ରୁଷରେ ସଂସଦୀୟ ନିର୍ବାଚନର ଶେଷ ଦିନରେ ୟୁକ୍ରେନ୍ ମସ୍କୋ ଉପରେ ୧୬୦୦ ରୁ ଅଧିକ ଡ୍ରୋନ୍ରେ ଆକ୍ରମଣ କରିଛି, ଯାହାକୁ ମେୟର "ଏପର୍ଯ୍ୟନ୍ତର ସବୁଠାରୁ ବଡ଼" ବୋଲି ବର୍ଣ୍ଣନା କରିଛନ୍ତି। ଏହି ଆକ୍ରମଣଗୁଡ଼ିକରେ ଗୋଟିଏ ତେଲ ରିଫାଇନାରୀ ଏବଂ ଆବାସିକ କୋଠା କ୍ଷତିଗ୍ରସ୍ତ ହୋଇଛି।

ରୁଷରେ ସଂସଦୀୟ ନିର୍ବାଚନ ଚାଲିଛି, ଏହା ମଧ୍ୟରେ ୟୁକ୍ରେନୀୟ ସେନା ରାତିସାରା ରୁଷ ଉପରେ ୧୬୦୦ ରୁ ଅଧିକ ଡ୍ରୋନ୍ ମାଡ଼ କରିଛି। ଏଥିମଧ୍ୟରୁ ଅଧିକାଂଶ ଡ୍ରୋନ୍ ଆକ୍ରମଣ ରାଜଧାନୀ ମସ୍କୋ ଉପରେ କରାଯାଇଛି। ୟୁକ୍ରେନ୍ ପକ୍ଷରୁ ରୁଷକୁ ଏପରି ଏକ ସମୟରେ ଟାର୍ଗେଟ୍ କରାଗଲା, ଯେତେବେଳେ କ୍ରେମଲିନ୍ରେ ସଂସଦୀୟ ନିର୍ବାଚନର ତୃତୀୟ ତଥା ଶେଷ ଦିନ ଥିଲା। ମସ୍କୋର ମେୟର ଡ୍ରୋନ୍ର ଏହି ଆକ୍ରମଣକୁ ରୁଷୀୟ ରାଜଧାନୀ ଉପରେ “ଏପର୍ଯ୍ୟନ୍ତର ସବୁଠାରୁ ବଡ଼” ଆକ୍ରମଣ ବୋଲି ଦର୍ଶାଇଛନ୍ତି। ସେ କହିଛନ୍ତି, “ଏହାଦ୍ୱାରା ମସ୍କୋର ଗୋଟିଏ ତେଲ ରିଫାଇନାରୀ ଏବଂ ଗୋଟିଏ ରେଜିଡେନ୍ସିଆଲ୍ ବିଲ୍ଡିଂ (ଆବାସିକ କୋଠା) ମଧ୍ୟ କ୍ଷତିଗ୍ରସ୍ତ ହୋଇଛି।”

ସ୍ଥାନୀୟ ଗଭର୍ଣ୍ଣର ଆନ୍ଦ୍ରେ ଭୋରୋବ୍ୟୋଭଙ୍କ ଅନୁଯାୟୀ, ମସ୍କୋର ଆଖପାଖ ଅଞ୍ଚଳରେ ଏହି ଆକ୍ରମଣ ହୋଇଥିଲା । ଯେଉଁଥିରେ ଦୁଇ ଜଣ ଲୋକଙ୍କର ମୃତ୍ୟୁ ହୋଇଛି ଏବଂ ୨୦ ଜଣ ଆହତ ହୋଇଛନ୍ତି। ମୃତ୍ୟୁବରଣ କରିଥିବା ଦୁଇ ଜଣଙ୍କ ମଧ୍ୟରେ ଜଣେ ୭୪ ବର୍ଷୀୟ ପୁରୁଷ ଏବଂ ଜଣେ ୪୪ ବର୍ଷୀୟା ମହିଳା ସାମିଲ ଅଛନ୍ତି। ବର୍ତ୍ତମାନ ପାଇଁ, ଏହି ଆକ୍ରମଣକୁ ନେଇ ୟୁକ୍ରେନ୍ ପକ୍ଷରୁ କୌଣସି ତୁରନ୍ତ ବିବୃତି ସାମ୍ନାକୁ ଆସିନାହିଁ।

