଗୀ ଆମେରିକାର ବର୍କଲିର କାଲିଫର୍ଣ୍ଣିଆ ବିଶ୍ୱବିଦ୍ୟାଳୟରେ ଜଣେ ପ୍ରଫେସର । ସୁସୁମୁ କିଟାଗାୱା ଜାପାନରୁ ଆସି ପଲିମର ଉପରେ ବ୍ୟାପକ ଭାବରେ କାର୍ଯ୍ୟ କରିଛନ୍ତି । ଏମ୍ଓଏଫର ଭୌତିକ ଏବଂ ରାସାୟନିକ ଗୁଣଗୁଡ଼ିକୁ ବୁଝିବା ଏବଂ ନିୟନ୍ତ୍ରଣ କରିବା ପାଇଁ ଗବେଷଣାରେ ଏହି ତିନିଜଣ ବୈଜ୍ଞାନିକ ପ୍ରମୁଖ ଭୂମିକା ଗ୍ରହଣ କରିଛନ୍ତି । 

ଏମ୍ଓଏଫ୍ ହେଉଛି ଏପରି ଏକ ପଦାର୍ଥ ଯେଉଁଠାରେ ଧାତୁ ଆୟନ କିମ୍ବା ଧାତୁ କ୍ଲଷ୍ଟରଗୁଡ଼ିକୁ ଜୈବିକ ଲିଙ୍କର (ଯେପରିକି କାର୍ବୋକ୍ସିଲେଟ୍, ନାଇଟ୍ରାଇଲ୍, ଇତ୍ୟାଦି) ଦ୍ୱାରା ଯୋଡା ଯାଇଥାଏ,  ଯାହା ଦ୍ୱାରା ବଡ଼ ଛିଦ୍ର କିମ୍ବା ଗହ୍ୱର ସହିତ ଏକ ତ୍ରି-ପରିମାଣୀୟ ସାମଗ୍ରୀ ଗଠନ ସୃଷ୍ଟି ହୋଇଥାଏ । ବୈଜ୍ଞାନିକମାନେ ଏହାକୁ ଅଧିକ ବିକାଶ କରିବାର ଏକ ନୂତନ ଉପାୟ ଆବିଷ୍କାର କରିଛନ୍ତି । ଏହି ଢାଞ୍ଚାଗୁଡ଼ିକ ଧାତୁ ଏବଂ ଜୈବ ପଦାର୍ଥରେ ତିଆରି ଏବଂ ଏଥିରେ କ୍ଷୁଦ୍ର ଛିଦ୍ର ରହିଛି ଯାହା ଗ୍ୟାସ ସଂରକ୍ଷଣ କରିବା, ବାୟୁରୁ କାର୍ବନ ଡାଇଅକ୍ସାଇଡ୍ ଅପସାରଣ କରିବା ଏବଂ ରାସାୟନିକ ପ୍ରକ୍ରିୟାଗୁଡ଼ିକୁ ସହାୟତା କରିବା ପାଇଁ ବ୍ୟବହାର କରାଯାଇପାରିବ । ନୋବେଲ ବିଜେତାମାନେ ଏକ ନୂତନ ପ୍ରକାରର ଆଣବିକ ଗଠନ ବିକଶିତ କରିଛନ୍ତି । ସେମାନେ ସୃଷ୍ଟି କରିଥିବା ଗଠନ ଏମ୍ଓଏଫରେରେ ବଡ଼ ଛିଦ୍ର ଅଛି ଯାହା ମାଧ୍ୟମରେ ଅଣୁ ଭିତରକୁ ଏବଂ ବାହାରକୁ ପ୍ରବାହିତ ହୋଇପାରିବେ । ଗବେଷକମାନେ ସେଗୁଡ଼ିକୁ ମରୁଭୂମି ବାୟୁରୁ ପାଣି ସଂଗ୍ରହ କରିବା, ପାଣିରୁ ପ୍ରଦୂଷକ ଅପସାରଣ କରିବା, ଅଙ୍ଗାରକାମ୍ଳ ଶୋଷଣ କରିବା ଏବଂ ଉଦଜାନ ସଂରକ୍ଷଣ କରିବା ପାଇଁ ବ୍ୟବହାର କରିଛନ୍ତି ।