ଏହା ଦେଶର ପ୍ରଥମ ଯୁଦ୍ଧକାଳୀନ ନିର୍ବାଚନ

ରୁଷରେ ହୋଇଥିବା ନିକଟତର ସଂସଦୀୟ ନିର୍ବାଚନ ସମ୍ପୂର୍ଣ୍ଣ ଭାବେ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଏବଂ ତାଙ୍କ ସରକାର (କ୍ରେମଲିନ୍)ଙ୍କ ନିୟନ୍ତ୍ରଣରେ ରହିଥିଲା, ଯେଉଁଥିରେ ତାଙ୍କ ନୀତିଗୁଡ଼ିକୁ ବିରୋଧ କରିବା ପାଇଁ କେହି ନଥିଲେ। ଯେହେତୁ ଏହି ନିର୍ବାଚନ ୟୁକ୍ରେନ୍ ଯୁଦ୍ଧ ମଧ୍ୟରେ ହୋଇଥିଲା, ସେଥିପାଇଁ ଏହାକୁ ଦେଶର ପ୍ରଥମ ‘ଯୁଦ୍ଧକାଳୀନ ନିର୍ବାଚନ’ କୁହାଯାଇଛି।

ଚାରି ବର୍ଷରୁ ଅଧିକ ସମୟ ପୂର୍ବରୁ ରୁଷର ଆକ୍ରମଣ ପରଠାରୁ, ୟୁକ୍ରେନ୍ ମିଲିଟାରୀ ଡ୍ରୋନ୍ ଟେକ୍ନୋଲୋଜିରେ ବିଶ୍ୱର ଲିଡର୍ ପାଲଟିଯାଇଛି। ସେ ରୁଷ ଭିତରକୁ ଆକ୍ରମଣ କରିବା ପାଇଁ ମିସାଇଲ୍ ସହିତ ନିଜ ଦେଶରେ ନିର୍ମିତ ଲମ୍ବା ଦୂରଗାମୀ ଡ୍ରୋନ୍ଗୁଡ଼ିକର ବ୍ୟବହାର କରୁଛି। ତା’ର ଡ୍ରୋନ୍ ଟେକ୍ନୋଲୋଜି ସାରା ବିଶ୍ୱର ସରକାର ଏବଂ ଡିଫେନ୍ସ ମ୍ୟାନୁଫ୍ୟାକ୍ଚରର୍ସମାନଙ୍କୁ ପ୍ରଭାବିତ କରିଛି।

କିଭ୍ (ୟୁକ୍ରେନ୍ ରାଜଧାନୀ) ର ଉଦ୍ଦେଶ୍ୟ ହେଉଛି ରୁଷୀୟ ଜନସାଧାରଣଙ୍କୁ ଯୁଦ୍ଧର ପରିଣାମ ଅନୁଭବ କରାଇବା ଏବଂ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଉପରେ ଶାନ୍ତି ସମ୍ମିଳନୀ/ଚୁକ୍ତି  ପାଇଁ ଚାପ ପକାଇବା। ପୁଟିନ୍ ଏପର୍ଯ୍ୟନ୍ତ ଏପରି କୌଣସି ସଙ୍କେତ ଦେଇନାହାନ୍ତି ଯେ ସେ ଆକ୍ରମଣ ରୋକିବାକୁ ଚାହୁଁଛନ୍ତି।

କାହିଁକି ବଢ଼ାଉଛନ୍ତି ଆକାଶମାର୍ଗ ଆକ୍ରମଣ?

ପୂର୍ବ ଏବଂ ଦକ୍ଷିଣ ୟୁକ୍ରେନ୍ରେ ଜମି ଉପରେ ସିଧାସଳଖ ଲଢ଼େଇ ଏବେ ଧୀମା ପଡ଼ିଯାଇଛି। ଏହାର ମୁଖ୍ୟ କାରଣ ହେଉଛି ଯୁଦ୍ଧକ୍ଷେତ୍ରରେ ବିପୁଳ ସଂଖ୍ୟାରେ ଡ୍ରୋନ୍ ଏବଂ ଗ୍ରାଉଣ୍ଡ ରୋବୋଟ୍ ମୋତୟନ ଅଛନ୍ତି। ଏଗୁଡ଼ିକ ସୈନ୍ୟମାନଙ୍କର କୌଣସି ବି ଚଳପ୍ରଚଳକୁ ତୁରନ୍ତ ଦେଖିନିଅନ୍ତି ଏବଂ ସେମାନଙ୍କ ଉପରେ ଆକ୍ରମଣ କରନ୍ତି। ଏହି କାରଣରୁ ଆମନା-ସାମନା ଯୁଦ୍ଧ କମ୍ ହେଉଛି। ଏବେ ଏହା ବଦଳରେ ମସ୍କୋ ଏବଂ କିଭ୍ ଏକାପରସ୍ପର ଉପରେ ଦୂରରୁ କରାଯାଉଥିବା ଆକାଶମାର୍ଗ ଏବଂ ମିସାଇଲ୍ ଆକ୍ରମଣକୁ ବୃଦ୍ଧି କରୁଛନ୍ତି।